నందమూరి మోక్షజ్ఞ ఎంట్రీ ఎప్పుడా అని ఫ్యాన్స్ ఎదురుచూస్తున్నారు. అదిగో ఇదిగో అంటున్నారు..ఈ మూవీకి సీక్వెల్ ఆ మూవీకి సీక్వెల్ అని ప్రచారం జరుగుతోంది కానీ ఆ రోజు ఎప్పుడొస్తుందో మాత్రం క్లారిటీ ఇవ్వడం లేదు. ఇప్పుడు మరోసారి మోక్షజ్ఞ ఎంట్రీపై డిస్కషన్ తెరపైకి వచ్చింది..
సినిమా ఇండస్ట్రీలో వారసుల ఎంట్రీపై అంచనాలు ఏ రేంజ్ లో ఉంటాయో ప్రత్యేకంగా చెప్పుకోవాల్సిన అవసరం లేదు. ఇక నందమూరి బాలకృష్ణ తనయుడు మోక్షజ్ఞ ఎంట్రీపై అయితే ఐదేళ్ళ నుంచి ఫ్యాన్స్ ఎదురుచూపులు కొనసాగుతున్నాయి. బాలయ్య అండ్ కో మౌనంగా ఉంటే ఫ్యాన్స్ పెద్దగా హడావుడి చేసేవారు కాదు కానీ అదిగో ఇదిగో అని చాలా కాలంగా ఊరిస్తుండడంతో పదే పదే చర్చ జరుగుతోంది. అప్పుడెప్పుడో ఆదిత్య 369 సీక్వెల్ 999 అంటూ చెప్పిన బాలయ్య దర్శకత్వం తనదే అన్నట్లు చెప్పారు. ఆ తర్వాత దర్శకుల లిస్టు మారుతూ వచ్చింది. రీసెంట్ గా మరోసారి వారసుడి ఎంట్రీ పై ఇండస్ట్రీలో బజ్ మొదలైంది. ఈసారి మోక్షజ్ఞ ఎంట్రీ మూవీ ‘అఖండ 2’ అంటున్నారు..
అఖండ సీక్వెల్ తో మోక్షజ్ఞ ఎంట్రీ
బాలకృష్ణ-బోయపాటి కాంబినేషన్లో వచ్చిన అఖండ మూవీ సూపర్ హిట్టైంది. దీనికి సీక్వెల్ గా అఖండ 2 తెరకెక్కుతోంది. బోయపాటి దర్శకత్వంలో రాబోయే ఈ సినిమా షూటింగ్ ఈ ఏడాది ఏపీ ఎన్నికల తర్వాత ప్రారంభమయ్యే ఛాన్స్ ఉంది. ప్రస్తుతం స్క్రిప్ట్ పనుల్లో ఉన్న బోయపాటి మోక్షజ్ఞ ఎంట్రీని దృష్టిలో ఉంచుకుని స్క్రిప్ట్ ప్రిపేర్ చేస్తున్నట్టు టాక్. వాస్తవానికి బోయపాటి మొదట మోక్షజ్ఞను సోలోగానే తన స్టైల్ మాస్ కథతో పరిచయం చేయాలని అనుకున్నాడట. కానీ బోయపాటి చెప్పిన కథలేవీ బాలయ్యకు నచ్చలేదట. అందుకే అఖండ 2 అయితే బెస్ట్ అని డిసైడ్ అయ్యాడట బోయపాటి..అందుకు బాలయ్య కూడా గ్రీన్ సిగ్నల్ ఇచ్చినట్టు టాక్.
స్క్రిప్ట్ పూర్తి స్థాయిలో సిద్ధమైన తర్వాత బాలకృష్ణతో మరోసారి డిస్కస్ చేశాక అపీషియల్ గా అనౌన్స్ చేయనున్నారని తెలుస్తోంది.. తరువాత మరోసారి బాలక్రిష్ణ చర్చించే అవకాశం ఉంది. అయితే మొన్నటి వరకూ ఆదిత్య 369 సీక్వెల్ అన్నారు..ఇప్పుడేమో అఖండ సీక్వెల్ అంటున్నారు.. ఫైనల్ గా మోక్షజ్ఞ ఎంట్రీ ఏ మూవీలో ఉంటుందో వెయిట్ అండ్ సీ…ఇక బాలయ్య NBK109 ప్రాజెక్టు విషయానికి వస్తే.. బాబీ దర్శకత్వం వహిస్తున్న ఈ సినిమా షూటింగ్ శరవేగంగా జరుగుతోంది. సమ్మర్ కానుకగా విడుదల చేసేందుకు ప్లాన్ చేస్తున్నారు.
