నందమూరి న‌ట‌సింహ బాలకృష్ణ 110వ సినిమాగా తెరకెక్కుతోంది అఖండ-2. బోయ‌పాటి శ్రీను ద‌ర్శ‌క‌త్వంలో రాబోతున్న మూవీకి మొత్తం సిద్ధమైంది. ఈ ప్రాజెక్ట్ ఈ ఏడాది పట్టాలెక్కనుందని టాక్. ఈ సినిమాకు సంబంధించి లేటెస్ట్ అప్ డేట్ ఏంటంటే…ఇందులో నటించేందుకు ఇధ్దరు హీరోయిన్లు పోటీ పడుతున్నారని టాక్. ఎవరా ఇద్దరు? అఖండ సీక్వెల్లో నటించేదెవరు?….మూవీకి సంబంధించి లేటెస్ట్ అప్ డేట్స్ ఏంటో చూద్దాం…
అంజలి-కాజల్ ఎవర ఫైనల్!
బాలయ్యతో నటించేందుకు అంజలి, కాజల్ అగర్వాల్ పేర్లు పరిశీలిస్తున్నారట మేకర్స్. వీళ్లద్దరూ ఇప్పటికే బాలయ్యతో కలసి నటించారు. అంజలి డిక్టెటర్ మూవీలో…కాజల్ రీసెంట్ గా వచ్చిన భగవంత్ కేసరిలో నటించారు. వీళ్లిద్దరిలో ఎవరో ఒకర్ని ఫైనల్ చేసే ఛాన్సుందని టాక్. అయితే డిక్టేటర్ మూవీ బాలకృష్ణకి ఫ్లాప్ ఇస్తే..భగవంత్ కేసరి సూపర్ సక్సెస్ అందించింది. అందుకే మరోసారి కాజల్ ని రిపీట్ చేస్తే సక్సెస్ కలసిసొస్తుందన్నది నందమూరి ఫ్యాన్స్ అభిప్రాయం. అయితే బాలయ్య తనకు మంచి ఫ్రెండ్ అని చెబుతుంటుంది అంజలి. ఈ మధ్య గ్యాంగ్స్ ఆఫ్‌ గోదావరి ప్రీ రిలీజ్‌ ఈవెంట్‌లో బాలయ్య కావాలనే అంజలిని వెనక్కు నెట్టేశారనే ప్రచారం జరిగింది. అయితే అది ఫొటో కోసం సరదాగా అలా అన్నారంటూ అంజలి క్లారిటీ ఇచ్చింది. దీనిపై మొదట్లో రచ్చ జరిగినా..అంజలి రిప్లైతో అంతా కూల్ అయిపోయింది. ఆ తర్వాత కూడా అంజలి స్టేజ్ పైకి వెళ్లేందుకు లేస్తుండగా బాలయ్య టచ్ చేశారంటూ వీడియో వైరల్ చేస్తున్నారు. ఎవరెన్ని ప్రచారాలు చేసినా తామిద్దరం స్నేహితులం అని …ఒకరంటే మరొకరికి గౌరవం ఉందని తేల్చి చెప్పేసింది అంజలి. ఇన్ని హడావుడిల మధ్య అంజలిని హీరోయిన్ గా తీసుకుంటే సినిమాకు ముందే పబ్లిసిటీ పెరుగుతుందనే ఆలోచన కూడా అఖండ సీక్వెల్ మేకర్స్ కి ఉందని టాక్. కాజల్ తో బాలయ్యకి అంత చనువు లేకున్నా హిట్టిచ్చిన హీరోయిన్ అనే సెంటిమెంట్ ఉంది.
జూన్ 10 వరకు వెయిట్ చేయాల్సిందే
కాజల్ – అంజలి ఇద్దరిలో నందమూరి నటసింహం ఛాయిస్ ఎవ‌రు అవుతారో చూడాలి. దీనిపై జూన్ 10న బాలకృష్ణ బర్త్ డే సందర్భంగా క్లారిటీ వస్తుందని తెలుస్తోంది. ప్ర‌స్తుతం బాలయ్య హీరోగా 109వ సినిమాని బాబి తెరకెక్కిస్తున్నాడు. ఈ మూవీ హడావుడి పూర్తైన వెంటనే అఖండ సీక్వెల్ సెట్స్ పైకి వెళ్లనుంది. మొన్నటి వరకూ ఎన్నికల ప్రచారంలో బిజీగా ఉన్న బాలయ్య …త్వరలో సెట్స్ కి వెళ్లేందుకు ప్లాన్ చేసుకుంటున్నారు. ఏదేమైనా బాలయ్య నయా ప్రాజెక్టులపై అఫీషియల్ అప్ డేట్స్ కోసం జూన్ 10వరకూ వెయిట్ చేయాల్సిందే…
