లేడీ ఓరియెంటెండ్ మూవీస్ ఓ వైపు..హీరోయిన్ ఆఫర్లతో మరోవైపు కెరీర్లో దూసుకెళుతోంది కీర్తి సురేష్. ఇండస్ట్రీలో జర్నీ కూల్ గా స్టార్ట్ చేసిన కీర్తి.. స్టార్ హీరోయిన్ గా వెలుగుతోంది. త్వరలో రఘుతాతా మూవీతో వస్తోన్న కీర్తి…పెద్ద రిస్కే చేస్తోందంటున్నారు ఫ్యాన్స్…
రఘు తాతా మూవీతో వస్తోన్న కీర్తి
టాలీవుడ్‌లో స్టార్ హీరోయిన్‌గా దూసుకుపోతున్న కీర్తి సురేష్ నేను శైలజ సినిమాతో కెరీర్ ప్రారంభించింది. ఆతర్వాత కొన్ని సినిమాల్లో నటించినా మహానటి…కీర్తి క్రేజ్ ని అమాంతం పెంచేసింది. ఆ తర్వాత మరికొన్ని లేడీ ఓరియెంటెడ్ సినిమాలతో దూసుకెళ్లింది. ఇక అన్నీ ఇలాంటి మూవీస్ లోనే నటిస్తుందని అంతా ఫిక్సయ్యారు. అంతలోనే దసరా, సర్కారువారి పాట సినిమాలతో మళ్లీ కమర్షియల్ హీరోయిన్ గా దూసుకొచ్చింది. ప్రస్తుతం తెలుగు, తమిళం సినిమాలతో బిజీగా ఉన్న కీర్తి సురేష్ లేటెస్ట్ మూవీ “రఘు తాతా”. సుమన్‌కుమార్ దర్శకత్వంలో రూపొందుతున్న ఈ చిత్రాన్ని హోంబలే ఫిల్మ్స్ నిర్మిస్తోంది. ఇందులో ఎంఎస్ భాస్కర్, రవీంద్ర విజయ్, దేవదర్శిని, రాజీవ్ ముఖ్య పాత్రలు పోషిస్తున్నారు. ఇప్పటికే విడుదలైన ఈ మూవీ టీజర్ సినిమాపై అంచనాలు భారీగానే పెంచింది.
పుష్ప మూవీతో పోటీ
ఈ మూవీ విడుదల తేదీ ప్రకటించిన మేకర్స్…స్వాతంత్ర్య దినోత్సవం సందర్భంగా “రఘు తాతా” ని ఆగస్టు 15 విడుదల కానుందని చెప్పారు. ఈ మేరకు కీర్తి సురేష్ కూడా సోషల్ మీడియాలో ఈ డేట్ కన్ఫామ్ చేసింది. ఇప్పటివరకూ బాగానే ఉన్నా…రిలీజ్ డేట్ విషంలో రిస్క్ చేశారేమో అనుకుంటున్నారు సినీ ప్రియులు. ఎందుకంటే అదే రోజు అల్ల అర్జున్-సుకుమార్ కాంబినేషన్లో తెరకెక్కుతోన్న పుష్ప 2 థియేటర్లలోకి వస్తోంది. ఆ మూవీపై భారీ అంచనాలున్నాయి..మోస్ట్ అవైటింగ్ మూవీస్ లిస్టులో పుష్ప 2 ఫస్ట్ ప్లేస్ లో ఉంది. ఇలాంటి సినిమా రిలీజ్ రోజు కీర్తి మూవీ డేట్ ఫిక్స్ చేయడం ఇప్పుడు హాట్ టాపిక్ అయింది.
ఎవరి క్రేజ్ వాళ్లది
భారీ మూవీస్ వస్తున్న టైమ్ లో మీడియం మూవీస్ రిలీజ్ చేయడం రిస్క్ తో కూడుకున్నదే. కానీ కొన్ని సందర్భాల్లో ఆ భారీ చిత్రాలు సక్సెస్ అయినా టికెట్లు దొరక్క మరో ఆప్షన్ గా ఈ మూవీస్ కనిపిస్తాయి..పెద్ద సినిమాల రిజల్ట్ తేడాకొట్టినా వీటికి టైమ్ కలిసొస్తుంది. పైగా కీర్తి సురేష్ మూవీ అంటే మినిమం గ్యారంటీ అనే టాక్ ప్రేక్షకుల్లో ఉంది. మొత్తానికి పుష్ప తో పోటీపడుతున్న మహానటికి తెలుగులో ఎన్ని థియేటర్లు దొరకుతాయో..మూవీ రిజల్ట్ ఎలా ఉండబోతోందో చూద్దాం…
