డయాబెటిస్ అనేది ఇప్పుడు చాలా కామన్ అయిపోయింది. అప్పట్లో షుగర్ వచ్చిందనగానే వయసుపైబడింది కదా అనేవారు కానీ ఇప్పుడు వయసుతో సంబంధం లేకుండా డయాబెటిస్ అటాక్ చేస్తోంది. చాలామంది పరీక్షలు చేయించుకోవడం ఆలస్యం చేయడంతో రక్తంలో చక్కెర స్థాయిలు సాధారణం కన్నా ఎక్కువైపోతున్నాయి.మరి ఏం చేయాలి? వైద్య నిపుణులు ఏం చెబుతున్నారు?
గతేడాదిలో ఇండియన్ కౌన్సిల్ ఆఫ్ మెడికల్ రీసెర్చ్ ఇండియా డయాబెటిస్ అధ్యయనం ప్రకారం.. కనీసం 136 మిలియన్ల మందికి ప్రీడయాబెటిస్ ఉందని తేలింది. 315 మిలియన్లకు పైగా ప్రజలు అధిక రక్తపోటు కలిగి ఉన్నారు. ప్రీడయాబెటిస్ అనేది ఒక వ్యక్తి రక్తంలో చక్కెర స్థాయిలను క్రమంగా పెంచుతుంది. మధుమేహ నిర్ధారణ కోసం థ్రెషోల్డ్ కన్నా తక్కువగా ఉంటాయి. మీ పాస్టింగ్ బ్లడ్ చక్కెర స్థాయిలను చెక్ చేయండి. 100mg/dL నుంచి 125mg/dL మధ్య ఉంటే.. మీరు ప్రీడయాబెటిస్ కేటగిరీ కిందకు వస్తారు. మీరు గ్లైకోసైలేటెడ్ హిమోగ్లోబిన్ కూడా చెక్ చేయవచ్చు. మూడు నెలలకు సగటు చక్కెర, 5.7 కన్నా ఎక్కువ అయితే.. 6.3 కన్నా తక్కువ ఉంటే.. అది ప్రీ-డయాబెటిస్ అని కూడా పిలుస్తారు. ప్రీ-డయాబెటిస్‌లో రక్తంలో చక్కెర స్థాయిలు పెరిగినప్పుడు శరీరం మూత్రం ద్వారా అదనపు చక్కెరను తొలగించడానికి ప్రయత్నిస్తుంది. ఏకకాలంలో నీటిని కోల్పోతుంది. ఈ ప్రక్రియ తేలికపాటి డీహైడ్రేషన్‌కు దారితీస్తుంది. ప్రభావిత వ్యక్తులలో మరింత దాహాన్ని పెంచుతుంది. అన్ని సమయాలలో చాలా దాహంతో ఉన్నట్లయితే.. ప్రీ-డయాబెటిస్ సంకేతం కావచ్చు.
ఎప్పటికప్పుడు చెకప్ తప్పనిసరి
ప్రీ-డయాబెటిస్‌ను చెక్ చేయకుండా వదిలేస్తే.. టైప్ 2 డయాబెటిస్‌గా పురోగమిస్తుందన్నారు ఆరోగ్య నిపుణులు. తద్వారా తీవ్రమైన అనారోగ్య సమస్యలకు దారితీస్తుందని హెచ్చరించారు. ప్రీడయాబెటిస్ నిర్లక్ష్యం చేస్తే.. టైప్ 2 డయాబెటిస్‌గా మారుతుందన్నారు. కాలక్రమేణా, ప్రీడయాబెటిస్‌తో సంబంధం ఉన్న అధిక రక్తంలో చక్కెర స్థాయిలు శరీరంలోని అవయవాలు, కణజాలాలను దెబ్బతీస్తాయి. గుండెజబ్బులు, స్ట్రోక్, మూత్రపిండాల వ్యాధి, నరాల నష్టం, దృష్టి సమస్యలు, రక్తప్రసరణ సమస్యలు వంటి సమస్యలకు దారితీస్తుంది. అలానే వదిలిస్తే.. మరింత ప్రమాదాన్ని కూడా పెంచుతుంది.
ఇలా బయటపడొచ్చు
ప్రీడయాబెటిస్ సంఖ్య పెరుగుతున్నప్పటికీ దానిని సమర్థవంతంగా తిప్పికొట్టొచ్చని చెబుతున్నారు ఆరోగ్య నిపుణులు. ప్రీడయాబెటిస్‌ను ముందస్తుగా గుర్తించడానికి రెగ్యులర్ చెకప్‌లు చాలా అవసరం. ఆరోగ్యకరమైన జీవనశైలి తప్పనిసరి. శారీరక శ్రమతో సహా వ్యాయామం చేస్తుండాలి. చక్కెర పదార్థాలను తీసుకోవడం తగ్గించాలి. ఆరోగ్యకరమైన శరీర బరువును అదుపులో ఉంచుకోవాలి. రక్తంలో చక్కెర స్థాయిలను తగ్గించడానికి ప్రతిరోజూ తగినంత నిద్రకూడా అవసరం…
గమనిక: ఆరోగ్య నిపుణులు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. దీనిని ఏ మేరకు విశ్వశించాలి అనేది పూర్తిగా మీ వ్యక్తిగతం
