ఇండస్ట్రీలో ఇప్పుడంతా సౌత్ హవా నడుస్తోంది. ఒకప్పుడు సౌత్ ని తక్కువగా చేసి చూసిన బాలీవుడ్ ఇప్పుడు హిట్స్ కోసం మన సినిమాలపై, మన దర్శకులపై ఆధారపడుతోంది. మొన్న షారుక్ ఖాన్ సౌత్ డైరెక్టర్ తో మూవీ చేసి బ్లాక్ బస్టర్ హిట్టందుకుంటే…ఇప్పుడు ఆ లిస్టులో చేరాడు సల్మాన్ భాయ్…
షారుక్ తర్వాత సల్మాన్
ఏ ముహూర్తాన బాహుబలి మూవీలో గట్టిగా కొట్టామో కానీ..ఆ తర్వాత నుంచి సౌత్ ఇండస్ట్రీ హవా నడుస్తోంది. కేజీఎఫ్, విక్రమ్, కాంతారా ఇలా వరుస సూపర్ హిట్స్ తో సౌత్ ఇండస్ట్రీ దూసుకెళుతోంది. బాలీవుడ్ లో సరైన హిట్టు లేని పరిస్థితుల్లో పఠాన్ మూవీతో కొంత ఊపిరిపోశాడు షారుక్. ఆ సక్సెస్ ని కొనసాగించాలి అంటే సౌత్ డైరెక్టర్ ని నమ్ముకోవడం బెటరని ఫిక్సయ్యాడు..అందుకే అట్లీతో జవాన్ మూవీ తీసి బ్లాక్ బస్టర్ హిట్టందుకున్నాడు. ఇప్పుడు సల్మాన్ కూడా ఇదే పని చేయాలని ఫిక్సయ్యాడట.
భాయ్ హిట్టు చూసి ఐదేళ్లు దాటింది
2017 తరువాత నుంచి సల్మాన్ ఖాన్ కి ఒక సాలిడ్ హిట్టు కూడా పడలేదు. టైగర్ 2 హిట్ తరువాత మొన్న టైగర్ 3 వరకు అన్నీ ఓకే అనిపించాయే కానీ అదిరిపోయే హిట్టివ్వలేదు. బాలీవుడ్ స్పై యూనివర్స్ లో భాగంగా రూపొందిన టైగర్ 3లో షారుఖ్ ఖాన్ ఎంట్రీ కూడా పెద్దగా కలసిరాలేదు. 300 కోట్లకు పైగా బడ్జెట్ తో తెరకెక్కిన ఈ చిత్రం 500 కోట్ల మార్క్ ని కూడా అందుకోలేక బోల్తా పడింది. దీంతో భాయ్ ఫ్యాన్స్ అంతా.. షారుఖ్ లాంటి కమ్‌బ్యాక్ ని సల్మాన్ నుంచి కూడా కోరుకుంటున్నారు. అందుకే సౌత్ డైరెక్టర్ బెస్టని డిసైడ్ అయ్యాడట సల్మాన్…
మురుగదాస్ తో సల్మాన్
సౌత్ స్టార్ డైరెక్టర్ మురగదాస్ తో సల్మాన్ ఖాన్ తన కొత్త సినిమా అనౌన్స్ చేశాడు. మురగదాస్ ఇప్పటికే బాలీవుడ్ లో పలు సినిమాలు చేసి అక్కడి స్టార్స్ కి హిట్స్ అందించారు. సాజిద్ నడియాద్వాల ఈ మూవీకి నిర్మాత. 2025 రంజాన్ కి ఈ చిత్రాన్ని రిలీజ్ చేయబోతున్నట్లు కూడా ప్రకటించారు. కాగా మురగదాస్ ప్రస్తుతం శివ కార్తికేయన్‌తో ఓ సినిమా చేస్తున్నారు. ఇటీవలే ఈ మూవీ షూటింగ్ ని కూడా స్టార్ట్ చేశారు. ఇది పూర్తి అయిన తరవాత సల్మాన్ సినిమా స్టార్ట్ చేయనున్నాడని టాక్. మరి మురుగదాస్ మూవీతో సల్మాన్ ఖాన్ సూపర్ హిట్టందుకుంటాడేమో చూడాలి..
