సందీప్ రెడ్డి వంగా తెరకెక్కించిన యానిమల్ మూవీతో లైమ్ లైట్ లోకి వచ్చింది బాలీవుడ్ బ్యూటీ త్రిప్తి డిమ్రీ. యానిమల్ మూవీలో కనిపించింది కాసేప కానీ తన యాక్టింగ్ తో అందరినీ ఫిదా చేసేసింది. న్యూడ్ గా నటించి పెద్ద షాకిచ్చింది. తన స్క్రీన్ ప్రెజెన్స్ తో నేషనల్ లెవెల్ లో క్రేజ్ సంపాదించుకుంది. హీరోయిన్ రష్మిక కన్నా ఈమే టాక్ ఆఫ్ ది టౌన్ గా మారింది. ఇప్పుడీ బ్యూటీకి ఆఫర్లు వెల్లువెత్తుతున్నాయ్…
ఆషికీ-3లో ఛాన్స్
యానిమల్ రిలీజైన ఫస్ట్ షో నుంచే సోషల్ మీడియాలో ఎక్కడ చూసినా త్రిప్తి పేరే ఎక్కువగా వినిపించింది. ఆమె సోషల్ మీడియా అకౌంట్లకు ఒక్కసారిగా ఫాలోవర్స్ పెరిగిపోయారు. తాను ఎక్కడికి వెళ్లినా.. ఏం చేసినా వైరల్ అయిపోతుంది. యానిమల్ మూవీ త్రిప్తి జాతకమే మార్చేసింది. ఈ మూవీ తర్వాత అమ్మడికి ఆఫర్లు క్యూ కడుతున్నాయి. ఈ మధ్యే బాలీవుడ్ కల్ట్ క్లాసీ ఆషికీ సీక్వెల్ ఆషికీ-3లో ఛాన్స్ కొట్టేసిన త్రిప్తి.. మరో క్రేజీ ఆఫర్ దక్కించుకుంది.
భూల్ భూలయ్యా థర్డ్ పార్ట్ లో కీలక రోల్
హిందీ చంద్రముఖి భూల్ భూలయ్యా థర్డ్ పార్ట్ లో కీలక పాత్రలో నటించనుంది. ఈ విషయాన్ని మేకర్స్ తాజాగా ప్రకటించారు.
ఈ మూవీలో కార్తీక్ ఆర్యన్ హీరోగా నటిస్తుండగా.. సీనియర్ నటి విద్యాబాలన్ మళ్లీ ముంజులికగా భయపెట్టనుంది. ఈ సినిమాలో కార్తీక్ ఆర్యన్ కు జోడీగా త్రిప్తి నటించనున్నట్లు టాక్. యూత్ లో మంచి ఫ్యాన్ బేస్ ఉన్న త్రిప్తిని మేకర్స్ తీసుకోవడంతో ఈ హారర్ కామెడీ మూవీపై ఒక్కసారిగా అందరి దృష్టి పడింది. అయితే భూల్ భూలయ్యా-1లో అక్షయ్ కుమార్, విద్యాబాలన్, అమీషా పటేల్ లీడ్ రోల్స్ చేశారు. అప్పట్లో ఈ మూవీ బ్లాక్ బస్టర్ హిట్ గా నిలిచింది. ఆ తర్వాత సెకండ్ పార్ట్ లో కార్తీక్ ఆర్యన్, టబు, కియారా అద్వానీ నటించారు. మూడో భాగానికి ముంజులికగా మళ్లీ విద్యాబాలన్ ను తీసుకున్నారు మేకర్స్. సెకండ్ పార్ట్ కు దర్శకత్వం వహించిన అనీస్ బాజ్మీ.. భూల్ భూలయ్యా-3ని కూడా డైరెక్ట్ చేస్తున్నారు. ప్రస్తుతం షూటింగ్ జరుపుకుంటున్న ఈ ప్రాజెక్ట్.. 2024 దీపావళి కానుకగా థియేటర్లలోకి రానుంది.
ఫజిల్ గేమ్
భూల్ భూలయ్యా ప్రపంచంలోకి తృప్తి డిమ్రికి స్వాగతం అంటూ పోస్టర్ షేర్ చేశారు కార్తీక్. త్రిప్తి డిమ్రి యాడ్ అవడంతో థ్రిల్స్, చిల్స్ మరింత ఎక్కువగా టాయని ఆ పోస్టర్‌పై ఉంది. తృప్తి పేరు చెప్పే ముందు నెటిజన్లతో ఓ చిన్న పజిల్ గేమ్ ఆడారు కార్తీక్ ఆర్యన్. తృప్తి కనిపించీ కనిపించకుండా ఓ పజిల్ పీస్ లాంటి ఫొటో పోస్ట్ చేశారు. ఈమె ఎవరో కనిపెట్టాలన్నారు. చాలా మంది రకరకాల కామెంట్లు చేశారు. ఆ తర్వాత ముఖం మాత్రమే కనిపించేలా ఇంకో పజిల్ పీస్ పోస్ట్ చేసి.. సాల్వ్ చేయండి అని కార్తీక్ టెస్ట్ పెట్టారు. ఆ తర్వాత కాసేపటికే తృప్తి పేరును అధికారికంగా ప్రకటించారు.
