దర్శకధీరుడు రాజమౌళి తెరకెక్కించిన సెన్షేషనల్ హిట్ RRR మూవీలో రామరాజు పాత్రలో రామ్ చరణ్ నటించగా, కొమురం భీమ్ పాత్రలో ఎన్టీఆర్‌ నటించాడు. ఈ సినిమాలో రామ్ చరణ్ కి జోడీగా బాలీవుడ్‌ స్టార్ హీరోయిన్ ఆలియా భట్ మెరిసింది. మూవీలో ఆమె సన్నివేశాలు కొన్నే అయినప్పటికీ ప్రేక్షకులను ఆకట్టుకున్నాయి. రామ్ చరణ్ – అలియా భట్ జోడీ కూడా బావుంది అనిపించింది. వీళ్లిద్దరి కాంబో రిపీట్ అయితే బావుండును అనుకున్నారు ఫ్యాన్స్. ఇప్పుడా కల నెరవేరబోతోందని టాక్…
జాన్వి ఫిక్స్ – బోనీ కపూర్ క్లారిటీ
రామ్ చరణ్- బుచ్చిబాబు కాంబినేషన్లో ఓ మూవీ తెరెకక్కనుంది.ఈ సినిమాలో జాన్వీ కపూర్ ను హీరోయిన్ గా తీసుకునేందుకు చర్చలు జరుగుతున్నాయని అన్నారు. కానీ ఇప్పుడీ విషయాన్ని ఫైనల్న చేసేశాడు ఆమె తండ్రి బోనీ కపూర్.తన కూతురు నెక్ట్స్ రామ్ చరణ్ సినిమాలో నటిస్తోందంటూ చెప్పేశాడు. దీంతో బుచ్చిబాబు ప్రాజెక్టులో రామ్ చరణ్‌కు జోడిగా జాన్వీ కపూర్ ఫిక్స్ అయిందని క్లారిటీ వచ్చేసింది. అభిమానులు మాత్రం ఈ వార్తలపై నిరాశతోనే ఉన్నారు. ఆమెను ఎందుకు తీసుకున్నావ్ అన్నా అంటూ కామెంట్స్ పెడుతున్నారు. ఎందుకంటే అసలే జాన్వీ కపూర్‌కు ఇంత వరకు ఓ హిట్టు రాలేదు. బాలీవుడ్‌లో ఆమె చేసిన సినిమాలేవీ హిట్ అవలేదు. అందం తప్ప ఆకట్టుకునే నటన లేదని కామెంట్స్ పోస్ట్ చేస్తున్నారు.
గెస్ట్ రోల్ లో అలియా!
జాన్వి కపూర్ హీరోయిన్ గా ఫిక్సైన ఈ మూవీలో కీలకమైన గెస్ట్ రోల్ కోసం అలియాను సంప్రదిస్తున్నారనే టాక్ వచ్చింది. రామ్ చరణ్ తో అలియా ఇదివరకే నటించింది కాబట్టి నో చెప్పే ఛాన్స్ లేదు. అంటే జాన్వి,అలియా ఇద్దరూ ఈ మూవీలో కనిపించనున్నారన్నమాట.
గేమ్ చేంజర్ అయ్యాక బుచ్చిబాబు ప్రాజెక్ట్
రామ్ చరణ్ బుచ్చిబాబు ప్రాజెక్ట్ మీద రోజురోజుకూ అంచనాలు పెరుగుతున్నాయి. బుచ్చిబాబు అయితే ఏ ఆర్ రెహమాన్‌తో ఆల్రెడీ మ్యూజిక్ సిట్టింగ్ స్టార్ట్ చేశాడని అంటున్నారు. రెండు పాటలకు కూడా సెట్ అయ్యాయని టాక్. ఒక్కసారి గేమ్ చేంజర్ ఫినిష్ చేసుకుని రామ్ చరణ్ వస్తే.. ఆ తరువాత కంటిన్యూగా బుచ్చిబాబు షూటింగ్‌తో బిజీ అవుతాడని సమాచారం. మార్చిలో ఈ చిత్రాన్ని లాంఛనంగా ప్రారంభించి.. ఏప్రిల్ నుంచి కంటిన్యూగా షూటింగ్ చేస్తారని సమాచారం. ఏం జరుగుతుందో చూడాలి మరి…
