టాలీవుడ్ లో కమర్షియల్ డైరెక్టర్ గా హరీష్ శంకర్ కి ఓ ఇమేజ్ ఉంది. రీమేక్ స్టోరీస్ కి లోకల్ టచ్ ఇచ్చి హిట్టందుకువోడంలో హరీష్ శంకర్ ని మించినోడు లేడంటారు ప్రేక్షకులు. పవన్ కెరీర్లో బ్లాక్ బస్టర్ హిట్టైన గబ్బర్ సింగ్, వరుణ్ తేజ్ గద్దల కొండ గణేష్ మూవీస్ ఒరిజినల్ వెర్షన్స్ కంటే పెద్ద కమర్షియల్ సక్సెస్ అందుకున్నాయి. అయితే 2019లో గద్దల కొండ గణేష్ తర్వాత ఇప్పటి వరకూ హరీష్ శంకర్ మూవీ రాలేదు. అంటే దాదాపు ఐదేళ్ల విరామం వచ్చింది..కానీ ఇప్పుడు ఒక్కసారిగా నాలుగు ప్రాజెక్టులతో బిజీ అయిపోయాడు హరీష్..అవన్నీ భారీ అంచనాలున్న సినిమాలే కావడం మరింత ఇంట్రెస్టింగ్…
పవన్ తో ఉస్తాద్ భగత్ సింగ్
గద్దలకొండ గణేష్ మూవీ తర్వాత పవన్ తో మూవీ తెరకెక్కించేందుకు ప్లాన్ చేసుకున్న హరీష్ తన డేట్స్ కోసం ఎదురుచూశాడు. ఎట్టకేలకు డేట్స్ తీసుకుని ఉస్తాద్ భగత్ సింగ్ ప్రారంభించాడు. అయితే మూవీ షూటింగ్ సగం కూడా పూర్తికాలేదు కానీ పవన్ కళ్యాణ్ ఏపీ రాజకీయాల్లో బిజీ అయిపోయారు. దీంతో ప్రస్తుతానికి ఆ మూవీ షూటింగ్ కి బ్రేక్ పడింది. ఏపీలో ఎన్నికల హడావిడి ముగిసిన తర్వాత ఈ మళ్ళీ ఉస్తాద్ భగత్ సింగ్ పట్టాలు ఎక్కే అవకాశం ఉంది.
రవితేజ తో బచ్చన్
పవన్ ప్రాజెక్ట్ కి బ్రేక్ పడడంతో ఈ లోగా మాస్ మహారాజ్ రవితేజ తో ‘మిస్టర్ బచ్చన్’ సినిమాని హరీష్ శంకర్ స్టార్ట్ చేసి షూటింగ్ కంప్లీట్ చేసే పనిలో ఉన్నాడు. పీపుల్స్ మీడియా ఫ్యాక్టరీ ఈ చిత్రాన్ని నిర్మిస్తోంది. హిందీలో రైడ్ కి రీమేక్ గా మిస్టర్ బచ్చన్ తెరకెక్కుతోంది. దీని తర్వాత ఉస్తాద్ భగత్ సింగ్ పై ఫోకస్ చేయనున్నాడు.
మెగాస్టార్ తో ప్రాజెక్ట్
ప్రస్తుతం విశ్వంభర షూటింగ్ లో బిజీగా ఉన్న మెగాస్టార్ చిరంజీవి..ఆ మూవీ పూర్తైన వెంటనే హరీష్ శంకర్ కి డేట్స్ ఇవ్వనున్నాడని టాక్. ఈ లోగా ఉస్తాద్ భగత్ సింగ్, మిస్టర్ బచ్చన్ పూర్తిచేయనున్నాడు హరీష్…
బాలకృష్ణతో మూవీ
అగ్రహీరోలందర్నీ లైన్లో పెట్టేస్తున్న హరీష్..ప్రస్తుతం వరుస హిట్స్ తో జోరుమీదున్న బాలకృష్ణను కూడా లైన్లో పెట్టాడని టాక్. కెవిఎన్ ప్రొడక్షన్స్ లో ఒక మూవీని ఫైనల్ చేసుకున్నారని దీనికి సంబంధించి అఫీషియల్ అనౌన్స్ మెంట్ రానుందని టాక్. ఈ మూవీ చిరుతో మూవీ తర్వాత ఉంటుందా ముందే ఉంటుందా అన్నది క్లారిటీ రావాల్సి ఉంది
మొత్తానికి ఐదేళ్లపాటూ బ్రేక్ తీసుకున్న హరీష్ శంకర్ ఒకేసారి నాలుగు ప్రాజెక్టులతో బిజీ అయిపోయాడు. పైగా అవన్నీ భారీ అంచనాలున్న సినిమాలే కావడంతో డైరెక్టర్ గా హరీష్ కి ఇంకొన్నాళ్లు తిరుగులేదంతే అంటున్నారు ఫ్యాన్స్…
