లాంగ్ గ్యాప్ తర్వాత ‘మిస్ శెట్టి మిస్టర్ పోలిశెట్టి’ సినిమాతో వచ్చింది అనుష్క. ఆ తర్వాత మలయాళంలో ఓ ప్రాజెక్ట్ కి కమిటైంది. తాజాగా తెలుగులో ఓ మూవీకి గ్రీన్ సిగ్నల్ ఇచ్చింది..ఇది చూసిన ఫ్యాన్స్…స్వీటీ ప్రభాస్ ని దాటిరావడం లేదుగా అంటున్నారు…
‘వేదం’ కాంబో!
మిస్ శెట్టి మిస్టర్ పొలిశెట్టి తర్వాత మళ్లీ సినిమాలు చేస్తుందా లేదా అన్న డౌట్ అనుష్క ఫ్యాన్స్ లో ఉండేది. అయితే తనకు నచ్చిన, నప్పిన కథలు రాకపోవడం వల్లే చిన్న బ్రేక్ తీసుకున్న అనుష్క..తాజాగా ఓ మూవీకి గ్రీన్ సిగ్నల్ ఇచ్చినట్టు తెలుస్తోంది. ఈ మధ్యే క్రిష్ కలసి స్టోరీ వినిపించడం..ఆ కథ నచ్చడంతో స్వీటీ ఓకే అందట. దాదాపు ఈ కాంబోలో సినిమా ఫిక్స్ అయినట్టే అని…లేడీ ఓరియెంటెడ్ మూవీ అని టాక్.
అప్పటి వరకూ గ్లామర్ హీరోయిన్ గా ఉన్న అనుష్కలో నటిని వెలికితీసింది ‘అరుంధతి’. ఈ సినిమాలో అనుష్క నటవిశ్వరూపం చూసి వహ్వా అనకుండా ఉండలేకపోయారు సినీ ప్రియులు. ఒక్కసారిగా జేజమ్మ క్రేజ్ పెరిగిపోయింది. ఆ తర్వాత ఓ వైపు గ్లామర్ క్యారెక్టర్స్ చేస్తూనే ‘పంచాక్షరి’, ‘భాగమతి’ లాంటి ఫిమేల్ సెంట్రిక్ మూవీస్ లోనూ నటించింది. ‘నిశ్శబ్ధం’ అనే ప్రయోగాత్మక మూవీలో నటించిన అది సక్సెస్ కాలేదు. ఇప్పుడు లాంగ్ గ్యాప్ తర్వాత లేడీ ఓరియెంటెడ్ మూవీతో మళ్లీ వస్తోంది. క్రిష్ దర్శకుడు కావడంతో సినిమాపై మంచి అంచనాలే ఉన్నాయి. గతంలో వీళ్ల కాంబోలో ‘వేదం’ ఏ రేంజ్ లో హిట్టైందో ప్రత్యేకంగా చెప్పుకోవాల్సిన అవసరం లేదు.
పవన్ మూవీ గ్యాప్ లో అనుష్క తో ప్రాజెక్ట్!
క్రిష్ డైరెక్షన్ లో పవన్ కళ్యాణ్ హీరోగా ‘హరి హర వీరమల్లు’ సినిమా సెట్స్ మీదకు వెళ్లి నాలుగేళ్లు అవుతోంది. పవన్ కళ్యాణ్ రాజకీయంగా బిజీగా ఉండడం, చేతినిండా ప్రాజెక్టులు ఉండడంతో పూర్తిస్థాయిలో షూటింగ్ జరగడం లేదు. ఇక ఏపీలో ఎన్నికలు అయ్యేవరకూ పవన్ డేట్స్ ఇచ్చే పరిస్థితి కూడా లేదు. అందుకే ఈ గ్యాప్ లో అనుష్కతో ఓ లేడీ ఓరియెంటెడ్ మూవీ తెరకెక్కించాలని ఫిక్సయ్యాడట క్రిష్. దీనికి సంబంధించిన అప్ డేట్స్ త్వరలోనే రానున్నాయ్.
ప్రభాస్ ని దాటిరాని స్వీటీ
ప్రస్తుతం మలయాళంలో ఓ సినిమాలో నటిస్తోంది అనుష్క. ఇప్పుడు క్రిష్ తో తెలుగు మూవీకి ఓకే చెప్పింది. ఇది కూడా ప్రభాస్ హోమ్ ప్రొడక్షన్ బ్యానర్ యూవీ క్రియేషన్స్ లోనే ఉండబోతుందని టాక్. ‘బాహుబలి’ తర్వాత నుంచి అనుష్క చేస్తున్న తెలుగు సినిమాలన్నీ యూవీ క్రియేషన్స్ లోనే ఉంటున్నాయి. ఇప్పుడు కొత్త సినిమాని కూడా యూవీ క్రియేషన్స్ లోనే అవడంతో..అనుష్క..ప్రభాస్ ని దాటి రావడం లేదని సరదాగా పోస్టులు పెడుతున్నారు ఫ్యాన్స్.
