సంక్రాంతి బరిలో చాలా సినిమాలు పోటీపడుతున్నాయ్. ముఖ్యంగా మూడు సినిమాలపై భారీ అంచనాలున్నాయ్. వాటిలో రెండు సినిమాలు సీనియర్ హీరోలవి కాగా..మరొకటి మహేష్ బాబుది. అసలు వీళ్ల ముగ్గరి మధ్యా పోటీ ఇదే ఫస్ట్ టైమ్…
మహేష్ బాబు ‘గుంటూరు కారం’, నాగార్జున ‘నా సామిరంగ’, వెంకటేష్ ‘సైంధవ్’..ఈ మూడు సినిమాలు సంక్రాంతి కానుక‌గా ఒక రోజు గ్యాప్ లోనే రిలీజ్ అవుతున్నాయి. మూడు సినిమాల‌పైనా భారీ అంచ‌నాలున్నాయి. దీంతో ఎవరు ముందు ఎవరు వెనుక అన్నది ఇంటెస్ట్రింగ్ టాపిక్ గా మారింది. వీళ్ల ముగ్గురి మధ్యా పోటీ …అది కూడా సంక్రాంతి సమయంలో అంటే..ఇదే ఫస్ట్ టైమ్. వెంకటేష్..నాగార్జున చాలాసార్లు పోటీపోటీగా వాళ్ల సినిమాలు రిలీజ్ చేశారు కానీ సీనియర్ హీరోల మధ్యలోకి మహేష్ రావడం తొలిసారి.
గ‌తంలో మహేష్.. వెంకటేష్ న‌టించిన మ‌ల్టీస్టారర్ సీత‌మ్మ వాకిట్లో సిరిమల్లెచెట్టు సంక్రాంతికి రిలీజ్ అయి మంచి విజ‌యం సాధించింది. ఇప్పటికే
థియేట‌ర్ల స‌ర్దుబాటు అనేది ఓ ప్లాన్ ప్రకారం జరుగుతోంది. ఏ హీరో ఇబ్బంది పడకుండా స్టార్ హీరో అభిమానులు హర్ట్ అవకుండా అన్ని రకాల జాగ్రత్తలతోనే సినిమాలు రిలీజ్ చేస్తున్నారు. ఎలాంటి టెన్షన్ వాతావరణం లేదు. పైగా ఏ సినిమాకి ఆ సినిమాపైనే పాజిటివ్ వైబ్స్ ఉండడంతో అభిమానులంతా ధీమాగానే ఉన్నారు.
మహేశ్‌ బాబు – త్రివిక్రమ్‌ కాంబినేషన్ లో రూపొందిన గుంటూరు కారం మూవీలో శ్రీలీల, మీనాక్షీ చౌదరి హీరోయిన్స్ గా నటించారు. ఈ నెల 12న గుంటూరుకారం థియేటర్లలో సందడి చేయనుంది. వెంకటేశ్ 75 సినిమాగా వచ్చిన సైంధవ్…ఈనెల 13న రిలీజ్ అవుతోంది. ఇందులో శ్రద్ధా శ్రీనాథ్ హీరోయిన్. సంక్రాంతి టార్గెట్ గా విడుదలవుతోన్న నాగ్ మూవీ నా సామిరంగ. దర్శకుడిగా మారిన కొరియోగ్రాఫర్ విజయ్ బిన్ని దర్శకత్వంలో తెరకెక్కిన ఈ మూవీలో అషికా రంగనాథ్ హీరోయిన్. ఈ మూడు సినిమాలకు పోటీగా హనుమాన్ కూడా ఉంది…మరి ఏ సినిమాకు ఎలాంటి ఆదరణ లభిస్తుందో వెయిట్ అండ్ సీ…
