మాటల మాంత్రికుడు తివిక్రమ్‌ను పూనమ్ కౌర్ మరోసారి టార్గెట్ చేసింది.. గురూజీ అని సంభోదిస్తూనే స్ట్రాంగ్ గా సెటైర్స్ వేసింది. గుంటూరు కారం సినిమాకు సంబంధించి పూనమ్ ట్వీట్ వైరల్ అుతోంది..ఇంతకీ పూనమ్ త్రివిక్రమ్ ని ఎందుకు టార్గెట్ చేసింది..
ఆయన ఏదైనా చేయగల సమర్థుడు
అందం, టాలెంట్ ఉన్నా అదృష్టం కలిసిరాని హీరోయిన్లలో పూనమ్ కౌర్ దే ఫస్ట్ ప్లేస్. అయితే ఈ పంజాబీ ముద్డుగుమ్మ సినిమాల కన్నా కాంట్రవర్శీలతోనే ఎక్కువగా పాపులర్ అయింది. సోషల్‌ మీడియాలో మంచి ఫాలోయింగ్ సంపాదించుకుంది. ముఖ్యంగా అవసరం ఉన్నా లేకున్నా.. పవన్, త్రివిక్రమ్‌పై వివాదాస్పద ట్వీట్లు చేస్తుంటుంది. తాజాగా మరోసారి గురూజీని టార్గెట్ చేసింది పూనమ్. మహేష్ బాబు – త్రివిక్రమ్ కాంబోలో సంక్రాంతి కానుకగా ‘గుంటూరు కారం’ రిలీజ్ అవుతోంది. ఈ మూవీపై ఇప్పటికే ప్రేక్షకుల్లో విపరీతమైన క్రేజ్ ఉంది. అయితే.. త్రివిక్రమ్ శ్రీనివాస్…కీర్తి కిరీటాలు అనే నవల ఆధారంగా గుంటూరు కారం తీశారనే టాక్ వినిపిస్తోంది. జోరుగా జరుగుతున్న ఈ ప్రచారంపై పూనమ్ సంచలన ట్వీట్ చేసి మంట పెట్టింది. ఆయన ఏదైనా చేయగల సమర్థుడని.. అందులో నుంచి అంతే సామర్థ్యంతో బయటపడగలడని పూనమ్ కౌర్ కామెంట్స్ చేసింది. తప్పుడు పనులకు ప్రత్యేకంగా ముసుగు వేయగలుగుతారని, దీన్ని జనం చూడలేరని సెన్సేషన్‌ కామెంట్స్ చేసింది పూనమ్. గురూజీకి గత ప్రభుత్వాల సీఎంల కార్యాలయాలకు- ప్రత్యేక అనుబంధం ఎలా ఏర్పడిందనే విషయం ఆశ్చర్యాన్ని కలిగిస్తుంటుందంటూ పెట్టిన పోస్ట్ వైరల్ అవుతోంది.
జల్సాలు చూపిస్తూ..అజ్ఞాతవాసంలో వేసేస్తాడు
గతంలోనూ పూనమ్ త్రివిక్రమ్‌ను ఉద్దేశించి ఇలాంటి కామెంట్స్ ఎన్నో చేసింది. జల్సాలు చూపిస్తూ.. అజ్ఞాతవాసంలో వేసేస్తాడు జాగ్రత్త… నమ్మకద్రోహి అంది. ఆ నాలుగు కుటుంబాలకు దగ్గరగా ఉంటూ NRI హీరోయిన్లను అవకాశాలు ఇవ్వడం ఆ దర్శకుడికి అలవాటు. నాకు హిట్లు లేవనే సాకులు చెప్పారు మరి NRI హీరోయిన్ కు ఉన్నాయా హిట్స్? మీరు ఏ చెప్పినా ఆ హీరోయిన్ శ్రద్ధగా చేస్తారట..అలాంటి ఉద్యోగాలు చేయకపోవడమే మంచిదంటూ ఘాటుగానే కామెంట్స్ విసిరింది. ఇలా త్రివిక్రమ్‌పై ఛాన్స్‌ దొరికినప్పుడల్లా చెలరేగిపోతున్న పూనమ్..తాజాగా గుంటూరు కారం మూవీకి సంబంధింటి ట్వీట్ చేసింది ఘాట పెంచింది. ఇప్పటికే సెన్సార్ కార్యక్రమాలను పూర్తి చేసుకున్న ఈ మూవీ సంక్రాంతి కానుకగా విడుదల కానుంది. పూనమ్ కామెంట్స్ పై త్రివిక్రమ్ రియాక్టవుతారో లేదంటే లైట్ తీస్కుంటారో వెయిట్ అండ్ సీ…
