ప్రస్తుతం ఇండస్ట్రీలో మల్టీస్టారర్స్ హవా కొనసాగుతోంది. హీరోలెవరు ఎవరు గొప్ప ఎవరు తక్కువ అని చూడడం లేదు…స్టోరీ మేరకు చక్కగా నటించారా లేరా అన్నదే ఫైనల్ అంటున్నారు ప్రేక్షకులు. అందుకే మల్టీస్టారర్ మూవీస్ ట్రెండ్ మరింత ఊపందుకుంది. తాజాగా మరో ఇంట్రెస్టింగ్ మల్టీస్టారర్ తెరపైకి వచ్చింది.
వెంకీ-నాని మల్టీస్టారర్
మంచి స్టోరీ పడితే ఒకే తెరపై ఇద్దరు హీరోలను చూసేందుకు ప్రేక్షకులు ఆసక్తిచూపుతున్నారు. దీంతో దర్శక నిర్మాతలు సైతం మల్టీస్టారర్ సినిమాలు రూపొందించేందుకు సన్నాహాలు చేస్తున్నారు. ఇందులో భాగంగా మాటల మాంత్రికుడు అద్భుతమైన మల్టీస్టారర్ కథ సిద్ధం చేశాడట. పైగా ఈ స్టోరీని విక్టరీ వెంకటేష్, న్యాచురల్ స్టార్ నానిలతో రూపొందించేలా ప్లాన్ చేయడం హాట్ టాపిక్ గా మారింది.
విక్టరీ వెంకటేష్ నటించిన సైంధవ్ మూవీ రిలీజ్ కు రెడీ అవుతోంది. ఈ మూవీ తర్వాత వెంకీ మామ నెక్ట్స్ ప్రాజెక్ట్ పై క్లారిటీ లేదు. గత కొంత కాలంగా త్రివిక్రమ్ తో మూవీ ఉంటుందని జోరుగా ప్రచారం జరుగుతోంది. మొదట అల్లు అర్జున్ తో సినిమాకు రెడీ అయ్యాడు కానీ బన్నీ బ్యాక్ టు బ్యాక్ ప్రాజెక్టులతో బిజీ. సో..ఈ గ్యాప్ లో నానితో సోలో మూవీ అని కూడా వార్తలొచ్చాయి. తాజాగా వెంకీ-నానితో మల్టీస్టారర్ మూవీ అని అంటున్నారు మరి.
త్రివిక్రమ్ ఫస్ట్ మల్టీస్టారర్
ఇప్పటివరకూ ఫ్యామిలీ మూవీస్ కి కేరాఫ్ అయిన త్రివిక్రమ్..గుంటూరుకారంతో తనలో మాస్ యాంగిల్ ను పరిచయం చేస్తున్నాడు. త్వరలో మల్టీస్టారర్ కు శ్రీకారం చుట్టబోతున్నాడు. వెంకీ కూడా గతంలో యంగ్ హీరోలతో స్క్రీన్ షేర్ చేసుకున్నాడు. సీతమ్మ వాకిట్లో సిరిమల్లె చెట్టులో మహేష్ తో, మసాలా మూవీలో రామ్ తో, గోపాల గోపాలలో పవన్ కల్యాణ్ తో కలిసి నటించాడు. ఇక నాని కూడా దేవదాసులో నాగార్జునతో కలసి నటించాడు. ఇప్పుడు వెంకీతో స్క్రీన్ షేర్ చేసుకునేందుకు రెడీ అయ్యాడు. బన్నీ ఫ్రీ అయ్యేలోగా ఈ మల్టీస్టారర్ మూవీ చుట్టేయవచ్చని త్రివిక్రమ్ ఆలోచన. మరి అఫీషియల్ అనౌన్స్ మెంట్ ఎప్పుడో చూడాలి..
