2023లో వందల సంఖ్యలో సినిమాలు థియేటర్లలో సందడి చేశాయి. ఈ ఏడాది రిలీజ్ అయిన సినిమాలతో కొందరు హీరోయిన్స్ సక్సెస్ అయితే మరికొందరి ప్రయత్నం ఫలించలేదు. ఇంకొందరికి లాంగ్ గ్యాప్ తర్వాత సక్సెస్ పలకరించింది. మరి 2023 ఏ హీరోయిన్స్ కి కలిసొచ్చిందో ఈ స్టోరీలో చూద్దాం..
రష్మిక
ఎంట్రీ మూవీ నుంచి వరుస విజయాలతో దూకుడుమీదున్న రష్మిక..బాలీవుడ్ లో రెండు మూడు సినిమాల్లో నటించింది. ఆ మూవీస్ ఇవ్వని కిక్ యానిమల్ ఒక్కటీ ఇచ్చింది. బీటౌన్ జనాలంతా రష్మికకు రెడ్ కార్పెట్ పరిచేంత సక్సెస్ ఇచ్చింది ఈ మూవీ. సందీప్ వంగా తరెకక్కించిన యానిమల్ లో రణబీర్ తోకలసి నటించింది రష్మిక
నయనతార
సౌత్ లో లేడి సూపర్ స్టార్ గా పేరు పొందిన నయన్.. జవాన్ తో బాలీవుడ్ లో అడుగుపెట్టింది. సేమ్ క్రేజ్ కొనసాగిస్తూ సూపర్ హిట్ అందుకుంది నయనతార.
త్రిప్తి డిమ్రి
యానిమల్ నటించిన ఉత్తరాఖండ్ బ్యూటీ త్రిప్తి డిమ్రికి కూడా ఆమె ఊహించనంత ఫాలోయింగ్ వచ్చింది. యానిమల్ మూవీ తర్వాత ఆమె ఇన్ స్టా ఫాలోవర్స్ ఓ రేంజ్ లో పెరిగారు. ఇప్పుడు తెలుగులోనూ త్రిప్తికి అవకాశాలు క్యూ కడుతున్నాయి.
శ్రుతిహాసన్
2023 ఆరంభంలో చిరంజీవితో వాల్తేరు వీరయ్య, బాలకృష్ణతో వీర సింహారెడ్డి లో నటించి వరుస హిట్స్ అందుకుంది శ్రుతిహాసన్. రీసెంట్ గా హాయ్ నాన్నలో స్పెషల్ సాంగ్ లో మెరిసింది. ఇప్పుడు సలార్ తో మరో బ్లాక్ బస్టర్ ఖాతోలో వేసుకున్నట్టే.
సంయుక్తమీనన్
కూల్ గా క్యూట్ గా కనిపిస్తూ టాలీవుడ్ లో పాతుకుపోతోంది సంయుక్తమీనన్. 2023 లో సార్, విరుపాక్ష మూవీస్ తో బ్లాక్ బాస్టర్ హిట్స్ తన ఖాతాలో వేసుకుంది. నెక్స్ట్ కళ్యాణ్ రామ్ తో కలిసి డెవిల్ లో నటిస్తోంది. ఈ మూవీ కూడా హిట్ అయితే సంయుక్త గోల్డెన్ లెగ్ గా ఫిక్సైపోతుంది
అనుష్క
చాలాకాలంగా ఇండస్ట్రీకి దూరంగా ఉన్న అనుష్క..2023 లో “మిస్ శెట్టి మిస్టర్ పోలిశెట్టి” తో హిట్ అందుకుంది. దీనితో మళ్ళీ అనుష్క కెరియర్ గాడిలో పడింది. వరుస అవకాశాలు అందుకుంటోంది. మళయాలంలో ఓ మూవీ కమిట్ అయ్యింది. తెలుగులో కూడా కొన్ని ప్రాజెక్ట్స్ తన చేతిలో ఉన్నాయని టాక్. సీనియర్ హీరోలకి బెస్ట్ చాయిస్ అనుష్క అనటం లో సందేహం లేదు.
కీర్తి సురేష్
2023 లో రెండు హిట్స్ అందుకుంది కీర్తి. తెలుగులో నానితో దసరా, తమిళంలో ఉదయనిధి స్టాలిన్ తో నాయకుడుతో సక్సెస్ కొట్టింది
మృణాళ్ ఠాకూర్
సీతారామంలో సీతగా మెప్పించిన మృణాళ్ ఠాకూర్…2023 చివర్లో హాయ్ నాన్నతో హిట్ అందుకుంది.
శ్రీలీల
2023లో ఎక్కువగా మారుమోగిన హీరోయిన్ పేరు ఏదంటే..శ్రీలల అని ఠక్కున చెబుతారు. ధమాకా హిట్ తర్వాత డజను ప్రాజెక్టులకు చకచకా సైన్ చేసేసింది. 2023 లో మాత్రం ఓ హిట్, ఓ ఫ్లాప్ మూవీలో నటించింది శ్రీలీల
వైష్ణవి చైతన్య
ఒక్క సినిమాతో సహజనటి అనిపించుకుంది వైష్ణవి చైతన్య. బేబీ మూవీ ఎంత సన్షేషన్ క్రియేట్ చేసిందో ప్రత్యేకంగా చెప్పాల్సిన అవసరం లేదు.ఈ మూవీ ఇచ్చిన కిక్ తో వరుస ఆఫర్లు అందిపుచ్చుకుంటోంది వైష్ణవి చైతన్య.
ఇంకా ఈ జాబితాలో…సామజవరగమన మూవీతో మౌనిక రెబా జాన్, బ్రో కేతికా శర్మ, బలగం హీరోయిన్ కావ్యా కళ్యాణ్ రామ్ కూడా ఉన్నారు. మరి 2024 వీళ్లలో ఎందర్ని నిలబెడుతుందో వెయిట్ అండ్ సీ..
