కొన్నాళ్లుగా సైలెంట్ గా ఉన్న సాయిపల్లవి ఒక్కసారిగా దూకుడు పెంచేసింది. గ్యాప్ వచ్చిందా- గ్యాప్ తీసుకుందా? పెళ్లి చేసేసుకుని వెళ్లిపోతుందా? అని హడావుడి చేసిన వాళ్లకి షాకిస్తూ…పాన్ ఇండియా స్టార్ హీరో సరసన ఆఫర్ పట్టేసింది. ఆ హీరోతో ఇది రెండో సినిమా కావడం మరింత ఇంట్రెస్టింగ్..
యష్ తో సాయిపల్లవి
సెలెక్టెడ్ క్యారెక్టర్స్ లో నటిస్తూ ఇండస్ట్రీలో తనకుంటూ స్పషల్ ఫాలోయింగ్ పెంచుకుంది సాయిపల్లవి. మొన్నటి వరకు సైలెంట్ గా ఉండిపోయిన సాయి పల్లవి ఒక్కసారిగా జోరు పెంచింది. ఇప్పటికే చేతిలో రెండు సినిమాలుండగా మరో క్రేజీ ప్రాజెక్ట్ కు గ్రీన్ సిగ్నల్ ఇచ్చినట్లు టాక్ నడుస్తోంది. కంటెంట్ నచ్చితేనే డేట్స్ కేటాయించే సాయిపల్లవి…పాన్ ఇండియా స్టార్ రాకీబాయ్ తో నటించేందుకు రెడీ అయిందట. KGF సిరీస్ తో దేశవ్యాప్తంగా పాపులారిటీని సంపాదించుకోవడంతో పాటు ఇండియన్ బాక్సాఫీస్ వద్ద సంచలనం సృష్టించాడు యష్ . కెజియఫ్ చాప్టర్ 2 రిలీజ్ అయి ఏడాదిన్నర దాటినా ఇప్పటికీ అఫీషియల్ గా కొత్త ప్రాజెక్ట్ అనౌన్స్ చేయలేదు. నేషనల్ వైడ్ గా సత్తా చాటే కథలో త్వరలో రాబోతున్నట్టు తెలుస్తోంది. ఈ మూవీలో హీరోయిన్ గా సాయిపల్లవి ఫైనల్ అయిందని టాక్
యష్ తో రెండో సినిమా
సాయిపల్లవి తన నటనతో పాన్ ఇండియా రేంజ్ లో క్రేజ్ సంపాదించుకుంది.యష్ ఆల్రెడీ కేజిఎఫ్ తో పాన్ ఇండియా స్టార్ గా ఎదిగాడు.ఈ ఇద్దరి కాంబోలో సినిమా అంటే ఆది సరికొత్త హిస్టరీ క్రియేట్ చేస్తుందని ఫ్యాన్స్ ఫిక్సైపోయారు. ఇప్పటికే ఇద్దరూ కలసి హిందీలో తెరకెక్కే రామాయణంలో నటించబోతున్నారు. రణబీర్ కపూర్ రాముడిగా, సాయిపల్లవి సీతగా…రావణుడిగా యష్ నటిస్తున్నారు. ఇప్పుడు యష్ నెక్ట్స్ మూవీలో సాయి పల్లవి ఫైనల్ అయితే..తనతో కలసి రెండో సినిమా ఇది.
డ్రగ్స్ మాఫియాపై మూవీ
భారీ యాక్షన్ థ్రిల్లర్‌ తో ముందుకు రాబోతున్న ఈ సినిమా గోవా డ్రగ్స్ మాఫియా బ్యాక్ డ్రాప్ లో సాగనుందని టాక్. ఇదొక సెమీ పీరియాడికల్ డ్రామాగా తెరకెక్కనుంది. మళయాళి డైరెక్టర్ గీతూ మోహన్‌దాస్ ఈ సినిమాకి దర్శకత్వం. గత కొన్ని రోజులుగా హీరో, దర్శకురాలి మధ్య కథపై చర్చలు జరుగుతున్నాయి. ఇప్పుడు హీరోయిన్ కూడా ఫైనల్ అయింది. అఫీషియల్ గా అనౌన్స్ చేయడమే తరువాయి షూటింగ్ ప్రారంభం కానుంది.
