హిట్టు కొట్టిన డైరెక్టర్ తో సినిమా అంటే హ్యాపీగా ఓకే చెప్తారు ఎవరైనా…కానీ మహేష్ బాబు మాత్రం నో చెప్పాడు. ఆ ప్లేస్ లో వచ్చి చేరిన రణబీర్ కపూర్ ‘యానిమల్’తో సూపర్ హిట్టందుకున్నాడు. పోనీ ఇప్పటికైనా మహేష్ అయ్యో అనుకుంటున్నాడా అంటే అదేం లేదు.. దీని వెనుకున్న కారణం ఏంటో తెలుసా…
మహేష్ ఎందుకు నో చెప్పాడు
సందీప్ వంగ ప్రస్తుతం ఇండస్ట్రీలో మారుమోగుతున్న పేరిది. అర్జున్ రెడ్డితో అదిరిపోయే హిట్టందుకున్న సందీప్..యానిమల్ తో నేషనల్ వైడ్ గా హాట్ టాపిక్ అయ్యాడు. సినిమాకు పాజిటివ్ రివ్యూస్ వస్తుంటే.. దాదాపు హిట్టు కొట్టినట్టేనన్న నిర్ణయానికి అందరూ వచ్చేసారు. ఇలాంటి సినిమాకు మహేశ్ బాబు ఎందుకు నో చెప్పాడో అని టాలీవుడ్ లో తెగ చర్చ జరుగుతోంది. కానీ అసలు కారణం వేరే ఉందని టాక్..
హాలీవుడ్ మూవీకి కాపీ
యానిమల్ సినిమా హిట్టు కొట్టడం నిజమేగానీ.. దాన్ని హాలీవుడ్ గాడ్ ఫాదర్ సినిమా నుంచి కాపీ కొట్టారని తెలిసిపోయింది. లీడ్ రోల్స్ ను దాదాపుగా దింపేసిన సందీప్ .. సీన్ టు సీన్ లను తీసి పారేశాడని టాక్ . ఒక్క మాటలో చెప్పాలంటే ఇది గాడ్ ఫాదర్ ఫ్రీమేక్ అనుకోవాల్సిందే. ఇందులో రణబీర్ కి నటుడిగా మంచి పేరొచ్చినా..బోల్డ్ ,హాట్, వయోలెంట్ సీన్స్ ఉండటంతో ఫ్యామిలీ ఆడియన్స్ ను రీచ్ అవడం కష్టమే. అందుకే మహేష్ ఈ మూవీకి నో చెప్పాడని టాక్
నమ్రతే వద్దంది
యానిమల్ సినిమా కథతో సందీప్ రెడ్డి మహేష్ బాబు వద్దకు వెళ్లగా మహేష్ బాబు ఈ సినిమా కథ విని తన సినిమా కథ నచ్చడంతో ఇందులో నటించాలి అనుకున్నాడు. కానీ నమ్రత మాత్రం వద్దనే చెప్పిందట. మరో స్టోరీతో వస్తే ఓకే అని క్లియర్ గా చెప్పేసిందట. అప్పుడు సందీప్ వంగ కథలోకి రణబీర్ వచ్చాడు.వాస్తవానికి మహేష్ లాంటి హీరోకు ఈ తరహా వైల్డ్ సీన్స్ పడితే ఫ్యాన్స్ కుఎక్కదు. రానా నాయుడు లో నటించటం వల్ల వెంకీ కి వచ్చిన నెగిటివ్ ఫీడ్ బ్యాక్ మహేష్ కి కూడా ఈ మూవీలో వచ్చే అవకాశం ఉంది. రణబీర్ కపూర్ ఇమేజ్, మార్కెట్ వేరు..మహేష్ మార్కట్ వేరు. ఇవన్నీ ఆలోచించుకునే నమ్రత వద్దందని..మహేష్ కూడా నో చెప్పేశాడని టాక్. మరి సందీప్ వంగతో మహేష్ మూవీ ఎప్పుడుంటుందో….
