రాక్ స్టార్ యశ్ అంటే KGF సినిమానే గుర్తొస్తుంది. ఈ సిరీస్ సంగతి సరే కానీ..మరి యష్..వాట్ నెక్స్ట్ అంటే?… ఇన్నాళ్లూ కొంత డైలమా నడిచింది కానీ లేటెస్ట్ గా క్లారిటీ వచ్చేసింది…ఇంకా అఫిషియల్ అనౌన్స్ మెంట్ రాలేదు కానీ ఆ ప్రాజెక్ట్ ఫిక్స్ అయినట్టే అని టాక్…
కేవలం రెండే రెండు సినిమాలతో ఆలిండియా అట్రాక్షన్ అయిపోయాడు యశ్. ‘కేజీఎఫ్ చా ప్టర్ వన్’కి ముందు కేవలం కన్నడ హీరో మాత్రమే… కానీ ఇప్పుడు పాన్ ఇండియా హీరో. యశ్ అంటే తెలియని ప్రేక్షకులు లేరు. ‘కేజీఎఫ్ చాప్టర్ 2తో హాట్ కేకులా మారిపోయాడు. తనతో మూవీస్ చేసేందుకు మేకర్స్ క్యూ కట్టారు. అయితే యశ్ అంటే KGF మాత్రమేనా ..ఆ తర్వాతేంటి అంటూ ఫ్యాన్స్ ఎప్పటి నుంచో వెయిటింగ్. అయితే ఎట్టకేలకు యష్ క్రేజీ ప్రాజెక్ట్ కు కమిట్ అయ్యాడని తెలుస్తోంది.
లేడీ డైరెక్టర్ తో యష్ @ 19
యష్ నెక్స్ట్ సినిమా కోసం పాన్ ఇండియా ఆడియన్స్ అంతా ఈగర్ గా వెయిట్ చేస్తున్నారు. సోషల్ మీడియాలో #Yash19కి సంబంధించి రచ్చ జరుగుతోంది. మలయాళ డైరెక్టర్ తో ఓ సినిమా ఉంటుందని, రణబీర్ కపూర్‌ రాముడిగా బాలీవుడ్‌లో తెరకెక్కనున్న రామాయణంలో యష్ రావణుడిగా కనిపించనున్నాడనే వార్తలు వచ్చాయి. అయితే యష్ మాత్రం తన నెక్స్ట్ ప్రాజెక్ట్ KGF సిరీస్ కి మించి ఉండేలా ప్లాన్ చేసుకుంటున్నాడు. లేటెస్ట్ గా ఓ ప్రైవేట్ ఈవెంట్ గా గెస్ట్ గా వచ్చిన యష్ … తన నెక్ట్స్ ప్రాజెక్ట్ పై క్లారిటి ఇచ్చాడు. మలయాళం లేడీ డైరెక్టర్ గీతూ మోహన్ తో తర్వాత ప్రాజెక్ట్ చేయబోతున్నట్టు హింట్ ఇచ్చాడు.
ఛత్రపతి శివాజీగా రాఖీభాయ్
KGF సినిమాలో రాఖీ భాయ్ గా కనిపించిన యష్.. తన నెక్స్ట్ సినిమాలో ఛత్రపతి శివాజీ గా నటిస్తున్నాడని టాక్. పాన్ ఇండియా స్థాయిలో తెరకెక్కనున్న ఈ మూవీ ‘ఛత్రపతి శివాజీ’ వీరోచిత చరిత్ర ఆధారంగానే తెరకెక్కుతోందని టాక్. పక్కాగా స్క్రిప్ట్ వర్క్ అండ్ ప్రీప్రొడక్షన్ చేసిన తర్వాతే అనౌన్స్మెంట్ ఇవ్వాలని యష్ భావిస్తున్నాడట. ఇందుకోసం హాలీవుడ్ టెక్నీషియన్లను రంగంలోకి దింపుతున్నారని శ్రీలంకలో షూటింగ్ జరగనుందని టాక్. మొత్తానికి లేటైనా కానీ యష్ తన తర్వాత ప్రాజెక్ట్ పై క్లారిటీ ఇవ్వడంతో ఫ్యాన్స్ ఫుల్ జోష్ లో ఉన్నారు. మరి అఫీషియల్ అనౌన్స్మెంట్ ఎప్పుడొస్తుందో…
