ఇండస్ట్రీలో మరో బిగ్ కాంబినేషన్ సిద్ధమవుతోందా? ప్రస్తుతం మహేష్ బాబు గుంటూరుకారంతో బిజీగా ఉన్న త్రివిక్రమ్ ఆ తర్వాత ప్రాజెక్ట్ యంగ్ రెబల్ స్టార్ తో ప్లాన్ చేశాడా? ఈ క్రేజీ కాంబోకి సంబంధించి త్వరలోనే అఫీషియల్ అనౌన్స్ మెంట్ రాబోతోందా? ఇందులో నిజమెంత?
మాటల మాంత్రికుడు త్రివిక్రమ్ సినిమాల్లో ఏదో తెలియని మ్యాజిక్ ఉంటుంది. సినిమా కథతో పాటు మాటలను కూడా మనసుకు తాకేలా ఉంటాయి. అందుకే ఇండస్ట్రీలో త్రివిక్రమ్ కు సెపరేట్ ఫ్యాన్ బేస్ తో పాటూ స్పెషల్ క్రేజ్ ఉంది. సక్సెస్ ఫుల్ సినిమాలకు కేరాఫ్ గా మారిన త్రివిక్రమ్ ప్రస్తుతం గుంటూరు కారంతో బిజీగా ఉన్నాడు. అయితే ఈ మూవీ తర్వాత పాన్ ఇండియా టార్గెట్ గా ఓ క్రేజీ ప్రాజెక్టును లైన్ లో పెడుతున్నాడట గురూజీ. అది కూడా రెబల్ స్టార్ ప్రభాస్ తో కావడం ఇంట్రెస్టింగ్
పాన్ ఇండియా రేస్ లో
ఇప్పటికే పాన్ ఇండియా రేస్ లో సుకుమార్, రాజమౌళి సత్తా చాటగా… అదే బాటలో కొరటాల శివ దేవరతో లక్ ను పరీక్షించుకునేందుకు రెడీ అవుతున్నాడు. లైగర్ తో పూరీ , స్కందలో బోయపాటి కూడా ఈ ప్రయత్నం చేసినా సక్సెస్ కాలేదు. ఇప్పుడు త్రివిక్రమ్ కూడా పాన్ ఇండియా రేస్ లో వెళ్లే ప్లాన్ లో ఉన్నాడు. అందుకే ప్రభాస్ తో మూవీ ప్లాన్ చేశాడని టాక్.
ప్రభాస్ కోసం ఫ్యామిలీ స్టోరీ
ఇప్పటికే ప్రభాస్ కోసం త్రివిక్రమ్ అదిరిపోయే స్టోరీని రాసుకున్నాడట. ఈ మూవీని భారీ రేంజ్ లో ప్లాన్ చేశారని ఇండస్ట్రీ వర్గాల్లో వినిపిస్తోంది. ఫ్యామిలీ కథాంశంతో ఈ సినిమాను తెరకెక్కించాలని అనుకుంటున్నట్టుగా తెలుస్తోంది. ఈ చిత్రాన్ని యూవీ క్రియేషన్స్‌, హారిక అండ్‌ హాసిని క్రియేషన్స్‌ సంయుక్తంగా తెరకెక్కించనున్నట్లు సమాచారం.
టైమ్ పడుతుంది
త్రివిక్రమ్ గుంటూరుకారం తర్వాత అల్లు అర్జున్ తో మూవీ ప్లాన్ చేసుకన్నాడు. దీని తర్వాత ప్రభాస్ మూవీ సెట్స్ పైకి వెళ్లే ఛాన్సుంది. మరోవైపు ప్రభాస్ వరుస ప్రాజెక్టులతో బిజీగా ఉన్నాడు. సో…ఇద్దరి ప్రాజెక్టులు పూరైన తర్వాత ఈ కాంబో ఫిక్స్ అంటున్నారు ఇండస్ట్రీ వర్గాలు. నిజంగా ఈ కాంబో పట్టాలెక్కితే లెక్కలు మారిపోవడం ఖాయం.. ఏం జరుగుతుందో చూద్దాం…
