మెగా పవర్ స్టార్ రామ్ చరణ్ తో కలిసి నటించబోతోందట లేడీ పవర్ స్టార్ సాయిపల్లవి. ప్రస్తుతం శంకర్ దర్శకత్వంలో గేమ్ ఛేంజర్ మూవీలో నటిస్తోన్న రామ్ చరణ్.. ఈ మూవీ తర్వాత బుచ్చిబాబు డైరెక్షన్లో కొత్త ప్రాజెక్ట్ చేయనున్నాడు. ఆర్సీ 16 అనే వర్కింగ్ టైటిల్తో తెరకెక్కుతోన్న ఈ మూవీకోసమే సాయిపల్లవిని ఫైనల్ చేశారని టాక్..
RC 16 లో సాయిపల్లవి
శంకర్ దర్శకత్వంలో మెగా పవర్ స్టార్ నటిస్తోన్న సినిమా గేమ్ ఛేంజర్. RRR తర్వాత రామ్ చరణ్ నటిస్తోన్న సినిమా ఇదే కావడంతో ఈ సినిమాపై భారీ అంచనాలున్నాయి. కియారా అద్వానీ, అంజలి హీరోయిన్లుగా నటిస్తుండగా.. సీనియర్ హీరో శ్రీకాంత్ కీలకపాత్రలో కనిపించనున్నాడు. ఈ సినిమా తర్వాత చరణ్ … బుచ్చిబాబు డైరెక్షన్లో తన కొత్త ప్రాజెక్ట్ చేయనున్నాడు. ఆర్సీ 16 అనే వర్కింగ్ టైటిల్తో తెరకెక్కుతోన్న ఈ మూవీకి సంబంధించి ప్రీ ప్రొడక్షన్ వర్కులు జరుగుతున్నాయి. త్వరలోనే రెగ్యులర్ షూటింగ్ జరగనుంది.
రూరల్ బ్యాక్‌డ్రాప్ లో మూవీ
కథలో దమ్ములేకుండా సాయిపల్లవి గ్రీన్ సిగ్నల్ ఇవ్వదు..హీరోయిన్ క్యారెక్టర్ కు స్కోప్ లేకపోతే అస్సలు ఊ అనదు. గ్లామర్ షో, రొమాంటిక్ సీన్స్ కి ఒప్పుకోదు. గతంలో మహేష్ బాబు మూవీలో అవకాశాన్ని వదులుకుంది. అలాంటిది ఇప్పుడీ మూవీకి సాయిపల్లవి ఓకే చెప్పిందంటే సనిమాపై అప్పుడే పాజిటివ్ వైబ్రేషన్స్ మొదలైనట్టే అని ఫిక్సైపోయారు ఫ్యాన్స్. వాస్తవానికి ఈ మూవీలో ముందుగా మృణాళ్‌ ఠాకూర్ ఆ తర్వాత జాన్వికపూర్ పేరు వినపడింది. వీళ్లిద్దరూ కాదని సాయిపల్లవి పేరు చక్కర్లు కొడుతోంది. రూరల్ బ్యాక్ డ్రాప్ లో సాగే మూవీ కావడంతో సాయిపల్లవి బెస్టని డిసైడ్ అయ్యాడట బుచ్చిబాబు.
త్వరలోనే షూటింగ్
త్వరలోనే షూటింగ్ ప్రారంభం కానున్న ఈ సినిమాలో విజయసేతుపతి కీలక పాత్రలో నటించబోతున్నాడు. బుచ్చిబాబు ఉప్పెన మూవీలో విజయ్ సేతుపతి క్యారెక్టర్ కి ఫుల్ మార్క్స్ పడ్డాయి. ఇప్పుడు మరోసారి పవర్ ఫుల్ క్యారెక్టర్లో కనిపించబోతున్నాడట. ఈ మూవీకి రెహమాన్ మ్యూజిక్ డైరెక్టర్. ప్రస్తుతం ప్రీ ప్రొడక్షన్ వర్క్స్ నడుస్తున్న ఈ మూవీలో నటించబోయే నటీనటులకు సంబంధించి త్వరలోనే అఫీషియల్ అనౌన్స్ మెంట్ రానుంది.
