రీసెంట్ గా విరూపాక్ష,బ్రో మూవీస్ తో ప్రేక్షకుల ముందుకి వచ్చిన సాయిధరమ్ తేజ్.. తాను ఓ ప్రాజెక్ట్ కోసం ఎదురుచూస్తున్ననంటూ ఇంట్రెస్టింగ్ కామెంట్స్ చేశాడు… ఎవరి మూవీ కోసమో తెలుసా….
మెగా మేనల్లుడు సాయి ధరమ్ తేజ్ ఈ ఇయర్ విరూపాక్ష, బ్రో రెండు సినిమాలతో ప్రేక్షకుల ముందుకు వచ్చాడు. యాక్సిడెంట్ తో ఫ్యామిలీని, ఫ్యాన్స్ ని టెన్షన్ పెట్టేశాడు. ఎప్పటికి కోలుకుంటాడో అని అందరూ ఎదురుచూశారు. అయితే నెమ్మదిగా కోలుకుని మళ్లీ రీఎంట్రీ ఇచ్చాడు. వస్తూ వస్తూనే విరూపాక్షతో సూపర్ హిట్ అందుకుంటాడు. ఇండస్ట్రీలో తొమ్మిదేళ్లు పూర్తిచేసుకుని పదో ఏడాదిలోకి అడుగుపెట్టాడు.ఈ సందర్భంగా ఫ్యాన్స్ తో చిట్ చాట్ చేసిన సాయిధరమ్ తేజ్…తనకు వచ్చిన క్వశ్చన్స్ కి ఇంట్రెస్టింగ్ ఆన్సర్స్ ఇచ్చాడు.
చిరుతో మూవీకోసం వెయిటింగ్
పవన్ కళ్యాణ్ తో సినిమా చేశావ్.. మెగాస్టార్ చిరంజీవితో సినిమా ఎప్పుడు అన్న ప్రశ్న అడిగాడు ఓ నెటిజన్..దానికి ఆన్సరిచ్చిన తేజ్.. ఆ అవకాశం కోసమే వెయిటింగ్అని పోస్ట్ చేశాడు. వాస్తవానికి బ్రో డాడీ రీమేక్ లో వీళ్లిద్దరూ నటిస్తారనే ప్రచారం జరిగింది. మళయాలంలో మమ్ముట్టి-పృథ్వీరాజ్ సుకుమారన్ నటించిన ఈ సినిమా రీమేక్ లో మమ్ముట్టి ప్లేస్ లో చిరంజీవి, పృథ్వీరాజ్ సుకుమారన్ క్యారెక్టర్లో సాయిధరమ్ తేజ్ నటిస్తారనే ప్రచారం జరిగింది. కానీ అందులో నిజం లేద్నారు. అయితే తేజ్ మాత్రం తాను మెగాస్టార్ చిరంజీవితో కలసి నటించే అవకాశం కోసం ఎదురుచూస్తున్నానని చెప్పాడు.
మాకు గౌరవం కూడా నేర్పించారు
క్వశ్చన్స్ లో భాగంగా ఓ నెటిజెన్.. మీ సినిమాలలో మీకు చాలా సంతృప్తిని ఇచ్చిన పాత్రలేంటని ప్రశ్నించాడు. దీనికి సమాధానంగా చిత్రలహరి, రిపబ్లిక్ సినిమాల్లోని క్యారెక్టర్స్ అని రిప్లై ఇచ్చిన సాయి ధరమ్..రిపబ్లిక్ స్పెల్లింగ్ రిలబ్లిక్ అని రాశాడు. చిట్ చాట్ లో ఉన్న మరో నెటిజెన్ సెటైరిక్ గా అది రిలబ్లిక్ కాదురా రిపబ్లిక్… ఎప్పుడైనా స్కూల్ కి వెళ్లావా? అని ప్రశ్నించాడు. హర్ట్ అయిన సాయిధరమ్..తమ స్కూల్లో తమకు గౌరవం కూడా నేర్పించారని, మీ స్కూల్లో నీకు నేర్పించారా? అని రివర్స్ పంచ్ ఇచ్చాడు.
కెరీర్ ఇంకా జోష్ లో ఉండేది కానీ…
ప్రస్తుతం సంపత్ నంది దర్శకత్వంలో గాంజా శంకర్ మూవీ చేస్తున్నాని చెప్పిన సాయిధరమ్..ఈ మూవీ తప్పనిసరిగా మాస్ ఆడియన్స్ ని మెప్పిస్తుందన్నాడు. వాస్తవానికి యాక్సిడెంట్ జరగకుండా ఉండిఉంటే కెరీర్ ఇంకా జోష్ గా ఉండేదని ఫ్యాన్స్ తో చెప్పుకొచ్చాడు. యాక్సిడెంట్ వల్ల రెండేళ్లు ఇంటికే పరిమితం అయిన తేజ్ ఇప్పుడిప్పుడే కెరీర్లో జోరందుకుంటున్నాడు. మరి గాంజా శంకర్ తో ఎలాంటి రిజల్ట్ అందుకుంటాడో వెయిట్ అండ్ సీ..
