మెగాస్టార్ చిరంజీవి – నందమూరి నటసింహం కాంబినేషన్ అనగానే మల్టీస్టారర్ మూవీ అని ఫిక్సైపోయారా? కాదు కానీ ఇంచుమించు అదే రేంజ్ లో న్యూస్ ఇది. ప్రస్తుతం అన్ స్టాపబుల్ సీజన్ 3 నడుస్తోంది. ఇందులో దీపావళి ఎసిపోడ్ మెగా -నందమూరి ఫ్యాన్స్ కి ధమాకా ఆఫర్ ఇచ్చేలా ప్లాన్ చేస్తున్నారట నిర్వాహకులు.
దివాలీ ధమాకా
నందమూరి బాలకృష్ణను సరికొత్తగా చూపించిన షో అన్ స్టాపబుల్. బాలయ్య లో ఇంత ఫన్ యాంగిల్ కూడా ఉంటుందా అనిపించేలా హోస్ట్ చేశాడు. ఇప్పటికే వచ్చిన రెండు సీజన్లు సూపర్ హిట్టయ్యాయి. ఈ మధ్యే ప్రారంభమైన సీజన్ 3లో ఫస్ట్ ఎపిసోడ్ కి భగవంత్ కేసరి టీమ్ సందడి చేసింది.. అయితే దివాలీకి మాత్రం రీ సౌండ్ గట్టిగా వినిపించాలని ఫిక్సయ్యారు అన్ స్టాపబుల్ నిర్వాహకులు. ఇందులో భాగంగా బాలయ్య విత్ చిరు ప్లాన్ చేస్తున్నారని టాక్. గతంలో రెండు సీజన్లలో ఎంతమంది వచ్చినా కానీ…బాలయ్య తరం హీరోలు ఒక్కరు కూడా ఇప్పటి వరకు ఈ టాక్ షో లో పాల్గొనలేదు. చిరంజీవి, వెంకటేష్ , నాగార్జునకు ఆహ్వానం పంపించినా కానీ అనుకోని పరిస్థితుల కారణంగా ఈ బిగ్గెస్ట్ టాక్ షో కి హాజరు కాలేకపోయారు. అందుకే సీజన్ 3 లో దివాలీ ఎపిసోడ్ ని మెగాస్టార్ తో ప్లాన్ చేశారని తెలుస్తోంది. నవంబర్ 10న దీపావళి కానుకగా ఈ ఎపిసోడ్ ఆహా మీడియా లో స్ట్రీమింగ్ కాబోతోంది. ఇదే నిజమైతే మెగా – నందమూరి అభిమానులకు ఇంతకు మించి కావాల్సిందే ఏముంటుంది.
ఇటలీ నుంచి రాగానే షూటింగ్
ఈ బిగ్గెస్ట్ టాక్ షో కి ఇప్పటి వరకు పవన్ కళ్యాణ్, మహేష్ బాబు, ప్రభాస్, అల్లు అర్జున్ వంటి స్టార్ హీరోలు ముఖ్య అతిధులుగా హాజరై బాలయ్యతో సరదాగా టైమ్ స్పెండ్ చేశారు. వీళ్లతో పాటూ పాటూ మాస్ మహారాజ్ రవితేజ, శర్వానంద్ , న్యాచురల్ స్టార్ నాని సహా సిద్దు జొన్నలగడ్డ , విశ్వక్ సేన్ లాంటి యంగ్ హీరోస్ కూడా పార్టిసిపేట్ చేశారు. ప్రస్తుతం చిరంజీవి వరుణ్ తేజ్ – లావణ్య త్రిపాఠి పెళ్లి కోసం కుటుంబంతో సహా ఇటలీ వెళ్లారు. ఇండియాకి తిరిగి వచ్చిన వెంటనే చిరంజీవి ‘అన్ స్టాపబుల్’ షూటింగ్ లో పాల్గొంటారని తెలుస్తోంది. మరి ఈ షోకి ఎలాంటి రెస్పాన్స్ రాబోతుందో చూడాలి. గతంలో ప్రభాస్ , పవన్ కళ్యాణ్ ఎపిసోడ్స్ స్ట్రీమింగ్ అవుతున్న సమయం లో ఓవర్ ట్రాఫిక్ కారణంగా ఆహా మీడియా సర్వర్లు క్రాష్ అయ్యాయి. ఈ సారి అంతకుమించి ఉంటుందేమో..వెయిట్ అండ్ సీ…
Tops
మెగా – నందమూరి ఫ్యాన్స్ కి దీపావళి ధమాకా
నవంబరు 10న అన్ స్టాపబుల్ బాలయ్యతో చిరు
వరుణ్ తేజ్ పెళ్లిసందడిలో ఉన్న మెగా ఫ్యామిలీ
ఇటలీ నుంచి రాగానే షోలో పాల్గొననున్న మెగాస్టార్
