కరణ్ టాక్ షో సీజన్ 8 రన్ అవుతోంది. ఈ సీజన్ మొదటి ఎపిసోడ్ డిస్నీ ప్లస్ హాట్ స్టార్ ద్వారా ప్రేక్షకుల ముందుకు తీసుకొచ్చారు. ఎపిసోడ్ స్ట్రీమింగ్‌ కి ముందే వచ్చిన ప్రోమోకి మంచి స్పందన వచ్చింది. ఇందులో దీపిక కామెంట్స్ వైరల్ అవుతున్నాయి.
హీరో, హీరోయిన్ల మధ్య రొమాన్స్, ఎఫైర్లు కామన్. బాలీవుడ్ లో ఇంకాస్త ఎక్కువే. ఏ విషయం మాట్లాడాలి అన్నా అస్సలు తగ్గరు చాలా ఓపెన్ గా మాట్లాడేస్తుంటారు. ‘కాఫీ విత్ కరణ్’ షోలో అదే జరిగింది. దేశవ్యాప్తంగా ఫుల్ పాపులారిటీని సంపాదించుకున్న కరణ్ జోహార్ షోకి హాజరైన గెస్టులను ఓ రేంజ్ లో క్వశ్చన్స్ అడిగేస్తాడు కరణ్. వారి వైవాహిక జీవితం, పర్సనల్ విషయాలతో పాటు, ఎఫైర్స్, శ‌ృంగారం వంటి విషయాలపై కూడా ఓపెన్ గా అస్త్రాలు సంధిస్తాడు. రీసెంట్ గా మొదలైన కొత్త సీజన్లోనూ ఇదే జరిగింది. ఫస్ట్ ఎపిసోడ్ కి బాలీవుడ్ స్టార్ కపుల్ దీపికా పదుకొనే – రణవీర్ సింగ్ హాజరయ్యారు.
హృతిక్ పేరు చెప్పిన దీపిక
ఎప్పటిలానే తన ప్రశ్నలతో దీపికా – రణవీర్ సింగ్ ను ఉక్కిరిబిక్కిరి చేశాడు కరణ్. తెర మీద ఏ హీరోతో మీరు రొమాన్స్ చేయడానికి ఇష్టపడతారని దీపికా పదుకొనేను కరణ్ ప్రశ్నించగా..హృతిక్ రోష‌న్‌తో స్క్రీన్‌పై బెస్ట్ కెమిస్ట్రీ తనకు బాగా వర్క్ అవుట్ అయిందని దీపికా చెప్పింది. అవాక్కవడం ఆడియన్స్ వంతైంది. దాదాపు కరణ్ జోహార్ ది కూడా అదే పరిస్థితి. ఎందుకంటే రణవీర్ – దీపిక ఆన్ స్త్క్రీన్ కెమిస్ట్రీకి ఫుల్ మార్క్స్ పడ్డాయి. అలాంటిది రణవీర్ పేరుచెబుతుందని అంతా ఊహిస్తే హృతిక్ పేరు చెప్పి షాకిచ్చింది దీపిక.
కరణ్ ని ఓదార్చిన దీపిక
దీపికా – రణవీర్ పెళ్లి 2018లో జరిగింది. దాదాపు ఐదేళ్లు డేటింగ్ తర్వాత ఈ జంట ఒక్కటయ్యారు. పెళ్లి జరిగి కూడా ఐదేళ్లు గడిచింది. వ్యక్తిగత జీవితాన్ని, సినిమాలను బ్యాలెన్స్ చేసుకుంటూ కూల్ గా సాగిపోతున్నారు. వీరి పెళ్లి ఇటలీలో అతికొద్ది మంది సమక్షంలో జరిగింది. వివాహానికి సంబంధించిన ఒక్క వీడియో కూడా బయటకు రాలేదు. తాజాగా ‘కాఫీ విత్ కరణ్’లో ఒక వీడియోను విడుదల చేశారు. ఈ పెళ్లి వీడియో చూస్తుంటే జీవితంలో తాను ఏదో కోల్పోతున్నాననే ఫీలింగ్ కలిగిందన్న కరణ్.. తనకు కూడా జీవిత భాగస్వామి ఉంటే బాగుంటుందనే ఫీలింగ్ కలుగుతుందన్నాడు. సరైన సమయంలో సరైన వ్యక్తి నీ భార్యగా వస్తుందని దీపికా కరణ్ ను ఓదార్చింది. ‘కాఫీ విత్ కరణ్’ 8వ సీజన్ తొలి ఎపిసోడ్ అక్టోబర్ 25న ప్రసారం అయింది. ప్రతి గురువారం కొత్త ఎపిసోడ్ రానుంది.
