ఈ మధ్యకాలంలో టాలీవుడ్ నుంచి బాలీవుడ్ లో అదృష్టం పరీక్షించుకుంటోన్న దర్శకుల సంఖ్య పెరుగుతోంది. గతంలో చాలామంది దర్శకులు ప్రయోగాలు చేశారు..కొందరు సక్సెస్ అయ్యారు ఇంకొందరు ఫెయిలయ్యారు. అప్పట్లో సంగతెలా ఉన్నా రీసెంట్ గా టాలీవుడ్ నుంచి బాలీవుడ్ లో అడుగుపెట్టిన దర్శకులంతా హిట్స్ కొట్టారు….అక్కడ తమకంటూ ప్రత్యేకమైన ఫాలోయింగ్ సంపాదించుకున్నారు. ఇప్పుడీ జాబితాలో చేరాడు అనిల్ రావిపూడి..
బాలీవుడ్ కి అనిల్ రావిపూడి
టాలీవుడ్ లో ట్రెండ్ సెట్ చేసిన ‘అర్జున్ రెడ్డి’ సినిమా రీమేక్ తో బాలీవుడ్ లో అడుగుపెట్టి హిట్టందుకున్నాడు దర్శకుడు సందీప్ వంగా. ఆ హిట్ సన్షేషనల్ హిట్టందుకోవడంతో అక్కడ తనకో పర్మినెంట్ ప్లేస్ క్రియేట్ చేసుకున్నాడు. రణీబీర్-రష్మిక కాంబోలో తెరకెక్కించిన యానిమల్ మూవీ త్వరలో విడుదలకు సిద్ధంగా ఉంది. ఇప్పటికే ఈ మూవీనుంచి విడుదలైన టీజర్, ట్రైలర్ చూస్తుంటే అర్జున్ రెడ్డిని మించి రచ్చ చేసేలా ఉన్నాయి. ఇక టాలీవుడ్ లో రెండు సినిమాలు మాత్రమే తీసిన గౌతమ్ తిన్ననూరి తన రెండో మూవీ జెర్సీ రీమేక్ తో బీటౌన్లో అదృష్టం పరీక్షించుకున్నాడు. అప్పట్లో ప్రస్థానం మూవీతో తిరుగులేని హిట్టందుకున్న దేవకట్టా కూడా ఇదే మూవీ రీమేక్ చేశాడు. తాజాగా అనిల్ రావిపూడి కూడా అదే ప్లాన్ లో ఉన్నాడని టాక్. తను డైరెక్ట్ చేసిన సూపర్ హిట్ మూవీ F2ని బాలీవుడ్ లో రీమేక్ చేసేందుకు ప్లాన్ చేసుకున్నాడు…
భగవంత్ కేసరి తర్వాత ప్లాన్
అనిల్ రావిపూడి లేటెస్ట్ మూవీ భగవంత్ కేసరి. ఈ మూవీ హిట్టైతే డబుల్ హ్యాట్రిక్ అనిల్ ఖాతాలో చేరిపోతుంది. అయితే అనిల్ రావిపూడి బెస్ట్ మూవీస్ లో F2 కచ్చితంగా ఉంటుంది. ఔట్ అండ్ ఔట్ ఫ్యామిలీ ఎంటర్టైనర్ గా తెరకెక్కిన ఈ మూవీ బ్లాక్ బస్టర్ హిట్ సొంతం చేసుకుంది. 30 కోట్లతో నిర్మించిన ఈ సినిమా ఏకంగా 100 కోట్లు కలెక్ట్ చేసింది. ప్రస్తుతం టాలీవుడ్ రేంజ్ ఓ రేంజ్ లో ఉంది. బాలీవుడ్ స్టార్స్ కూడా టాలీవుడ్ దర్శకులతో పనిచేసేందుకు ఆసక్తి చూపిస్తున్నారు. ఇదే మంచి టైమ్ అని ఫిక్సైన అనిల్ రావిపూడి కూడా F2 మూవీని అక్కడ రీమేక్ చేసేందుకు ప్లాన్ చేసుకున్నాడు. భగవంత్ కేసరి రిలీజ్ అయిన తర్వాత F2 హిందీ రీమేక్ పై అనిల్ రావిపూడి కాన్సన్ ట్రేట్ చేస్తాడని టాక్ . మరోవైపు ఇప్పటికే టాలీవుడ్ లో బడా ప్రొడ్యూసర్ అనిపించుకున్న దిల్ రాజు..బాలీవుడ్ లోనూ వెలగాలనే ప్రయత్నాల్లో ఉన్నాడు.ఈ రీమేక్ కి సంబంధించి త్వరలోనే అఫీషియల్ అనౌన్స్ మెంట్ రాబోతోంది. ఏదైనా ప్రస్తుతం టాలీవుడ్ దర్శకుల క్రేజ్ నడుస్తోంది…మంచిదే కదా..!
