అర్జున్ రెడ్డి సినిమాతో రచ్చ లేపిన దర్శకుడు సందీప్ వంగా లేటెస్ట్ మూవీ యానిమల్. అర్జున్ రెడ్డి సినిమాని ‘కబీర్ సింగ్’ పేరుతో రీమేక్ చేశాడు. ఈ మూవీ చూసిన బీటౌన్ ప్రేక్షకులు మోస్ట్ వయొలెంట్ ఫిలిం అని కామెంట్స్ చేశారు. వాటికి రియాక్టైన సందీప్.. ‘అసలు వయొలెన్స్ అంటే ఎలా ఉంటుందో నా నెక్స్ట్ సినిమాలో చూపిస్తాన్నాడు. రీసెంట్ గా యానిమల్ టీజర్ రిలీజ్ చేసి ఊరమాస్ అనిపించుకున్నాడు. ఈ టీజర్ కి అన్ని భాషల్లో పాజిటివ్ రెస్పాన్స్ వస్తోంది. హీరో రణబీర్ కపూర్ క్యారెక్టర్ ని చాలా ఇంటెన్సివ్ గా ఆవిష్కరించారనే ప్రశంసలు లభిస్తున్నాయి. అలాగే ప్రతి పాత్ర కూడా బలంగా ఉందని అంటున్నారు. టీజర్ తోనే స్టోరీ ఏంటనేది రివీల్ చేశాడనే చెప్పాలి..తాజాగా ఈ మూవీ టీజర్ పైనా రచ్చ మొదలైంది
యానిమల్ పై విమర్శలు
గతంలో సందీప్ రెడ్డి వంగా తరెకక్కించిన అర్జున్ రెడ్డి సినిమాపై మహిళా సంఘాల నుంచి తీవ్ర విమర్శలు వచ్చాయి. అందులో హీరో క్యారెక్టర్ చిత్రీకరణ అంతా కూడా ఆడవాళ్ళ మీద ఆధిపత్యం చూపించేలా ఉంటుంటూ అనసూయ మండిపడింది. ఆ రచ్చ ఇప్పటికీ నడుస్తూనే ఉంది. చాలామంది సెలబ్రెటీలు కూడా అర్జున్ రెడ్డి సినిమాపై విమర్శలు చేశారు. సినిమా పోస్టర్స్ ని చించేస్తూ కొంతమంది గందరగోళం సృష్టించారు. ఈ వివాదంతో అర్జున్ రెడ్డికి వివాదం ద్వారానే ఎక్కువ పబ్లిసిటీ వచ్చింది. సినిమాకి మంచి ఓపెనింగ్స్ రావడానికి కూడా ఈ నెగిటివ్ పబ్లిసిటీ కారణం అయ్యింది. తరువాత యూత్ కిబాగా కనెక్ట్ కావడంతో సూపెర్ హిట్ అయ్యింది. ఇప్పుడు యానిమల్ టీజర్ తోనే సందీప్ రెడ్డి వంగాపై ఫెమినిస్ట్ లు గా చెప్పుకునే కొంత మంది సోషల్ మీడియాలో విమర్శలు చేస్తున్నారు.
పర్వర్డెడ్ బిహేవియర్
రష్మిక, రణబీర్ మధ్య డిస్కషన్ తో మొదలైన టీజర్ సెకండ్ షాట్ నుంచి వైలెంట్ మోడ్ లోకి వెళ్ళిపోయింది. అనిల్ కపూర్, రణబీర్ కపూర్ మధ్య ఫాదర్ అండ్ సన్ ఎమోషన్ ని టీజర్ తో చూపించే ప్రయత్నం చేశారు. అలాగే రణబీర్ ని మూడు వేరియేషన్స్ లో ప్రజెంట్ చేశారు. లాంగ్ హెయిర్ లో రణబీర్ అర్జున్ రెడ్డిలా ఉన్నాడు, సూటు బూటు వేసుకుని స్టైలిష్ గ్యాంగ్ స్టర్ గా కనిపించాడు, ఆ తర్వాత లుంగీ- సల్వార్ లుక్ లో ఊర మాస్ గా కనిపించాడు. వీటిపైనా మహిళాసంఘాలు అభ్యంతరం తెలియజేస్తున్నాయి. పర్వర్టెడ్ బిహేవియర్ అంటూ కామెంట్స్ చేస్తున్నారు. ఇంకా నయం హీరో, హీరోయిన్ ని చెంపదెబ్బ కొట్టినట్లు సందీప్ రెడ్డి వంగా చూపించకుండా జాలి చూపించాడని ఒకరు కామెంట్ చేస్తే.. ఆ ప్రశ్న అడిగినందుకు హీరోకి వచ్చిన కోపానికి బెల్ట్ తీసి హీరోయిన్ ని కొట్టాలి కానీ కొట్టలేదని మరొకరు పోస్ట్ చేశారు. మొత్తానికి యానిమల్ టీజర్ పై భిన్నాభిప్రాయాలు వినిపిస్తున్నాయి. అర్జున్ రెడ్డి సినిమాకి ప్లస్ అయినట్టే యానిమల్ కి కూడా ఇవి ప్లస్ అవుతాయేమో చూడాలి.
