‘RRR’ రౌద్రం రణం రుధిరం అయినప్పటికీ… రామ్ చరణ్-తారక రామారావు-రాజమౌళి ఈ ముగ్గురి పేర్లు కలిసొచ్చేలా ఉంది. రాజమౌళి దర్శకత్వంలో తెరకెక్కిన ఈ మూవీ సృష్టించిన సంచలనాల గురించి ఎంత చెప్పుకున్నా తక్కువే. ఈ ముగ్గురు పేర్లు కలిసొచ్చేలా టైటిల్ ఫిక్స్ చేసి ప్రభంజనం క్రియేట్ చేశారు. ఇప్పుడు సేమ్ టు సేమ్ మరో జోడీ ఇలాగే రాబోతోంది. ఆ మూవీనే ‘AAA’..లేటెస్ట్ న్యూస్ ఏంటంటే ఈ AAA లకు మరో A యాడ్ అవబోతోందని టాక్..
అల్లు అర్జున్-అట్లీ-అనిరుధ్… వీళ్ల ముగ్గురూ AAA. సోషల్ మీడియాలో ప్రజెంట్ ఇదే హాష్ ట్యాగ్ ట్రెండ్. ఆల్మోస్ట్ అఫీషియల్ ప్రకటన రేపో మాపో వచ్చేస్తుంది అన్నంత రేంజ్ లో ఈ సినిమా పై హ్యూజ్ బజ్ క్రియేట్ అయిపోయింది. ఈ సినిమాలో మ్యూజిక్ డైరెక్టర్గా అనిరుద్ ఫిక్సయినట్లు వార్తలు రావడంతో మరింత ఆసక్తి పెంచింది. కోలీవుడ్ డైరెక్టర్ అట్లీ ఈ మధ్యే జవాన్ సినిమాతో బ్లాక్ బస్టర్ హిట్ అందుకున్నాడు. ఈ మూవీకి సంగీతం అందించిన అనిరుద్ రవిచంద్రన్ ఈ సినిమా విజయంలో కీ రోల్ పోషించారు. జవాన్ టీమ్ పై అల్లు అర్జున్ ప్రశంసలు కురిపించాడు. దీంతో ఈ కామెంట్స్ పై అనిరుధ్ స్పందించాడు. ఆ తర్వాత అల్లు అర్జున్ కూడా స్పందిస్తూ నాకు ఒక్క థాంక్స్ మాత్రమే కాదు మంచి పాటలు కూడా కావాలని రిప్లై ఇచ్చాడు. దీంతో ఈ కాంబో కన్ఫమ్ అని ఫిక్సైపోయారు.
మరో ఇంట్రెస్టింగ్ విషయం ఏంటంటే ఈ మూవీలో హీరోయిన్ గా ఐశ్వర్యారాయ్ నటించనుందని టాక్. ఇప్పటికే ఆమెను సంప్రదించారని టాక్. ఈ సినిమాలో మొత్తంగా ముగ్గురు హీరోయిన్స్ ఉండబోతున్నారని…మిగిలిన ఇద్దరూ ఒకరు ప్రియాంక చోప్రా, మరొకరు దీపికా పదుకొనే అని తెలుస్తోంది. ఈ వార్తలో ఎంతవరకూ నిజం ఉందో తెలియదు కానీ..నిజంగా ఈ ముగ్గురూ ఒకే తెరపై కనిపిస్తే మాత్రం రీసౌండ్ మామూలుగా ఉండదు. పైగా అల్లు అర్జున్, అట్లీ, అనిరుధ్..ఈ ముగ్గురూ ముగ్గురే. వీళ్ల కాంబినేషన్ అంటేనే ఓ రేంజ్ లో కిక్కిస్తుంది..అంచనాలు భారీగా ఉంటాయి. అలాంటిది ఇదే మూవీలో ఐశ్వర్యారాయ్, దీపిక, ప్రియాంక అంటే ఆ క్రేజే వేరు. మరి ఈ ప్రాజెక్ట్ పై అఫిషియల్ ప్రకటన ఎప్పుడొస్తుందో చూడాలి…
