సాయిధరమ్ తేజ్-కార్తీక్ దండు కాంబినేషన్లో వచ్చిన విరూపాక్ష మూవీకి ప్రేక్షకులు బ్రహ్మరథం పట్టారు. సూపర్ హిట్ టాక్ రావడంతో ఈ సిరీస్ ని కొనసాగించాలనే ఆలోచనలో ఉన్నాడు దర్సకుడు కార్తీక్. ఇంట్రెస్టింగ్ అప్ డేట్ ఏంటే ఈ మూవీ సిరీస్ కోసం ‘హిట్’ మూవీ సీక్వెల్స్ ఫార్ములా ఫాలో అవబోతున్నాడట…
మరింత భయపెట్టనున్న విరూపాక్ష 2
సుకుమార్ దగ్గర అసిస్టెంట్ గా చేసిన కార్తీక్ దండు విరూపాక్ష సినిమాతో తన డైరెక్షన్ టాలెంట్ చూపించి సూపర్ హిట్ అందుకున్నాడు. అంతకుముందు తన దర్శకత్వంలో ‘భమ్ బోలేనాథ్ సినిమా చేసిన కార్తీక్ ఆ సినిమా తర్వాత సుకుమార్ దగ్గర అసిస్టెంట్ డైరెక్టర్ గా మారాడు. విరూపాక్ష సినిమా హిట్ కెరీర్ జోరు పెంచింది. నిర్మాతలంతా కూడా కార్తీక్ తో సినిమా చేసేందుకు ఆసక్తి చూపిస్తున్నారు. విరూపాక్ష తర్వాత విరూపాక్ష 2 ఉంటుందని అనౌన్స్ చేసిన మేకర్స్ ప్రస్తుతం ఆ పనుల్లో బిజీగా ఉన్నారు. విరూపాక్ష 2 తో ఆడియన్స్ ని మరింత ఎక్కువ భయపెట్టే కాన్సెప్ట్ లు ఆలోచిస్తున్నారట.
విరూపాక్ష 2 లో మరో హీరో
విరూపాక్ష సినిమా క్లైమాక్స్ లో సాయిధరమ్ తేజ్ తో చిన్న హింట్ ఇప్పించిన డైరెక్టర్ విరూపాక్ష 2 లో అది కొనసాగిస్తాడని తెలుస్తుంది. అంతేకాదు విరూపాక్ష 2 లో సాయి ధరమ్ తేజ్ తో పాటుగా మరో హీరో కూడా నటిస్తాడని టాక్. పైగా విరూపాక్ష 2తో ఆగిపోకుండా ఈ సిరీస్ కొనసాగించాలనే ఆలచనలో ఉన్నాడట డైరెక్టర్. అందుకే విరూపాక్ష 3 కూడా ప్లాన్ నడుస్తోంది. ఇందుకోసం ‘ హిట్’ మూవీ దర్శకుడు శైలేష్ ని ఫాలో అవనున్నాడట. హిట్ 1 విశ్వక్ సేన్ తో, హిట్ 2 అడివి శేష్ తో తెరకెక్కించిన శైలేష్..హిట్ 3ని నానితో ఫిక్స్ చేశాడు. ఇప్పుడు కార్తీక్ దండు కూడా సేమ్ టు సేమ్…విరూపాక్షలో సాయిధరమ్ తేజ్, సీక్వెల్లో మరో హీరో..థర్డ్ పార్ట్ లో ఇంకో హీరో వరుసగా ఎంట్రీ ఇవ్వనున్నారట.
సుకుమార్ చెప్పిన మార్పులు కలిసొచ్చాయి
వాస్తవానికి సినిమాలో నెగిటివ్ రోల్ లో మొదట శ్యామలని అనుకున్నారట. కానీ సుకుమార్ మొత్తం కథని మార్చేసి హీరోయిన్ నే నెగెటివ్ క్యారెక్టర్ లా స్టోరీ లైన్ మార్చేశాడు. ఈ మార్పే ప్రేక్షకులకు కొత్తగా అనిపించింది. సినిమా విజయానికి కారణం అయింది. ఇక విరూపాక్ష సిరీస్ లో కూడా ప్రేక్షకుల అంచనాలకు అందని విషయాలు చాలా ఉన్నాయంటున్నారు మూవీ టీమ్. మరి ‘హిట్’ మూవీ ఫార్ములా ‘విరూపాక్ష’కు ఏ మేరకు కలిసొస్తుందో చూడాలి..
