ఇండస్ట్రీలోకి ఉప్పెనలా దూసుకొచ్చిన కృతిశెట్టిని చూసి టాలీవుడ్ ని ఏలేస్తుందని అనుకున్నారంతా. అందమైన అమ్మాయిని తెరపై చూస్తూ రెప్పవేయడం మర్చిపోయారంతే. ఆ తర్వాత వరుస అవకాశాలు వచ్చాయి కానీ చెప్పుకోదగిన హిట్టు మళ్లీ పడలేదు. దీంతో ఓవర్ నైట్ సంపాదించుకున్న క్రేజ్ ఒక్కసారిగా పడిపోయింది. అమ్మడి కెరీర్ ట్రబుల్స్ లో పడుతోన్న టైమ్ లో మరోసారి మెగా హీరోతో ఛాన్స్ దక్కించుకుందని టాక్.
RC 16లో బేబమ్మ
గ్లోబల్ స్టార్ చరణ్( Ram charan ) ప్రస్తుతం ఫుల్ ఫాం లో ఉన్నాడు. ప్రస్తుతం శంకర్ డైరెక్షన్ లో ‘గేం చేంజర్’ సినిమా చేస్తున్న చరణ్ ఆ తర్వాత బుచ్చిబాబు దర్శకత్వంలో ఓ ప్రాజెక్ట్ చేస్తున్నాడు. ‘ఉప్పెన’తో సెన్సేషన్ క్రియేట్ చేసిన బుచ్చిబాబు..చరణ్ కోసం మరో పీరియాడికల్ కథ సిద్ధం చేసినట్టు తెలుస్తోంది.ఈ సినిమాలో హీరోయిన్ గా ప్రియాంకచోప్రా ని తీసుకుంటారనే టాక్ వినిపించింది. గతంలో వీళ్లిద్దరూ కలసిజంజీర్ మూవీలో నటించారు. అయితే ఈ సినిమాలో సెకండ్ హీరోయిన్ కి చాన్స్ ఉందని అందుకోసం బేబమ్మకి మరోసారి వెల్ కమ్ చెప్పబోతున్నాడట బుచ్చిబాబు. కొన్నిసార్లు దర్శకుడు-హీరోయిన్ కాంబినేషన్ కూడా బాగానే వర్కౌట్ అవుతుంది. రామ్ చరణ్ సినిమాలో కృతి ఫైనల్ అయితే మాత్రం బేబమ్మ కెరీర్ కి ఇది మంచి టర్నింగ్ అనే చెప్పాలి.
హిట్టు చాలా ఇంపార్టెంట్
వస్తూనే హ్యాట్రిక్ విజయాలు అందుకున్న కృతి శెట్టి ఆ తర్వాత అపజయాల్లోనూ హ్యాట్రిక్ నమోదు చేసుకుంది. దీంతో మోస్ట్ వాంటెడ్ లిస్ట్ లో నుంచి పేరు కిందకు దిగజారుతోంది. ‘బంగర్రాజు’ మూవీ తర్వాత కృతి శెట్టి నటించిన ‘ది వారియర్’ అనుకున్నంత విజయాన్ని సాధించలేదు. ఆపై ‘మాచర్ల నియోజకవర్గం’ కూడా దాదాపుగా అదే ఫలితాన్ని చవిచూసింది. ఆపై ఎన్నో అంచనాలతో వచ్చిన’ అమ్మాయి గురించి మీకు చెప్పాలి’ సినిమా కూడా బాక్సాఫీస్ వద్ద తన్నేసింది. ఇక రీసెంట్ గా నాగ చైతన్య తో అదృష్టం పరీక్షించుకుందామనుకున్నా అదీ వర్కవుట్ కాలేదు. ‘కస్టడీ’ సినిమా కూడా తీవ్ర నిరాశనే మిగిల్చింది. ఇలా వరుసగా ప్లాపులు వస్తుండటంతో కృతిశెట్టి వైపు చూసే నిర్మాతలు కూడా తగ్గిపోతున్నారు. పైగా స్టోరీల ఎంపికలో తడబాటు పడిందన్న టాక్ వినిపిస్తోంది. ఓవర్ నైట్ లో వచ్చిన క్రేజ్ ను వాడుకోవడంలో ఫెయిల్ అయిందన్న టాక్ వినిపిస్తోంది. ఇక బ్యూటీ కెరీర్ క్లోజ్ అయినట్టే అనిపిస్తోన్న టైమ్ లో మళ్లీ రామ్ చరణ్ సినిమాలో ఛాన్స్ కొట్టేసిందనే న్యూస్ చక్కర్లు కొడుతోంది. ఈ మూవీతో మంచి హిట్టు పడితే మళ్లీ మోస్ట్ వాంటెడ్ హీరోయిన్ జాబితాలోకి చేరిపోతుంది. మరి బేబమ్మ లక్ ఎలాఉందో చూడాలి.
