కథల ఎంపికలో పొరపాటో, అతి విశ్వాసమో కానీ అఖిల్ అక్కనేనికి ఇప్పటివరకూ చెప్పుకోదగిన హిట్ లేదు. ఇక సినిమాలు మానేసి వ్యాపారం చేసుకో అంటూ నెటిజన్లు ఏకిపడేస్తున్నారు. అయితే త్వరలోనే ఈ కామెంట్స్ కి ఫుల్ స్టాప్ పెట్టేసే రోజులొస్తాయంటున్నారు అక్కినేని అభిమానులు. అఖిల్ కెరీర్ కి బ్రేక్ ఇచ్చేందుకు పవర్ ఫుల్ కథను సిద్ధం చేస్తున్నాడట దర్శకుడు శ్రీకాంత్ అడ్డాల…
అఖిల్ కోసం శ్రీకాంత్ అడ్డాల
హీరోగా వరుస పరాజయాల్లో ఉన్న అఖిల్ అక్కినేనికి ‘మోస్ట్ ఎలిజిబుల్ బ్యాచిలర్’ తో సక్సెస్ అందుకున్నాడు. హమ్మయ్య సక్సెస్ దిశగా తొలు అడుగుపడిందనుకునేలోగా ఏజెంట్ తో గట్టి దెబ్బపడింది. ఏప్రిల్ 28న భారీ అంచనాల మధ్య విడుదలైన ఏజెంట్ కు సురేందర్ రెడ్డి దర్శకుడు. స్పై యాక్షన్ థ్రిల్లింగ్ అంశాలతో రూపొందిన ఈ మూవీ విడుదలైన రోజు నుంచే డిజాస్టర్ టాక్ తెచ్చుకుంది. రెండో రోజే బాక్సాఫీస్ దగ్గర చేతులెత్తేసింది. అఖిల్ ఇమేజ్ ని పూర్తిగా డ్యామేజ్ చేసి పడేసింది. కథల ఎంపిక రావడం లేదా, తనకి ఎలాంటి కథలు సరిపోతాయో తెలుసుకోలేకపోతున్నాడా అయినా ఇప్పటివరకూ చెప్పుకోదగిన ఒక్క హిట్టు లేని అఖిల్ ఇక సినిమాలకు సెలవు ప్రకటించడం మంచిదన్నారు నెటిజన్లు. సోషల్ మీడియాలో ఓ రేంజ్ లో ట్రోల్స్ చేశారు. విమర్శలు పట్టించుకోని అఖిల్ తన తర్వాతి ప్రాజెక్టులపై కాన్సన్ ట్రేట్ చేస్తున్నాడు. ఇందులో భాగంగా వినిపిస్తోన్న ఇంట్రెస్టింగ్ న్యూస్ ఏంటంటే అఖిల్ కోసం రంగంలోకి దిగాడట శ్రీకాంత్ అడ్డాల.
పవర్ ఫుల్ కథ సిద్ధం
శ్రీకాంత్ అడ్డాల అఖిల్ కోసం ఒక పక్కా యాక్షన్ స్టోరీ సిద్ధం చేశాడని టాక్. దిల్ రాజు నిర్మాతగా వ్యవహరించనున్నాడు. అధికారిక ప్రకటన త్వరలోనే రానుంది. ప్రస్తుతం శ్రీకాంత్ అడ్డాల ‘పెదకాపు’ సినిమాతో చాలా బిజీగా ఉన్నాడు. ఈ హడావుడి పూర్తైన వెంటనే అఖిల్ తో ప్రాజెక్ట్ పట్టాలెక్కనుందట. శ్రీకాంత్ అడ్డాల తన కెరీర్ లో తీసిన యాక్షన్ చిత్రం నారప్ప. ఈ సినిమాలో వెంకటేష్ ను అద్భుతంగా చూపించాడు. నేరుగా ఓటీటీలో విడుదలైన ఈ మూవీ సినీ ప్రియులను మెప్పించింది. అయితే శ్రీకాంత్ అడ్డాల గత మూవీస్ చూస్తే దేనికదే ప్రత్యేకం కొత్తబంగారులోకం, ముకుంద, సీతమ్మవాకిట్లో సిరిమల్లె చెట్టు ఇవన్నీ విమర్శకుల ప్రశంసలు అందుకున్నవే. అందుకే శ్రీకాంత్ అడ్డాలతో అఖిల్ అంటే ఈ సారి హిట్టు కొట్టి చూపిస్తాం అని ఫిక్సైపోయారు ఫ్యాన్స్
అఖిల్ కి హిట్టు చాలా ముఖ్యం
‘ఏజెంట్’ తర్వాత అఖిల్ అక్కినేని చేస్తోన్న మరో భారీ సినిమా ధీర. ఈ సినిమాకు అనిల్ కూమార్ అనే కొత్త దర్శకుడు పరిచయం అవుతున్నాడు. అనిల్ గతంలో సాహో, రాధేశ్యామ్ వంటి సినిమాలకు అసిస్టెంట్ డైరెక్టర్‌గా పనిచేశాడు. యూవీ క్రియేషన్స్‌ నిర్మాణంలో ఈ సినిమా ఫాంటసీ డ్రామాగా రూపొందుతుందని తెలుస్తోంది. ఈ మూవీలో అఖిల్ కి జోడీగా జాన్వికపూర్ నటించనుందని టాక్. ప్రస్తుతం ప్రీ ప్రొడక్షన్ పనులు జరుగుతున్నాయి. మరి ఈ సినిమా ముందు పట్టాలెక్కుతుందా, శ్రీకాంత్ అడ్డాల సినిమా ప్రారంభమవుతుందో కానీ…ఈ రెండు మూవీస్ తప్పనిసరిగా సక్సెస్ కావాల్సిందే. అఖిల్ కెరీర్ ని డిసైడ్ చేసేవి ఇవే…మరి ఏం జరుగుతుందో చూద్దాం…
