మెగాస్టార్, సూపర్ స్టార్, అనుష్క సహా వీళ్లందరకీ ఈ ఆగష్టు చాలా కీలకం!

ప్రతినెలా సినిమాలు విడుదలవుతూనే ఉన్నాయి. వారం వారం థియేటర్లు, ఓటీటీల్లో జోరు కొనసాగుతూనే ఉంది. అయితే ఆగష్టులో మాత్రం కొందరి హీరోలకు చాలా కీలకం కాగా వారి అభిమానులకు మాత్రం పెద్ద పండుగే. మెగాస్టార్ చిరంజీవి, సూపర్ స్టార్ రజనీకాంత్, మెగా ప్రిన్స్ వరుణ్ తేజ్, అనుష్క, నవీన్ పోలిశెట్టి వీళ్లంతా ఆగష్టుపై చాలా ఆశలు పెట్టుకున్నారు.

భోళా శంకర్
మెగాస్టార్ చిరంజీవి – మెహర్ రమేష్ కాంబినేషన్లో వస్తోన్న సినిమా ‘భోళా శంకర్’ (Bhola Shankar). తమన్నా హీరోయిన్ గా నటించిన ఈ మూవీ ఆగష్టు 11న విడుదలకానుంది. చిరు సినిమా అంటే ఆ జోష్, క్రేజ్ వేరు కానీ ఇక్కడ మెహర్ రమేష్ దర్శకుడు కావడం వల్లే మెగా అభిమానుల్లో టెన్షన్ ఉంది. ఎందుకంటే ఇప్పటివరకూ మెహర్ రమేష్ తెరకెక్కించిన సినిమాలు కంత్రీ,బిల్లా, శక్తి, షాడో ఇవన్నీ డిజాస్టర్లే. కొంతలో కొంత ప్రభాస్ బిల్లా స్టైలిష్ మూవీ అనిపించుకుంది కానీ హిట్ టాక్ మాత్రం సొంతం చేసుకోలేకపోయింది. ఐరెన్ లెగ్ దర్శకుడిగా పేరున్న మెహర్ రమేష్ కావడంతో ఈ సినిమా రిజల్ట్ పై టెన్షన్ ఉంది. అయితే ఒరిజినల్‌ ఫిల్మ్‌ ‘వేదాలం’ కన్నా ‘భోళా శంకర్‌’ బాగుంటుందంటున్నాడు కెమెరామేన్‌ డడ్లీ. మరి రిజల్ట్ ఎలా ఉంటుందో చూడాలి. ఈ మూవీ బిగ్ హిట్టందుకుంటే అభిమానులకు ముందుగానే చిరంజీవి బర్త్ డే ట్రీట్ ఇచ్చినట్టే.

జైలర్
సూపర్ స్టార్ రజనీకాంత్ (Superstar Rajinikanth) డైరెక్టర్ నెల్సన్ కుమార్(Nelson kumar) కాంబోలో వస్తోన్న మూవీ జైలర్(Jailer). లేటెస్ట్ గా ఈమూవీ నుంచి వచ్చిన ట్రైలర్ పై పాజిటివ్ రెస్పాన్స్ వచ్చింది. రజినీ నుంచి వస్తోన్న ఈ మాస్ ఎంటర్టైనర్ ఆగస్టు 10న రిలీజ్ కు సిద్ధంగా ఉంది. ఈ సినిమాపై సూపర్ స్టార్ అభిమానుల్లో భారీ అంచనాలున్నాయి. రావాలయ్యా అంటూ తమన్నా గ్లామర్ షో ఓ రేంజ్ లో ట్రెండ్ అయింది. రజనీకాంత్ కూడా మంచి హిట్ చూసి చాలా కాలం అవుతోంది అందుకే ఈ మూవీ రిజల్ట్ చాలా కీలకం.

గాంఢీవదారి అర్జున
మెగా ప్రిన్స్ వరుణ్ తేజ్ లేటెస్ట్ మూవీ గాంఢీవదారి అర్జున. ఈ మూవీ నుంచి ఇప్పటికే రిలీజ్ అయిన టీజర్, పోస్టర్స్ ఆకట్టుకున్నాయి. ప్రవీణ్ సత్తారు దర్శకత్వంలో తెరకెక్కిన ఈ సినిమా ఆగస్టు 25న విడుదల కానుంది. నాలుగేళ్లుగా వరుస సినిమాల్లో నటిస్తున్నప్పటకీ ఆశించిన స్థాయిలో సక్సెస్ అందుకోని వరుణ్ కి ఈ మూవీ హిట్టు చాలా కీలకమనే చెప్పాలి.

మిస్ శెట్టి, మిస్టర్ పొలిశెట్టి
యంగ్ హీరో నవీన్ పోలిశెట్టి, స్టార్ హీరోయిన్ అనుష్క శెట్టి కాంబినేషన్‍లో రూపొందుతున్న ‘మిస్ శెట్టి.. మిస్టర్ పోలిశెట్టి’ సినిమా కోసం చాలా మంది వేచిచూస్తున్నారు. ముఖ్యంగా.. అనుష్క సుమారు మూడు సంవత్సరాల తర్వాత కమ్ బ్యాక్ చేస్తుండటంతో ఈ చిత్రంపై చాలా ఆసక్తి నెలకొంది. .

పెదకాపు
శ్రీకాంత్ అడ్డాల లేటెస్ట్ మూవీ పెదకాపు. ఈ మూవీపై చాలా ఆశలు పెట్టుకున్నాడు శ్రీకాంత్. కొత్త బంగారులోకం, సీతమ్మ వాకిట్లో సిరిమల్లె చెట్టు, ముకుందతో ఫుల్ క్రేజ్ సంపాదించుకున్నాడు. కానీ 8 ఏళ్లుగా సరైన హిట్టులేదు. అందుకే పెదకాపుపై చాలా ఆశలు పెట్టుకున్నాడు శ్రీకాంత్ అడ్డాల.

వాస్తవానికి గడిచిన రెండు మూడునెలల్లో ‘బేబీ’ తప్ప పెద్దగా హిట్ టాక్ తెచ్చుకున్న మూవీస్ లేవు. రీసెంట్ గా పవన్ కళ్యాణ్ బ్రో విడుదలైనప్పటికీ అది ఫ్యాన్స్ కి మాత్రమే నచ్చుతుందనే టాక్ వచ్చేసింది. మరి ఆశగా ఎదురుచూస్తోన్న ఆగష్టు ఎవరెవరికి ఎలాంటి రిజల్ట్ అందిస్తుందో వెయిట్ అండ్ సీ…