ఆదాశర్మ గురించి చెప్పుకుంటే ‘ది కేరళ స్టోరీ’ సినిమాకు ముందు ఆ తర్వాత అని చెప్పుకోవాలి. కేరళ స్టోరీ సినిమా చూట్టూ ఎన్ని వివాదాలు చుట్టుముట్టాయో అంతే సక్సెస్ అయింది. దీంతో ఆదా తర్వాత ప్రాజెక్ట్ ఏంటా అనే ఆసక్తి సినీ ప్రియుల్లో ఉంది. ఆ అప్ డేట్స్ చూద్దాం.
ఆదాశర్మ కెరీర్ గురించి మాట్లాడుకుంటే ది కేరళ స్టోరీకి ముందు ఆ తర్వాత అని మాట్లాడుకోవాలి. నితిన్-పూరీజగన్నాథ్ హార్ట్ అటాక్ సినిమాతో తెలుగులో ఎంట్రీ ఇచ్చిన ఆదాశర్మకి ఆ మూవీ పర్వాలేదనిపించింది. క్షణం సినిమా హిట్టైనా పెద్దగా కలిసొచ్చిందేమీ లేదు. సన్నాఫ్ సత్యమూర్తి , సుబ్రమణ్యం ఫర్ సేల్ సినిమాలకు ఆదా ఎందుక ఓకే చెప్పిందో అనే కామెంట్స్ వచ్చాయి. మొత్తానికి టాలీవుడ్ లో పెద్దగా టైమ్ కలసిరాకపోవడంతో ఇతర భాషల్లో అదృష్టాన్ని పరీక్షింటుకునే పనిలో పడింది. ఇలాంటి టైమ్ లో వచ్చిన ది కేరళ స్టోరీ ఆదా కెరీర్ పై ఆశలు పెంచిందనే చెప్పాలి. వైవిథ్య‌మైన పాత్ర‌తో త‌న‌కంటూ ఓ ప్ర‌త్యేక‌మైన గుర్తింపును తీసుకొచ్చిన రోల్ పోషించి సోషల్ మీడియాలో ట్రెండింగ్ లో నిలిచింది. ది కేరళ స్టోరీ సినిమాలో ఆదారోల్ ఆమె కెరీర్ కి ఓ ర‌క‌మైన బూస్టింగ్ లా ప‌నికొచ్చింది. తాజాగా ఈ బ్యూటీ క‌మాండోగా మరోసారి మెప్పించ‌డానికి రెడీ అవుతోంది.
కమాండో సిరీస్ లో ఆదాశర్మ
విద్యుత్ జ‌మాల్ ప్ర‌ధాన పాత్ర‌లో న‌టించిన ‘కమాండో’ సిరీస్ ఎంత పెద్ద సక్సెస్ సాధించిందో తెలిసిందే. ఇన్ స్పెక్ట‌ర్ భావ‌న రెడ్డి పాత్ర‌లో ఆదాశర్మ ఆద్యంతం అల‌రించింది. తాజాగా ఈ యాక్ష‌న్ థ్రిల్ల‌ర్ నుంచి మ‌రో కమాండో రాబోతుంది. ఈసిరీస్ నుంచి ప్రేమ్ ప‌ర్రిజా అనే కొత్త న‌టుడు ప‌రిచ‌య‌మ‌వుతున్నాడు. ఇందులో ఆదాశర్మ మరోసారి కీల‌క పాత్ర‌లో న‌టించ‌బోతుంది. ఇంకా సినిమాలో వైభ‌వ్ త‌త్వవాడి, ఇష్టియాఖాన్, శ్రేయా చౌద‌రి, అమిత్ శియాల్ కీల‌క పాత్ర‌లు పోషిస్తున్నారు. ఈ చిత్రాన్ని కేరళ స్టోరీ నిర్మాత విపుల్ అమృత్ లాల్ నిర్మిస్తున్నాడు. ఈ సందర్భంగా ఆదాశర్మ ఓ ఇంట్రెస్టింగ్ పోస్ట్ చేసింది. ‘కమాండో ప్రాంచైజీలోకి వ‌స్తోన్న ప్రేమ్ కి స్వాగ‌తం. కొత్త క‌మాండోతో..యాక్ష‌న్ అడ్వెంచ‌ర్ థ్రిల్ రానుంద‌ని రాసుకొచ్చింది.
డిస్నీ ప్ల‌స్ హాట్ స్టార్ లో విడుదల
డిస్నీ ప్ల‌స్ హాట్ స్టార్ లో ఈ సినిమా రిలీజ్ కానుంది. అయితే ఈ సినిమా ఎప్పుడు ప్రారంభం అవుతుంది? ఎప్పుడు పూర్తి చేస్తారు? ఎప్పుడు విడుదల చేస్తారు? ద‌ర్శ‌కుడు వివ‌రాలు ప్రస్తుతానికి సీక్రెట్. ఈ మూవీకి కూడా కేరళ స్టోరీ నిర్మాత కావ‌డంతో హిందీతో పాటు మ‌ల‌యాళంలోనూ తెర‌కెక్కిస్తారా అన్న‌ది తెలియాల్సి ఉంది.
