ప్రస్తుతం టాలీవుడ్ లో దూసుకుపోతున్న హీరోయిన్ అనగానే శ్రీలీల అని ఠక్కున చెబుతారు. కానీ శ్రీలీలకు పోటీగా మెల్లగా దూసుకొస్తోంది మీనాక్షి చౌదరి. తాజాగా గుంటూరుకారం ప్రాజెక్టులో భాగం అయిన తర్వాత జోరు మరింత పెరిగింది…
సమంత, పూజాహెగ్డే, రష్మిక నిన్నటి వరకూ ఏ మూవీలో చూసినా వీళ్లే కనిపించేవారు. శ్రీలీల ఎంట్రీతో చాలామంది ముద్దుగుమ్మలకు చెక్ పెట్టేసింది. ఇప్పుడిప్పుడే మీనాక్షి చౌదరి వరుస ప్రాజెక్టులలో భాగం కావడంతో శ్రీలీలకు సరైన పోటీ ఇచ్చేట్టే ఉందంటున్నారు. తాజాగా మహేష్ బాబు ‘గుంటూరు కారం’ సినిమాలో మీనాక్షి చౌదరిని తీసుకున్నారు. మొదటిసారిగా సూపర్ స్టార్ మూవీలో నటించే ఛాన్స్ దక్కించుకోవడంతో పాటూ మెగాహీరో మూవీలోనూ ఆఫర్ కొట్టేసింది. ‘పలాస 1978’ చిత్ర దర్శకుడు కరుణ కుమార్, మెగా ప్రిన్స్ వరుణ్ తేజ్ కాంబినేషన్లో VT14 తెరకెక్కనుంది. ఈ సినిమాని జులై 27న లాంచ్ చేయనున్నారు. వైరా ఎంటర్‌టైన్‌మెంట్స్ పతాకంపై మోహన్ చెరుకూరి , డాక్టర్ విజయేందర్ రెడ్డి తీగల నిర్మించనున్న భారీ బడ్జెట్ చిత్రంలో ఫిమేల్ లీడ్ క్యారెక్టర్ కోసం మీనాక్షి చౌదరిని సంప్రదించారట మేకర్స్.
ఆఫర్లే ఆఫర్లు
సుశాంత్ హీరోగా వచ్చిన ‘ ఇచ్చట వాహనములు నిలుపరాదు’ సినిమాతో హీరోయిన్ గా పరిచయమైన మీనాక్షి చౌదరి కెరీర్ లో సూపర్ హిట్ కొట్టలేదు కానీ వరుస ఆఫర్లు మాత్రం అందుకుంటూ కెరీర్లో ముందడుగువేస్తోంది. రవితేజ ‘ఖిలాడి’, ‘హిట్ 2’ సినిమాల్లో నటించింది. హిట్ 2 సక్సెస్ అయిన తర్వాత ఆఫర్లు రావడం మొదలయ్యాయి. మహేష్ బాబు-త్రివిక్రమ్ కాంబినేషన్లో వస్తోన్న ‘గుంటూరు కారం’ సినిమాలో లక్కీ ఛాన్స్ అందుకోవడంతో మీనాక్షి స్టార్ లీగ్ లోకి వచ్చేసింది. మరోవైపు విశ్వక్ సేన్ సినిమాలో నటిస్తోంది. అటు తమిళంలో విజయ్ ఆంటోనితో కలసి నటించిన కోలై తెలుగులో హత్య పేరుతో విడుదలైంది. వీటితో పాటూ మరిన్ని ఆఫర్స్ రెడీగా ఉన్నాయని తెలుస్తోంది. ముఖ్యంగా గుంటూరు కారం హిట్టైతే మీనాక్షి రేంజ్ ఎక్కడికో వెళ్లిపోతుంది.
శ్రీలీల తర్వాత మీనాక్షి
ప్రస్తుతం టాలీవుడ్ ఇండస్ట్రీలో జోరుమీదుంది శ్రీలీల. దాదాపు 14 సినిమాలతో టైమ్ చూసుకునే టైమ్ కూడా లేనంత బిజిగా ఉంది. అంటే రెండేళ్ల పాటూ శ్రీలీల ఫ్యాన్స్ కి ఫుల్ ధమాకా ఉండబోతోంది.ఇప్పుడిప్పుడే మీనాక్షి బాగా బిజీ అవుతోంది. పైగా గుంటూరుకారం సినిమాలో ఆఫర్ అంటే కేవలం మహేష్ సినిమాలో ఛాన్స్ మాత్రమే కాదు..ఫ్యూచర్లో త్రివిక్రమ్ సినిమాల్లోనూ అవకాశం దాదాపు ఖరారైనట్టే. ఇప్పటికే వరుణ్ తేజ్ సినిమాలో ఛాన్స్ అందుకోవడం ద్వారా మెగా కాంపౌండ్ లోకి అడుగుపెట్టింది. గుంటూరుకారం హిట్టైతే ఆ జోరు మరింత పెరగడం పక్కా. అంటే శ్రీలీల తర్వాత టాలీవుడ్ లో వెలిగే ఛాన్స్ మీనాక్షీకే ఉంది. మరి ఖిలాడీ బ్యూటీ లక్ గ్రాఫ్ ఎలా ఉంటుందో వెయిట్ అండ్ సీ.
