సోషల్ మీడియా లో మోస్ట్ పాపులర్ యాక్టర్ గా సమంత నంబర్ వన్ ప్లేసులో నిలిచింది. నేషనల్ క్రష్ గా పేరుతెచ్చుకున్న రష్మిక పదో స్థానంలో ఉంది. ఇంతా టాప్ హీరోయిన్స్ గా కొనసాగుతున్న వారి స్థానం ఏంటో చూద్దాం.
అప్పట్లో సెలబ్రెటీలు సినిమాల్లో కనిపించడం, ఎప్పుడో ఓసారి మాట్లాడితే వినడం తప్ప ప్రేక్షకులకు వారితో నేరుగా ఎలాంటి పరిచయం ఉండేది కాదు. కానీ సోషల్ మీడియా జోరు పెరిగిన తర్వాత సెలబ్రెటీలంతా ఎప్పటికప్పుడు ఫ్యాన్స్ కి టచ్ లోనే ఉంటున్నారు. ప్రశంసలైనా, విమర్శలైనా నేరుగా ఎదుర్కొంటున్నారు వాటికి సమాధానాలు చెబుతున్నారు. వారి ఫ్యాన్ ఫాలోయింగ్ కి పెద్ద కొలమానం సోషల్ మీడియా ఫాలోవర్స్. ముఖ్యంగా ఇన్స్టాగ్రామ్, ట్విట్టర్ లో ఫాలో అవుతూ వారికి సంబంధించిన రెగ్యులర్ అప్డేట్స్ తెలుసుకోవడానికి ఆసక్తి చూపిస్తూ ఉంటారు. ఎక్కువగా బాలీవుడ్ హీరోయిన్స్ కి సోషల్ మీడియా లో మిలియన్స్ లో ఫాలోవర్స్ ఉంటారు. కానీ సౌత్ హీరోయిన్స్ కూడా తగ్గేదేలే అంటున్నారు. ఆ లిస్టులో ఫస్‌ ప్లేస్ లో ఉంది సమంత. సమంతకి ఇన్స్టాగ్రామ్ లో 28 మిలియన్ ఫాలోవర్స్ ఉన్నారు.
తాజాగా వచ్చిన మోస్ట్ పాపులర్ సెలబ్రిటీల జాబితా ప్రకారం జూన్ నెలలో సోషల్ మీడియా లో మోస్ట్ పాపులర్ యాక్టర్ గా సమంత నిలవడం విశేషం. టాప్ టెన్ హీరోయిన్స్ మొదటి స్థానం లో ఆమె ఉంది. రెండో ప్లేస్ లో అలియాభట్, మూడో స్థానంలో దీపిక, నాలుగో స్థానంలో నయనతార ఉన్నారు. ఐదో స్థానంలో కాజల్ అగర్వాల్ ఉన్నారు. ఈ జాబితా లో సోషల్ మీడియా క్రష్ గా గుర్తింపు తెచ్చుకున్న సౌత్ ఇండియన్ స్టార్ హీరోయిన్ రష్మిక మందన్న 10వ స్థానంలో ఉంది. ఆమెకన్నా ముందు తొమ్మిదో స్థానంలో కీర్తి సురేష్ నిలిచింది. ఈ జాబితాలో టాప్ 10లో ఐదుగురు సౌత్ హీరోయిన్స్, ఐదుగురు నార్త్ హీరోయిన్స్ ఉన్నారు.
విజయ్ దేవరకొండకు జోడి గా ఖుషి సినిమా కంప్లీట్ చేసింది సమంత. ఈ మూవీ సెప్టెంబర్ 1న రిలీజ్ కాబోతోంది. దీంతో పాటు గా హాలీవుడ్ వెబ్ సిరీస్ సిటాడెల్ ఇండియన్ వెర్షన్ లో సమంత మెయిన్ లీడ్ చేస్తోంది. వరుణ్ ధావన్ తో కలసి నటించింది. ఈ రెండు ప్రాజెక్టులు పూర్తికావడంతో సామ్ ఏడాది పాటు బ్రేక్ తీసుకోనున్నట్టు ప్రకటించింది. సమంత సినిమా ప్రాజెక్టులతో పాటూ వ్యక్తిగత జీవితంపైనా ఎప్పటికప్పుడు సోషల్ మీడియాలో డిస్కషన్ జరుగుతుంటుంది. అందుకే సామ్ ఏ చిన్న పోస్ట్ పెట్టినా తెగ వైరల్ అవుతుంటుంది.
