స్మాల్ స్క్రీన్ పై బిగ్గెస్ట్ సక్సెస్ ఫుల్ షోగా పేరుసంపాదించుకుంది బిగ్ బాస్ రియాల్టీ షో. ఎన్ని భాషల్లో వచ్చినా ఆదరణ పెరుగుతోందే కానీ తగ్గలేదు. సీజన్లు గడుస్తున్న కొద్దీ మరింత కొత్తగా ప్రేక్షకులను ఆకట్టుకుంటూ సాగిపోతోంది. తెలుగులో ఇప్పటికే ఆరు సీజన్లు పూర్తిచేసుకుంది. తాజాగా ఏడో సీజన్లోకి అడుగుపెట్టింది. ఈ సందర్భంగా హోస్ట్, కంటిస్టెంట్స్ పై ఇంట్రెస్టింగ్ డిస్కషన్ జరుగుతోంది.
తెలుగులో మొదటి సీజన్ సూపర్ హిట్టవడంతో వరుసగా ప్లాన్ చేశారు బిగ్ బాస్ నిర్వాహకులు. అయితే మొదటి ఐదు సీజన్లతో పోల్చుకుంటే ఆరో సీజన్ కి మాత్రం నెగిటివ్ టాక్ వచ్చింది. అస్సలు పరిచయం లేని కంటిస్టెంట్స్ ఉన్నారని, అరుపులు కేకలు గోల తప్ప ఆట లేదని నెటిజన్లు ఏకిపడేశారు. దీంతో ఏడో సీజన్ ని కొత్తగా ప్లాన్ చేయాలని డిసైడ్ అయ్యారట బిగ్ బాస్ నిర్వాహకులు. కాస్త రెమ్యునరేషన్ ఎక్కువైనా కానీ క్రేజ్ ఉన్న వాళ్లని తీసుకుని రావాలని ఫిక్సయ్యారట. ఈ పాటికే షో ప్రారంభం కావాల్సి ఉన్నా ఈ కారణంగానే లేట్ అవుతోందని టాక్.
బిగ్ బాస్ సీజన్ 7 కంటిస్టెంట్స్ లిస్ట్
ఈ మధ్య పెళ్లిచేసుకున్న స్మాల్ స్క్రీన్ జోడీ అమర్ దీప్ చౌదరి తన భార్య తేజస్విని గౌడతో కలసి జంటగా హౌజ్ లో అడుగుపెట్టబోతున్నాడట. ఇక మిగిలిన కంటిస్టెంట్స్ లిస్టు చూస్తే…మహేష్ బాబు కాళిదాసు, సిద్దార్థ్ వర్, యాంకర్స్ దీపిక పిల్లి( Deepika Pilli ) రష్మీ,( Rashmi ) విష్ణు ప్రియ( Vishnu Priya) పేర్లు వినిపిస్తున్నాయి. సింగర్స్ విషయానికొస్తే మంగ్లీ, హేమచంద్ర, బుల్లెట్ బండి ఫేమ్ మోహన భోగరాజు, సాకేత్ కొమండూరి బిగ్ బాస్ హౌజ్ లో అడుగుపెట్టబోతున్నారని టాక్. వీళ్లతో పాటూ యూట్యూబర్ నిఖిల్ విజయేంద్ర సిన్హా, సీరియల్ హీరోయిన్స్ ఐశ్వర్య, శోభా శెట్టి, మిత్రా శర్మ, ఈటీవీ ప్రభాకర్, కొరియోగ్రాఫర్ పండు, జబర్దస్త్ అప్పారావు, న్యూ రీడర్ ప్రత్యూష, మోడల్ సాయి రోనాక్, నోయల్ మాజీ భార్య ఎస్తేర్, కామన్ మ్యాన్ క్యాటగిరిలో పల్లవి ప్రశాంత్ కంటిస్టెంట్స్ గా రాబోతున్నారట.
సీజన్ 7 కి రానా హోస్ట్
బిగ్ బాస్ మొదటి సీజన్ కి ఎన్టీఆర్, రెండో సీజన్ కి నాని హోస్టుగా వ్యవహరించారు. ఆ తర్వాత మూడు, నాలుగు, ఐదు, ఆరు వరుసగా నాలుగు షోస్ కి నాగార్జున హోస్ట్. ఏడో సీజన్ కోసం రానాని తీసుకొచ్చేందుకు ప్లాన్ చేస్తున్నారట నిర్వాహకులు. ఈ విషయంపై క్లారిటీ రావాల్సి ఉంది. ప్రతిసారీ బిగ్ బాస్ షో ప్రారంభానికి ముందు రకరకాల పేర్లు వినిపిస్తుంటాయి, ఎవరికి వారే ఇదే లిస్టు అంటూ సోషల్ మీడియాలో వదులుతుంటారు. మరి ఈ సారి సోషల్ మీడియాలో వైరల్ అవుతున్న జాబితాలో ఎంతమంది హౌజ్ లోకి అడుగుపెడతారో చూద్దాం..
