శంకర్ లాంటి దర్శకుడితో తమ అభిమాన హీరో సినిమా చేస్తున్నాడని సంతోషపడాలో ఎప్పుటికి షూటింగ్ పూర్తవుతుందో ఎప్పుడు రిలీజ్ చేస్తాడో తెలియక నిరాశపడాలో అర్థంకాని స్థితిలో ఉన్నారు రామ్ చరణ్ ఫ్యాన్స్. మరీ ముఖ్యంగా యంగ్ టైగర్ NTR తో కంపేర్ చేసుకుని మరింత బాధపడిపోతున్నారు…
మెగాపవర్ రామ్ చరణ్ ‘RRR’ తర్వాత చేసున్న క్రేజీ ప్రాజెక్ట్ ‘గేమ్ ఛేంజర్’. RRR తర్వాత ‘ఆచార్య’లో మెరిసినా మెజార్టీ హైప్ చిరంజీవికే దక్కింది. దీంతో అభిమానులు చరణ్ మూవీ కోసం ఈగర్ గా వెయిట్ చేస్తున్నారు. సెన్సేషన్ డైరెక్టర్ శంకర్ తో సినిమా అనగానే ఫ్యాన్స్ సంబరపడిపోయారు. పాన్ ఇండియా రేంజ్ లో బాక్సాఫీస్ రికార్డులు క్రియేట్ చేస్తామని ఫిక్సైపోయారు. కానీ వీళ్ల ఆనందానికి తగ్గట్టుగా అక్కడ పరిస్థితి లేకపోవడంతో నిరాశ పడుతున్నారు. అప్పుడేప్పుడో చరణ్ బర్త్ డే కి ఫస్ట్ లుక్ , టైటిల్ గ్లింప్స్ ను అనౌన్స్ చేశారు కానీ మరే సర్ ప్రైజ్ లేదు. గేమ్ ఛేంజర్ లో చరణ్ డబుల్ యాక్షన్ అనే వార్తలొచ్చాయి కనీసం ఆ లుక్ ఎలా ఉండబోతోందో కూడా రిలీజ్ చేయలేదు. రోజురోజుకీ సినిమాపై అంచనాలు పెరుగుతున్నాయే కానీ మేకర్స్ నుంచి ఎలాంటి కదలికా లేదని నిరాశచెందుతున్నారు చరణ్ అభిమానులు. వీటికి తోడు మరో టెన్షన్ యంగ్ టైగర్..
భీముడు జోరుమీదున్నాడు రాముడి సంగతేంటి!
యంగ్ టైగర్ ఎన్టీఆర్ ‘దేవర’ అంటూ దూసుకువస్తున్నాడు. ఫస్ట్ లుక్ పోస్టర్ తో సునామీ సృష్టించాడు. ఈ మూవీ తర్వాత బాలీవుడ్ లో వార్ 2 కి డేట్స్ ఇచ్చాడు. ఆ తర్వాత ప్రశాంత్ నీల్ తో మూవీ, వీటి తర్వాత త్రివిక్రమ్ లైన్లో ఉన్నాడు. అంటే వరుసగా నాలుగు ప్రాజెక్టులపై క్లారిటీ ఉంది. అవన్నీ సూపర్ హిట్ తెచ్చిపెట్టే సినిమాలే. తారక్ తో పోల్చుకుంటే చరణ్ స్లోగా ఉన్నాడన్నది అభిమానుల బాధ. ఎందుకంటే.. తారక్ కంటే ముందే చరణ్ వరుస ప్రాజెక్టులు ప్రకటించి షూటింగ్స్ లో పాల్గొన్నాడు. కానీ ఒక్క గేమ్ ఛేంజర్ , బుచ్చిబాబు తప్ప మరో అనౌన్స్ మెంట్ లేదు. పైగా గేమ్ ఛేంజర్ పై ఎలాంటి బజ్ క్రియేట్ కాకపోవడంతో మరింత టెన్షన్ పడుతున్నారు. శంకర్… గేమ్ ఛేంజర్ కన్నా ఇండియన్ 2 పై నే ఎక్కువ ఫోకస్ పెడుతున్నాడని గుర్రుగా ఉన్నారు. ఇప్పటికైనా చెర్రీ మూవీపై వరుస అప్ డేట్స్ ఇస్తేకానీ సినిమాపై ఓ బజ్ క్రియేట్ కాదన్నది మెగా అభిమానుల ఫీలింగ్. మరి గేమ్ ఛేంజర్ మూవీ నుంచి రియాక్షన్ వస్తుందేమో చూడాలి.
గేమ్ ఛేంజర్ సినిమాలో కియారా అద్వాని హీరోయన్ గా నటిస్తోంది. తాజాగా అంజలి కూడా కీలకపాత్రలో నటిస్తోందంటూ ఆమె పుట్టినరోజు సందర్భంగా చిత్రబృందం పోస్టర్ విడుదల చేసింది. నల్లరంగు సూట్ దరించి, కళ్ల జోడు పెట్టుకుని, చేతిలో ఫైల్ తో మెట్లు ఎక్కుతున్న పోస్టర్ ఆకట్టుకునేలా ఉంది. అంటే చెర్రీ టీమ్ లో అంజలి కూడా ఓ అధికారి అన్నమాట. భారీ అంచనాల మధ్య తెరకెక్కుతున్న ఈ మూవీకి దిల్ రాజు నిర్మాత.
