‘సలార్’ విషయంలో ఆ క్లారిటీ కోసం ప్రభాస్ ఫ్యాన్స్ వెయిటింగ్!

ఆదిపురుష్ తర్వాత ప్రభాస్ మరో మూవీ సలార్. ఆదిపురుష్ సినిమా టాక్ ఎలా ఉన్నా ప్రభాస్ రేంజ్ ఏంటన్నది మాత్రం మరోసారి ప్రూవ్ అయింది. రామాయణ గాథను తెరపై ఆవిష్కరించడం అంత సులువేం కాదు. గతంలో ఇదే కథతో చాలా సినిమాలొచ్చాయి. అంటే చెప్పిన కథే మళ్లీ మళ్లీ చెప్పడంతో పాటూ దాన్ని కొత్తగా ఎలా ప్రజెంట్ చేయాలన్నది కత్తిమీదసామే. ఓం రౌత్ చేసిన ప్రయత్నానికి మైనస్ మార్కులొచ్చినా ప్రభాస్ కి మాత్రం మంచి పేరే వచ్చింది. రాముడిగా నటించి ప్రభాస్ సాహసమే చేశాడంటున్నారు. ఇక ఆ మూవీ సంగతి పక్కనపెట్టేస్తే యంగ్ రెబల్ స్టార్ తదుపరి ప్రాజెక్ట్ ‘సలార్’ (Salaar Movie)పై చర్చ మొదలైంది. ముఖ్యంగా ఓ విషయంలో ఇప్పటికీ క్లారిటీ ఇవ్వడం లేదంటని అభిమానులు వెయిట్ చేస్తున్నారు.

‘సలార్’ ఒక పార్టా రెండు పార్టులా!
ప్రభాస్-ప్రశాంత్ నీల్ కాంబినేషన్లో వస్తోన్న ‘సలార్’ పై ఫ్యాన్స్ ఫోకస్ ఎక్కువైంది. KGF సినిమాలతో సెన్సేషనల్ హిట్ అందుకున్న ప్రశాంత్ నీల్ అదే ఎలివేషన్స్ ప్రభాస్ కి ఇస్తే మాత్రం బాక్సాఫీస్ బద్దలు అవ్వడం ఖాయం అని ఫిక్సైపోయారు. అయితే సలార్ విషయంలో మేకర్స్ ఇప్పటికీ ఓ క్లారిటీకి వచ్చినట్టు లేరేమో అని డిస్కషన్ జరుగుతోంది. ఎందుకంటే కేజీఎఫ్ సినిమాలా సలార్ ని కూడా రెండు పార్టులు తీస్తారా లేదంటే ఒక భాగంతోనే ఎండ్ కార్డ్ వేస్తారా అన్నది జరుగుతున్న చర్చ. మూవీ యూనిట్ నుంచి వచ్చిన ఇన్ఫర్మేషన్ ప్రకారం ‘సలార్’ రెండు పార్టులుగానే ప్లాన్ చేస్తున్నారని అంటున్నారు. సినిమా నుంచి ఇప్పటివరకు ఒక్క టీజర్ కూడా వదలకపోవడం వల్ల ఈ కన్ ఫ్యూజన్ ఇంకా కొనసాగుతూనే ఉంది. పైగా . సినిమా సెప్టెంబర్ లో రిలీజ్ అంటున్నారు కానీ ఇప్పటివరకూ షూటింగ్ పూర్తిచేయలేదు.

‘ఆదిపురుష్’ లోటు ‘సలార్’ తీరుస్తుందా
ప్రభాస్ అభిమానులు కూడా ఇప్పుడు’సలార్’ (Salaar Movie) పైనే ఆశలు పెట్టుకున్నారు. ‘ఆదిపురుష్’ విడుదలై ఇంకా వారమైనా అవకుండానే అప్పుడేనా అంటే అందుకు కారణం కూడా ఆదిపురుష్ అనే చెప్పాలి. ఈ మూవీ వసూళ్ళ కంటే ఎక్కువగా సోషల్ మీడియాలో వస్తున్న ట్రోల్స్ రెబల్ స్టార్ అభిమానులను బాధపెడుతున్నాయి. అందుకే విమర్శకులకు, సోషల్ మీడియాలో ట్రోలింగ్స్ కు సమాధానం చెప్పాలంటే సలార్ రావాలంటున్నారు.

సెప్టెంబర్ 28న ‘సలార్'(Salaar Movie Release Date)
సెప్టెంబర్ 28న ‘సలార్’ ప్రపంచ వ్యాప్తంగా థియేటర్లలో సందడి చేయనుంది. ఈ సినిమాలో ప్రభాస్ సరసన శృతి హాసన్ హీరోయిన్. మన్నార్ పాత్రలో మలయాళ కథానాయకుడు పృథ్వీరాజ్ సుకుమారన్ నటిస్తున్నాడు. జ‌గ‌ప‌తి బాబు, ఈశ్వ‌రీ రావు, శ్రియా రెడ్డి ఇత‌ర పాత్ర‌ల్లో న‌టిస్తున్నారు. విజయ్ కిరగందూర్ నిర్మాత. సలార్ కాకుండా ప్రభాస్ చేతిలో ఇంకా మూడు ప్రాజెక్టులున్నాయి. ‘ మారుతి దర్శకత్వంలో ఓ హారర్ కామెడీ , నాగ్ అశ్విన్ దర్శకత్వంలో సైన్స్ ఫిక్షన్ సినిమా, ‘అర్జున్ రెడ్డి’ ఫేమ్ సందీప్ రెడ్డి వంగా దర్శకత్వంలో ‘స్పిరిట్’. మరి ప్రభాస్ అభిమానులు ఆశిస్తున్నట్టు ‘సలార్’ పెద్ద ట్రీట్ ఇస్తుందేమో చూడాలి.