ఓ వైపు వారాహి యాత్ర మరోవైపు సినిమా షూటింగులను జాగ్రత్తగా ప్లాన్ చేసుకుంటున్నారు పవన్ కళ్యాణ్. పదిరోజుల పాటు జరిగే ఈ యాత్ర తర్వాత కొంత గ్యాప్ ఇచ్చి OG షూటింగ్ లో పాల్గొని మళ్లీ యాత్ర కొనసాగిస్తారట. OG సినిమాకు సంబంధించి మరో కీలక అప్ డేట్ వచ్చింది
OG లో ఇమ్రాన్
పవన్ కళ్యాణ్ OG సినిమా ప్రకటించినప్పటి నుంచీ తరచూ ఓదో ఒక అప్ డేట్ వస్తూనే ఉంది. ఇటీవలే కోలీవుడ్ క్రేజీ యాక్టర్ అర్జున్ దాస్‌ను కీలక పాత్రకు ఎంపిక చేశారు. తమిళ్ హీరో విశాల్ వదిన శ్రియా రెడ్డి కూడా ఇందులో నటిస్తోంది. ప్రకాశ్ రాజ్ కూడా షూటింద్ లో భాగమయ్యాడు. తాజాగా వచ్చిన అప్ డేట్ ఏంటంటే బాలీవుడ్ రొమాంటిక్ హీరో ఇమ్రాన్ హష్మి ‘ఓజీ’ సినిమాలో విలన్ గా ఫైనలయ్యాడు. ప్రస్తుతం సల్మాన్ ఖాన్ నటిస్తున్న ‘టైగర్ 3’లో విలన్‌గా నటిస్తున్నాడు…ఈ మూవీ షూటింగ్ పూర్తవగానే పవన్ మూవీలో ప్రతినాయకుడిగా షూటింగ్ లోకి ఎంట్రీ ఇవ్వనున్నాడు. ఈ విషయాన్ని ట్విట్టర్ ద్వారా ఖరారు చేశారు… అలాగే ఓజీలోని స్టిల్ తో ఆతన పోస్టర్ కూడా రిలీజ్ చేయడం విశేషం.
విడుదల ఎప్పుడంటే
ఇప్పటికే రెండు షెడ్యూళ్లు పూర్తి చేసుకుని, మూడో షెడ్యూల్ కూడా శరవేగంగా సాగుతోంది. మాఫియా బ్యాక్‌డ్రాప్‌లో సాగే ఈ సినిమాపై భారీ అంచనాలే ఉన్నాయి. అయితే వారాహి యాత్ర మొదలవడంతో ఓజీ షూటింగ్ కి బ్రేక్ వస్తుందనుకున్నారు. కానీ అలాంటిదేమీ లేదని క్లారిటీ ఇచ్చేసారు దర్శకనిర్మాతలు. వారాహి యాత్ర సాగుతున్న సమయంలో మిగిలిన నటులతో సన్నివేశాలు తెరకెక్కిస్తున్నారు మూవీ టీమ్. ‘సాహో’ ఫేమ్ సుజీత్ (Sujeeth) దర్శకత్వం వహిస్తున్న ఈ మూవీని డీవీవీ ఎంటర్‌టైన్‌మెంట్ పతాకంపై దానయ్య నిర్మిస్తున్నారు. ‘ఆర్ఆర్ఆర్ : రౌద్రం రణం రుధిరం’ తర్వాత ఆయన నిర్మిస్తున్న చిత్రమిది. ఈ సినిమాలో పవన్ సరసన ప్రియాంక ఆరుళ్ మోహన్ నటిస్తోంది. ఈ మూవీ ఈ ఏడాది చివర్లో కానీ వచ్చే ఏడాది ఆరంభంలో కానీ విడుదల కానుంది.
హరిహరవీరమల్లు లోనూ బీటౌన్ విలనే!
పవన్ కళ్యాణ్, క్రిష్‌ల కాంబినేషన్‌లో తెరకెక్కుతున్న ‘హరిహర వీరమల్లు’లో కూడా బాలీవుడ్ హీరోనే విలన్ గా నటిస్తున్నాడు. మొదట ఈ పాత్రలో అర్జున్ రాంపాల్ నటించాల్సింది కానీ షూటింగ్ ఆలస్యం అవుతూ ఉండటంతో ఆయన తప్పుకున్నారు. అర్జున్ రాంపాల్ స్థానంలో బాబీ డియోల్ వచ్చి చేరాడు. మొఘల్ చక్రవర్తి ఔరంగజేబు పాత్రలో బాబీ డియోల్ కనిపించనున్నాడు. గతంలో అత్తారింటికి దారేదిలోనూ తాతయ్యగా బొమన్ ఇరానీ నటించాడు. మొత్తానికి తన సినిమాల్లో వరుసగా బీటౌన్ నటులకు ఛాన్సులిస్తున్నాడు పవన్ కళ్యాణ్.
