కెరీర్ ని కూల్ గా ప్లాన్ చేసుకుంటూ వెళ్లిపోతోంది సమంత. ఆ మధ్య మయోసైటిస్ తో బాధపడింది, వ్యక్తిగత జీవితంలో కొన్ని ఒడిదొడుకులు ఎదుర్కొంది. కానీ వాటి ప్రభావం తన కెరీర్ పై పడకుండా దూసుకెళ్లిపోతోంది.ప్రస్తుతం సమతం ‘సిటాడెల్’ వెబ్ సిరీస్ లో నటిస్తోంది. అందుకోసం ఆమె తీసుకుంటున్న రెమ్యునరేషన్ విషయంపై చర్చ జరుగుతోంది.
రూ.10 కోట్లు డిమాండ్ చేస్తోన్న సామ్
భారీ అంచనాల మధ్య తెరకెక్కుతున్న సిటాడెల్ సిరీస్ లో వరుణ్ ధావన్ తో కలసి సమంత నటిస్తోంది. ఈ సిరీస్ యాక్షన్‌ సీన్స్ కోసం ఆమె చాలా కష్టపడుతోంది. దానికి సంబంధించిన ఫోటోలు, వీడియోలు సమంత తన సోషల్ మీడియా ఖాతాలో తరచుగా షేర్ చేస్తోంది. వాటిని చూసిన ఆమె ఫ్యాన్స్ సమంత ఎంతగానో కష్టపడుతోంది అని కామెంట్స్ పెడుతున్నారు. అందుకే సమంత ఈ సిరీస్ కోసం రెమ్యూనరేషన్ ను కూడా భారీగానే తీసుకున్నట్లుగా టాక్. మొన్నటి వరకూ సినిమాకు నాలుగైదు కోట్లు తీసుకునే సమంత ఇప్పుడు సిటాడెల్ సిరీస్ కి 10 కోట్లు తీసుకుంటోందట. పైగా అడిగినంత ఇస్తేనే ఫ్యూచర్ ప్రాజెక్టులపై సైన్ చేస్తానని స్ట్రాంగ్ గా చెప్పేస్తోందట. ఎందుకంటే సమంతకు నేషనల్ వైడ్ గా భారీ క్రేజ్ ఉంది. సౌత్ తో పాటూ నార్త్ లోనూ మంచి మార్కెట్ ఉంది.
ఫ్యామిలీ మ్యాన్ సిరీస్ ఇచ్చిన సక్సెస్ జోరు
గతంలో రాజ్, డికెతో కలిసి ‘ది ఫ్యామిలీ మ్యాన్’ సిరీస్ లో నటించింది. ఇది భారీ విజయం సాధించింది. ఆమె నటించిన మెుదటి వెబ్ సిరీస్ భారీగా హిట్ కావడంతో ‘సిటాడెల్’ పారితోషికం పెంచినట్లు సమాచారం. సమంత ఈ సిరీస్ షూటింగ్ కోసం సెర్బియా వెళ్లింది. సెర్బియా పర్యటనలో ఉన్న రాష్ట్రపతిని మర్యాదపూర్వకంగా కలసిన ఫొటోస్ కూడా షేర్ చేశారు. ఆ తర్వాత సెర్బియాలోని ఓ క్లబ్‌లో కనిపించారు. ‘ఊ అంటావా మావా ఊఊ అంటావా’ అనే సూపర్ హిట్ పాటకు డ్యాన్స్ చేశారు. సోషల్ మీడియాలో హోరెత్తిపోయిన ఆ వీడియోపై విభిన్నమైన కామెంట్స్ వచ్చాయ్. మొన్నటి వరకూ ఆరోగ్యం బాలేదంటూ ప్రెస్ ముందు కన్నీళ్లు కార్చి ఇప్పుడేమో బీర్ బాటిల్ చేత్తో పట్టుకుని పబ్బులో చిందులేయడానికి హెల్త్ సహకరిస్తోందా అంటూ క్వశ్చన్ చేస్తున్నారు. యశోద, శాకుంతలం సమయంలో బాగా నీరసంగా ఉన్నట్లు ఏడుస్తూ మాట్లాడింది అదంతా ఇప్పుడు ఏమయ్యిందంటున్నారు. మళ్లీ ఖుషీ ప్రమోషన్స్ లో కూడా ఇదే డ్రామాను ప్లే చేయకుండా ఉంటే బావుండును అని ఇంకొంతమంది పోస్టులు పెట్టారు. తెలుగులో త్వరలో ఖుషి మూవీతో రాబోతోంది సామ్. ఇందులో విజయ్ దేవరకొండ హీరో. మొత్తానికి సామ్ జోరు ఓ రేంజ్ లో ఉంది.
