ప్రభాస్-ప్రశాంత్ నీల్ కాంబినేషన్లో తెరకెక్కుతోన్న ‘సలార్’ కోసం అభిమానులు ఆతృతగా వెయిట్ చేస్తున్నారు. ‘కేజీఎఫ్’ తర్వాత ప్రశాంత్ నీల్ తెరకెక్కిస్తోన్న పాన్ ఇండియా మూవీ కావడంతో ఈ సినిమాపై అంచనాలు ఓ రేంజ్ లో ఉన్నాయి. హోంబలే ఫిల్మ్స్ నిర్మాణ బాధత్యలు చేపడుతోన్న ఈ సినిమాను సెప్టెంబర్ 28న విడుదల చేస్తున్నట్లు ఎప్పుడో ప్రకటించేశారు. ఈ సినిమాకు సంబంధించి ఇంట్రస్టింగ్ అప్ డేట్ ఏంటంటే సలార్ లో పవర్ ఫుల్ క్యారెక్టర్ కోసం విశాల్ మూవీ విలన్ ని ఫైనల్ చేశారు..
ప్రభాస్ మూవీలో ‘పొగరు’ శ్రియారెడ్డి
సలార్ సినిమాలో పవర్ ఫుల్ లేడీ క్యారెక్టర్లో శ్రియారెడ్డి నటించబోతోంది. విశాల్ ‘పొగరు’ సినిమా చూసిన వారికి శ్రియా రెడ్డి యాక్టింగ్ గురించి ప్రత్యేకంగా చెప్పాల్సిన అవసరం లేదు. ఆ సినిమాలో విశాల్ ను పెళ్లిచేసుకోవాలని ఆశపడిన అమ్మాయిగా..ఆ తర్వాత పగతీర్చుకునే క్యారెక్టర్లో అదరగొట్టేసింది. కొన్ని సీన్స్ లో స్క్రీన్ పై శ్రియారెడ్డి తప్ప పక్కనున్న ఏ పాత్రవైపూ చూపు తిరగదు. ఆ సినిమాలో మొదటి ప్లస్ పాయింట్ విలన్ గా శ్రియారెడ్డి నటనే అని చెప్పాలి. చాలా కాలంగా సినిమాల కు దూరంగా ఉంటున్న ఆమె ఇమె ఇప్పుడు సలార్ లో నటిస్తోంది. ఈ విషయం నేరుగా ఆమె తన సోషల్ మీడియా అకౌంట్లో పోస్ట్ చేసింది. ‘సలార్’ లో ఓ క్యారెక్టర్ కి శ్రియా రెడ్డి అయితేనే బాగా సరిపోతుందని ప్రశాంత్ నీల్ భావించాడట. వెంటనే ఆమెను సంప్రదించడంతో ఆమె అంగీకరించింది. ఈ మేరకు డైరెక్టర్ ప్రశాంత్ నీల్, డీఓపీ భువన్ తో కలిసి దిగిన ఫోటోని షేర్ చేసింది. ఈ ప్రాజెక్టులో భాగమైనందుకు సంతోషంగా ఉందని కూడా పోస్ట్ పెట్టింది. నటనపరంగా అస్సలు తగ్గని శ్రియారెడ్డికి ప్రశాంత్ నీల్ ఏదో పవర్ ఫుల్ పాత్ర ఇచ్చి ఉంచాడనే ప్రచారం జరుగుతోంది.
కేజీఎఫ్ ను మించి సలార్!
ఈ సినిమాలో ప్రభాస్ సరసన శ్రుతిహాసన్ హీరోయిన్ గా నటిస్తోంది. ‘కేజీఎఫ్ ‘ మూవీ ఇండియన్ ఫిల్మ్ ఇండస్ట్రీలో ఎంత సంచలనాలు క్రియేట్ చేసిందో దానికి పది రెట్లు ఎక్కువగా సలార్ ఉంటుందని చెబుతోంది శ్రుతిహాసన్. “కేజీఎఫ్ 2లో మరిచిపోయిన ఓ తండ్రికి కూడా ఓ పాత్ర కల్పించడం నచ్చిందన్న శ్రుతి.. అందరికీ కనెక్ట్ అయ్యేలా ప్రశాంత్ నీల్ ఓ అద్భుత ప్రపంచాన్ని క్రియేట్ చేయగలడని కొనియాడింది.
జూన్ లో ‘సలార్’ టీజర్
‘సలార్’ టీజర్‌ను జూన్ 16న రిలీజవుతున్న ‘ఆదిపురుష్‌’ థియేటర్లలో స్క్రీనింగ్‌ చేసేందుకు ప్లాన్‌ చేస్తున్నట్లు తెలుస్తోంది. ఇప్పటికే చిత్రబృందం టీజర్‌ను కట్‌ చేసే పనిలో పడ్డారట. ‘కేజీఎఫ్-2’ వంటి భారీ హిట్ తర్వాత ప్రశాంత్ తెరకెక్కిస్తున్న సినిమా కావడంతో ప్రభాస్ అభిమానులంతా ఈ సినిమాపై భారీ అంచ‌నాల‌ను పెట్టుకున్నారు. షూటింగ్‌ ప్రారంభై నెల‌లు గుడుస్తున్నా ఈ చిత్రానికి సంబంధించిన అప‌డేట్‌లు మాత్రం రావ‌డంలేదు. ఈ విష‌యంలో డిస్సప్పాయింట్ అయిన డార్లింగ్ అభిమానులు…త్వరలో టీజర్ రిలీజ్ అన్న మాట తెలిసి ఖుషీ అవుతున్నారు.
