అల్లు అర్జున్-త్రివిక్రమ్ కాంబినేషన్లో వచ్చిన ‘జులాయి’, ‘సన్నాఫ్ సత్యమూర్తి’, ‘ అలవైంకుంఠపురంలో’ అదుర్స్ అనిపించాయి. ‘అలవైకుంఠ‌పుర‌ంలో’ సినిమా ఇండ‌స్ట్రీ రికార్డుల‌ను తిర‌గ‌రాసింది. తాజాగా వీరిద్దరి కాంబినేషన్లో నాలుగో సినిమా రాబోతోందని తెలిసి బన్నీ ఫ్యాన్స్ ఆనందానికి అవధుల్లేవ్…
ప్రస్తుతం అల్లు అర్జున్…లెక్కలమాస్టారు సుకుమార్ తో పుష్ప 2 లో బిజీగా ఉన్నాడు. పుష్ప పార్ట్ 1 విడుదలైన రోజు డివైడ్ టాక్ వచ్చినా ఆ
తర్వాత వచ్చిన క్రేజ్ అంతా ఇంతా కాదు. బన్నీ లుక్, నటన, టేకింగ్ అన్నీ మాస్ ఆడియన్స్ ని పిచ్చెక్కించేశాయి. దీంతో పుష్ప పార్ట్ 2 పై భారీ అంచనాలున్నాయి. ఇప్పటికే విడుదలైన టీజర్, పోస్టర్స్ కూడా అంచనాలను మించి ఉన్నాయి. పుష్ప -2 డిసెంబ‌ర్‌లో విడుదలకానుందని టాక్. బన్నీ చేయబోయే ప్రాజెక్ట్ ఏంటనే చర్చ జరుగుతోన్న టైమ్ లో బ్లాక్ బస్టర్ కాంబినేషన్ మరోసారి అనే వార్తలొచ్చాయి. గతంలో మూడు హిట్స్ అందించిన త్రివిక్రమ్ తో కలసి అల్లు అర్జున్ పాన్ ఇండియా సినిమా చేయబోతున్నాడు.
‘పుష్ప 2’ తర్వాత త్రివిక్రమ్ కి డేట్స్
పుష్ప సినిమాతో వచ్చిన క్రేజ్ తో బాలీవుడ్ దర్శకుడు సైతం అల్లు అర్జున్ తో సినిమాలు తీసేందుకు ఆసక్తి చూపిస్తున్నారు. ‘ఇమ్మోర్టల్ అశ్వథ్థామ’లో హీరోగా నటించమని సంప్రదించారు కానీ దీనిపై ఏ విషయం ఇంకా క్లారిటీ లేదు. ‘పుష్ప 2’ తర్వాత స్పీడ్ పెంచాలని డిసైడ్ అయిన బన్నీ…బాలీవుడ్ మూవీతో పాటూ త్రివిక్రమ్ కి డేట్స్ కేటాయించనున్నాడని టాక్. పైగా ‘పుష్ప’ సినిమాతో హిందీలో అల్లు అర్జున్ మార్కెట్ పెరిగడంతో…త్రివిక్రమ్ దర్శకత్వంలో చేయబోయే సినిమాను పాన్ ఇండియా మార్కెట్టును టార్గెట్ చేయాలని డిసైడ్ అయ్యారట. అందుకీ తగ్గట్టుగా స్క్రిప్ట్ వర్క్ నడుస్తోందని టాక్.
మహేశ్ తో బిజీగా ఉన్న గురూజీ
ప్రస్తుతం సూపర్ స్టార్ మహేష్ బాబు తో తెరకెక్కిస్తున్న సినిమాతో బీజీగా ఉన్నాడు త్రివిక్రమ్. ఈ సినిమాలో పూజా హెగ్డే, శ్రీ లీల హీరోయిన్స్ గా నటిస్తున్నారు. ఈ మూవీ ఆగిపోయిందంటూ ఆ మధ్య ప్రచారాలొచ్చినా అదేం లేదని క్లారిటీ ఇస్తూ షూటింగ్ శరవేగంగా జరుగుతోంది. వచ్చే ఏడాది సంక్రాంతి కానుకగా ఈ మూవీ థియేటర్లలో సందడి చేయనుంది.
అఫీషియల్ గా ప్రకటించిన బన్నీవాస్
బన్నీ-త్రివిక్రమ్ కాంబినేషన్లో మూవీ విషయం నిర్మాత బన్నీవాస్ ప్రకటించాడు. ‘2018’ మూవీ ప్ర‌మోష‌న్స్‌లో భాగంగా ఇచ్చిన ఓ ఇంట‌ర్శ్యూలో అల్లు అర్జున్, త్రివిక్రమ్ సినిమా గురించి కామెంట్స్ చేశాడు. ‘పుష్ప-2’ షూటింగ్ పూర్త‌యిన వెంట‌నే బన్నీ, త్రివిక్రమ్ మూవీ సెట్స్‌పైకి వెళుతుంద‌ని, 2024లో ఈ సినిమా రెగ్యుల‌ర్ షూటింగ్ మొద‌ల‌వుతుంద‌ని బన్నీవాస్ చెప్పాడు. ఈ సినిమాను గీతా ఆర్ట్స్‌తో క‌లిసి సితార ఎంట‌ర్‌టైన్‌మెంట్స్ నిర్మించ‌బోతున్న‌ట్లు వెల్లడించాడు.
