ఇండస్ట్రీలో ఒక్కో దశాబ్ధంలో ముగ్గురు నలుగురు హీరోయిన్ల ట్రెండ్ నడుస్తుంటుంది….
భానుమతి-సావిత్రి-జమున
మంజుల-వాణిశ్రీ-శారద
శ్రీదేవి-జయసుధ-జయప్రద
రాధ-విజయశాంతి-సుహాసిని
రోజా-రంభ-మీన-సౌందర్య-రమ్యకృష్మ-నగ్మా
త్రిష-శ్రియ-జెనీలియా-కాజల్-నయన్
ప్రస్తుతం రష్మిక-పూజా-సమంత-కీర్తిసురేష్
ఈ లిస్టులో చాలమంది ఉండొచ్చు కానీ వీళ్లంతా ఆయా దశాబ్ధాల్లో ఓ వెలుగు వెలిగారు..కొందరు ఇప్పటికీ వెలుగుతూనే ఉన్నారు. మరి ఇప్పుడిప్పుడే వస్తోన్న హీరోయిన్నలో ఈ ప్లేస్ లను రీప్లేస్ చేసిది ఎవరు…ఆ ఛాన్స్ ఎవరికి ఉందని ఆలోచిస్తే..నలుగురు ముద్దుగుమ్మలు పోటీపడుతున్నారనే చెప్పాలి. వాళ్లే మృణాల్ ఠాకూర్, సంయుక్తా మీనన్, మాళవికా మోహనన్, ప్రియాంక అరుల్ మోహన్. ఈ నలుగురు టాలీవుడ్ లో మోస్ట్ వాంటెడ్ బ్యూటీలుగా మారుతున్నారు.
మృణాల్ ఠాకూర్
సీతారామం ఒక్క సినిమాతో మృణాల్ కి మంచి పేరొచ్చింది. కొత్త అవకాశాలు క్యూ కట్టినా సెలక్టివ్ గా వెళ్తోంది. ప్రస్తుతం నాని 30వ సినమాలో నటిస్తోంది
సీనియర్ హీరోలకు కూడా మృణాల్ ఠాకూర్ మంచి చాయిస్
సంయుక్తా మీనన్
ప్రస్తుతం టాలీవుడ్ గోల్డెన్ లెగ్ బ్యూటీ ఎవరంటే సంయుక్త మీనన్. వరుస అవకాశాలు దక్కించుకోవడమే కాదు వరుస విజయాలు అందుకుంటూ లక్కీ హీరోయిన్ గా మారింది. తెలుగులో ఎంట్రీ ఇచ్చిన భీమ్లానాయక్ బ్లాక్ బస్టర్ హిట్. ఆ తర్వాత నటించిన బింబిసార మంచి విజయాన్నిచ్చింది, ధనుష్ తో చేసిన సార్ హిట్టైంది..రీసెంట్ గా వచ్చిన విరూపాక్ష మెప్పించింది. మహేశ్-త్రివిక్రమ్ సినిమాలో సినిమాలో నటిస్తోంది, ఆ తర్వాత అల్లు అర్జున్ మూవలోనూ నటించబోతోందని టాక్..
మాళవికా మోహనన్
తమిళ చిత్రాలతో మాళవిక మోహనన్ మంచి గుర్తింపు తెచ్చుకుంది. ముఖ్యంగా తమిళ స్టార్ విజయ్ దళపతి సరసన ‘మాస్టర్’ మూవీ బ్రేక్ ఇచ్చింది. ఈ ప్రస్తుతం చియాన్ విక్రమ్ తో కలసి ‘తంగలాన్’లో నటిస్తోంది. టాలీవుడ్ లో నేరుగా నటిస్తోన్న తొలి సినిమాకే ప్రభాస్ తో ఛాన్స్ కొట్టేసింది. ప్రభాస్-మారుతి కాంబినేషన్లో తెరకెక్కుతోన్న సినిమాలో మాళవిక నటిస్తోంది. ఈ మూవీ హిట్టేతే మాళవిక జోరు మాములుగా ఉండదు.
ప్రియాంక మోహన్
నానితో కలసి గ్యాంగ్ లీడర్ సినిమాలో నటించిన ప్రియాంక మోహన్..ఆ తర్వాత శ్రీకారం సినిమాలో మెరిసింది. తమిళంలోనూ నటించింది. ఆ సినిమాల రిజల్ట్ ఎలా ఉన్నా ప్రియాంకకు పెద్దగా కలిసొచ్చిందేమీ లేదు. అయితే తాజాగా పవన్ కళ్యాణ్ ‘ఓజీ’లో ఛాన్స్ కొట్టేసింది. ఈ సినిమాతో అమ్మడి లక్కు మారేట్టే ఉంది..
మృణాళ్, ప్రియాంక, సంయుక్త, మాళవిక..ఈ నలుగురూ ప్రస్తుతం పోటాపోటీగా క్రేజీ ప్రాజెక్టులు చేస్తున్నారు. మరి టాలీవుడ్ స్టార్ హీరోయిన్ స్టేటస్ ఎవరు దక్కించుకుంటారో తెలియాలంటే వాళ్లు నటిస్తున్న తాజా సినిమాల రిజల్ట్ పై ఆధారపడిఉంటుంది.
