తొలి సినిమా ‘ఏం మాయ చేసావే’తో తిరుగులేని హిట్టందుకుంది. ఆ తర్వాత నటించిన ప్రతి సినిమా సూపర్ హిట్టవడంతో తక్కువ టైమ్ లోనే స్టార్ హీరోయిన్ స్టేటస్ అందుకుంది. ఓ టైమ్ లో టైమ్ చూసుకునేంత టైమ్ లేనంత బిజీగా ఉండేది. ఇప్పుడు కూడా బిజీగానే ఉంది కానీ ఈ మధ్య సామ్ సినిమాలు ఆశించిన స్థాయిలో విజయాన్నిందించడం లేదు. ‘యశోద’ అంతగా మెప్పించలేదు..’శాకుంతలం’ సంగతి సరేసరి. పైగా చైతూతో విడాకుల తర్వాత నుంచి సమంతకి సరైన సక్సెస్ రాలేదంటూ ట్రోల్స్ నడుస్తున్నాయి..ఇలాంటి టైమ్ లో తాజాగా ఒప్పుకున్న ఓ ప్రాజెక్ట్ మరిన్ని చర్చలకు అవకాశం ఇచ్చింది..
టిల్లుగాడితో సామ్
పుష్ప సినిమాలో ఐటెమ్ సాంగ్ చేసిన సమంతకి…సాంగ్ హిట్ అయినా సమంతకి బ్యాడ్ నేమ్ వచ్చింది..ఇదంతా అవసరమా అని ట్రోల్ చేశారు. ఆ తర్వాత యశోద మెప్పించకపోవడం శాకుంతలం ఫ్లాప్ తో మొత్తం రివర్సైంది. తాజాగా… తన క్రేజ్ కి ఏమాత్రం సరిపోని హీరోతో నటించేందుకు గ్రీన్ సిగ్నల్ ఇచ్చింది. విజయ్ దేవరకొండ తో ‘ఖుషి’ లో నటిస్తున్నందుకే..మా హీరో పక్కన ఆంటీనా అన్నారు… ఇప్పుడు సిద్ధు జొన్నలగడ్డ తో నటించేందుకు ఓకే చెప్పడంతో ఈ ట్రోల్స్ మరింత పెరిగాయి. రామ్ తాళ్లూరి నిర్మిస్తోన్న ఈ సినిమాకు నందినీరెడ్డి దర్శకత్వం వహించనుంది. సమంత-నందిని ఇద్దరూ మంచి ఫ్రెండ్. ఇప్పటికే సమంత నందిని దర్శకత్వంలో జబర్ధస్త్, ఓ బేబీ సినిమాల్లో నటించింది. వీళ్లిద్దరి కాంబినేషన్లో ముచ్చటగా మూడో సినిమా అవుతుంది.
సిద్ధుని తక్కువ చేయడం కాదుకానీ..
ప్రస్తుతం వరుణ్ ధావన్ తో కలసి ‘సిటడెల్’ వెబ్ సిరీస్‌ చేస్తోంది సమంత..ఈ షూటింగ్ పూర్తైన తర్వాత సిద్ధూ మూవీకి డేట్స్ కేటాయించనుందట. డీజే టిల్లు హీరోతో సమంత సినిమా అంగీకరించడంతో సోషల్ మీడియాలో డిఫరెంట్ డిస్కషన్ జరుగుతోంది. ఛాన్సులు లేక ఇలాంటి నిర్ణయం తీసుకుంటోందా, యంగ్ హీరోలతో నటించాలనే ఉద్దేశంతో ఇలాంటి ప్రాజెక్టులకు సైన్ చేస్తోందా అనుకుంటున్నారు. సిద్ధూని తక్కువచేయడం కాదు, సమంతకి మాత్రం ఇది చిన్న అవకాశమే అని చెప్పాలి. పైగా టాలీవుడ్ స్టార్ హీరోలతో నటించింది. ఓ టైమ్ లో సామ్ డేట్స్ కోసం టాలీవుడ్ స్టార్ దర్శకులంతా క్యూ కట్టిన సందర్భాలున్నాయి..ఇప్పటికీ సామ్ క్రేజ్ తక్కువేం లేదు అయినా ఎందుకిలా చేస్తోందో…సామ్ నీకేమైంది అని అడుగుతున్నారు అభిమానులు.
