ప్రస్తుతం టాలీవుడ్ ఇండస్ట్రీలో జోరుమీదున్న బ్యూటీ ఎవరంటే.. శ్రీలీల ఠక్కున చెబుతారు సినీ ప్రియులు. ‘ధమాకా’ ఇచ్చిన కిక్ అలాంటిది మరి. ఇప్పటికే వరుస ప్రాజెక్టులతో బిజీగా ఉన్న శ్రీలీల..తాజాగా మెగా కాంపౌండ్ లోకి అడుగుపెట్టింది.
బాలయ్య మూవీతో పాటూ చిరంజీవి సినిమాలోనూ
బాలకృష్ణ- అనిల్ రావిపూడి కాంబినేషన్లో వస్తోన్న సినిమాలో శ్రీలల నటిస్తోంది. తాజాగా వచ్చిన అప్ డేట్ ఏంటంటే చిరంజీవి – కళ్యాణ్ కృష్ణ కాంబినేషన్లో త్వరలో పట్టాలెక్కబోయే సినిమాలోనూ ఛాన్స్ దక్కించుకుందట శ్రీలీల. ఈ సినిమాలో మరో కీలక పాత్రలో సిద్ధు జొన్నలగడ్డ కనిపిస్తున్నాడని…తనకి జోడీగా శ్రీలల ఫైనల్ అయిందని టాక్. ఇప్పటికే వరుస ప్రాజెక్టులతో బిజీగా ఉన్న ‘ధమాకా’ బ్యూటీ మెగా కాంపౌండ్ లో అడుగుపెట్టిందంటే మరో అరడజను ఆఫర్లు రెడీగా ఉన్నట్టే. హీరోయిన్ గా మాత్రమే నటిస్తానని గిరి గీసుకుని కూర్చోకుండా పాత్ర నచ్చితే గ్రీన్ సిగ్నల్ ఇవ్వడంతో పాటూ పారితోషికం విషయంలోనూ పరిమితంగా ఉండడంతో అంతా శ్రీలీల జపం చేస్తున్నారు.
శ్రీకాంత్ తనయుడు రోషన్ హీరోగా ‘పెళ్లి సందD’ సినిమాతో హీరోయిన్ గా టాలీవుడ్ ఎంట్రీ ఇచ్చిన శ్రీలీల.. రవితేజ తో ‘దమాఖా’లో నటించి సూపర్ హిట్ అందుకుంది.ఈ సినిమాలో శ్రీలీల నటన, డాన్సులకు ఫిదాకానివారు లేరు. దీంతో ఆఫర్లు వెల్లువెత్తుతున్నాయి. అందరి కళ్లూ శ్రీలీల మీదే ఉన్నాయి. ప్రస్తుతం శ్రీలీల చేతిలో 10 సినిమాలు ఉన్నాయి. అన్నీ పెద్ద సినిమాలే…
- జెర్సీ లాంటి సూపర్ హిట్ సినిమా తీసిన గౌతమ్ తిన్ననూరి దర్శకత్వంలో విజయ్ దేవరకొండ హీరోగా సినిమా మొదలైంది. ఈ సినిమాలో హీరోయిన్ గా శ్రీలీల నటిస్తోంది. ఇప్పటికే పూజా కార్యక్రమాలు కూడా పూర్తయ్యాయి
- త్రివిక్రమ్-మహేష్ బాబు కాంబినేషన్ లో వస్తున్న SSMB28లో మహేష్ సరసన కూడా శ్రీలీలా హీరోయిన్ గా నటిస్తోంది. ఇందులో మరో హీరోయిన్ పూజాహెగ్డే
- పవర్ స్టార్ పవన్ కల్యాణ్ ‘ఉస్తాద్ భగత్ సింగ్’. హరీశ్ శంకర్-పీఎస్పీకే కాంబినేషన్ లో వస్తున్న ఈ సినిమాలో శ్రీలీలే హీరోయిన్
- NBK 108…నందమూరి బాలకృష్ణ-అనిల్ రావిపూడి కాంబినేషన్ లో వస్తున్న ఈ సినిమాలో నటిస్తోంది శ్రీలీల
- రామ్ పోతినేని – బోయపాటి శ్రీను మూవీలోనూ శ్రీలీలే హీరోయిన్
- నితిన్ 32 – వక్కంతం వంశీ కాంబినేషన్లో తెరకెక్కుతోన్న ప్రాజెక్టులో శ్రీలీల హీరోయిన్
- ‘అనగనగా ఒకరాజు’… నవీన్ పోలిశెట్టి హీరోగా వస్తున్న ఈ సినిమాలో శ్రీలీలే హీరోయిన్
- ‘ఉప్పెన’, ‘కొండపొలం’ హిట్స్ తర్వాత వైష్ణవ్ నటిస్తోన్న మూవీలో శ్రీ లీలే ఫైనలైంది
- కన్నడ నుంచి వస్తున్న ప్యాన్ ఇండియా సినిమా. హీరోగా గాలి జనార్దన్ రెడ్డి కుమారుడు కిరీటీ రెడ్డి. ఈ సినిమాలోనూ హీరోయిన్ గా శ్రీలీలే నటిస్తోంది
- తాజాగా మెగాస్టార్ మూవీలోనూ ఛాన్సు దక్కించుకుంది
ఈ పది మాత్రమే కాదు…ఇంకా శ్రీలీల కోసం వెయిట్ చేస్తున్న ప్రాజెక్టులు నాలుగైదు ఉన్నాయి. ప్రస్తుతం వరుస షూటింగ్స్ లో పాల్గొంటోంది శ్రీలీల. ఆమె కాల్ షీట్స్ కూడా ఖాళీగా లేవు. పది ప్రాజెక్టులతో టైమ్ చూసుకునే టైమ్ లేనంత బిజీగా గడుపుతోంది. ధమాకా ఇచ్చిన కిక్ అలాంటిది మరి..ఈ పది సినిమాల్లో సగం సినిమాలు హిట్ కొట్టినా అమ్మడి జోరుకి ఇప్పట్లో బ్రేకులుపడవు…
