బాబు తేజూ… నువ్వు చాలా మారాలి నాయనా

మెగా కాంపౌండ్ నుంచి వచ్చిన దాదాపు అందరు హీరోలు సక్సెస్ అయ్యారు. జయాపజయాలతో సంబంధం లేకుండా సినిమాలు చేసుకుంటూ పోతున్నారు. వరుణ్, వైష్ణవ్, సాయి ధరమ్ తేజ్ ఇలా అందరూ ప్రస్తుతం ఎవరి సినిమాల్లో వాళ్లు బిజీగా ఉన్నారు. అయితే మిగతా వారి సంగతేమో కానీ మెగా మేనల్లుడు సాయి ధరమ్ తేజ్ కు మాత్రం అర్జెంట్ గా హిట్ కావాలి. అప్పుడెప్పుడో కెరీర్ స్టార్టింగ్ లో ఇచ్చిన హిట్స్ తప్ప మనోడికి చెప్పుకోదగ్గ సినిమాలు లేవు. ఇప్పుడు విరూపాక్షతో ప్రేక్షకుల ముందుకు వస్తున్నాడు. లెక్కల పరంగా ఈ సినిమా టేబుల్ ప్రాఫిట్. పెట్టిన పెట్టుబడి మొత్తం వచ్చేసింది. నిర్మాత డబ్బులకు వచ్చిన ఢోకా ఏం లేదు. కానీ సినిమా హిట్ అనేది హీరో రేంజ్ ని డిసైడ్ చేస్తుంది. సో.. ఇప్పుడు విరూపాక్ష హిట్ పైనే సాయి ధరమ్ తేజ్ ఆశల పెట్టుకున్నాడు.
ప్రమాదం తర్వాత మారిన పరిస్థితి
కెరీర్ స్టార్టింగ్ లో తేజూ చాలా యాక్టివ్ గా ఉండేవాడు. మొదటి సినిమాకే సిక్స్ ప్యాక్ చేసి చూపించాడు. డ్యాన్సుల్లో చాలా ఈజ్ కన్పించేంది. ఆ తర్వాత ఎందుకో.. ఫిట్ నెస్ పై దృష్టి తగ్గించేశాడు. సోలో బ్రతుకే సో బెటర్, రిపబ్లిక్ సినిమాలో చాలా లావుగా కన్పించాడు. ఇక బైక్ ప్రమాదం తర్వాత తేజూ పూర్తిగా మారిపోయాడు. ఇంకా చెప్పాలంటే షేపౌట్ అయిపోయాడు. మాట కూడా స్పష్టంగా రావడం లేదు. రేయ్, సుప్రీమ్, పిల్లా నువ్వు లేని జీవితం సినిమాల్లో చూసిన తేజూనేనా మనం చూస్తుంది అన్నట్లుగా తయరైంది పరిస్థితి. ప్రమాదం తర్వాత మాట విషయంలో కొంచెం తేడా వచ్చినట్లు తేజూనే ఒప్పుకున్నాడు. అయితే… విరూపాక్ష రిలీజ్ తర్వాత కంప్లీట్ గా చేంజోవర్ అయినా తేజూని మీరూ చూస్తారని ప్రీ రిలీజ్ ఫంక్షన్ లో హామీ ఇచ్చాడు. హామీ ఇచ్చినట్లు తేజూ పూర్తిగా మేకోవర్ అయితేనే ఇప్పుడున్న సిట్యువేషన్ లో నిలదొక్కుకోగలడు. తేజూ టైమ్ లో ఇండస్ట్రీకి ఎంట్రీ ఇచ్చిన నాని ఇప్పుడు ఎక్కడ ఉన్నాడు చూసుకుంటేనే పరిస్థితి అర్థం అవుతుంది. అందుకే సాయి ధరమ్ తేజ్ కూడా విరూపాక్ష తర్వాత కొత్త సాయిని చూస్తారని ఘంటాపథంగా చెప్తున్నాడు.
పవన్ కల్యాణే దిక్కు
ప్రస్తుతం ఉన్న పరిస్థితుల్లో సాయి ధరమ్ తేజ్ బ్యాక్ టు బ్యాక్ హిట్స్ ఇవ్వాలి. అప్పుడే మార్కెట్ పెరుగుతుంది. బాహుబలి, పుష్ప 2 పుణ్యమా అని మన హీరోలు పాన్ ఇండియా లెవల్లో ఫేమస్ అవుతున్నారు. అందుకు తగ్గట్లుగా తేజు కూడా ప్లాన్ చేసుకోవాలి. ఇక సినిమాల విషయానికి వస్తే విరూపాక్ష ఆల్ రెడీ టేబుల్ ప్రాఫిట్ సినిమా. సినిమాపై కూడా మంచి బజ్ ఏర్పడింది. ఈ సినిమా తర్వాత పవన్ కల్యాణ్ తో తీస్తున్న మూవీ రిలీజ్ అవుతుంది. ఇది కూడా హిట్ అయితే… తేజు మెయిన్ ట్రాక్ లోక వచ్చేసినట్లే. అయితే ఈలోపుగా తనని తాను పూర్తిగా మార్చుకుని పాత సాయిధరమ్ లా ఉంటేనే వర్కవుట్ అవుతుంది.