మేష రాశి
మేష రాశి వారు ఈ రోజు ఆర్థిక లావాదేవీల విషయంలో జాగ్రత్తగా ఉండాలి. ఈ రాశి ఉద్యోగులు, వ్యాపారులు కొన్ని సమస్యలగురించి ఆందోళన చెందుతారు..ఫలితంగా పనిపై శ్రద్ధ తగ్గుతుంది. సామాజిక రంగాలకు చెందిన వ్యక్తులు తమ పనితీరుతో మాత్రమే మెప్పించగలరని గుర్తుంచుకోవాలి. మీ భావోద్వేగాలను నియంత్రించుకోవాలి. ఆరోగ్యం విషయంలో జాగ్రత్తగా ఉండాలి.
వృషభ రాశి
ఎప్పటి నుంచో నిలిచిపోయిన కొన్ని పనులను ఈ రాశివారు ఈ రోజు పూర్తిచేయగలుగుతారు. తోబుట్టువుల కారణంగా ఒత్తిడి పొందుతారు. వివాదాలకు దూరంగా ఉండండి. ఎవ్వరిపైనా మాట తూలవద్దు. ఆధ్యాత్మిక విషయాలపై ఆసక్తి పెరుగుతుంది. ఆర్థిక పరిస్థితి బావుంటుంది. ఏచిన్న అనారోగ్య సమస్యను కూడా నిర్లక్ష్యం చేయవద్దు. ఆస్తులకు సంబంధించి కోర్టు చుట్టూ తిరుగుతున్నవారికి తీర్పు అనుకూలంగా వచ్చే అవకాశం ఉంది.
మిథున రాశి
ఈరోజు ఈ రాశివారికి ఆర్థికపరమైన ఇబ్బందులు తప్పవు..ఖర్చులు తగ్గించుకునేందుకు ప్లాన్ చేసుకోవడం మంచిది. నూతన పెట్టుబడులు పెట్టే ఆలోచన ఉన్నవారు కుటుంబ సభ్యుల, అనుభవజ్ఞుల సలహాలు తీసుకుని పెట్టుబడులు పెట్టడం మంచిది. సంతానం వైపునుంచి సంతోషకరమైన వార్తలు వింటారు. ఈ రాశివారు ముఖ్యంగా కోపాన్ని అదుపుచేసుకోవాలి.అనవసర చర్చలకు దూరంగా ఉండడం చాలా మంచిది.
కర్కాటక రాశి
కర్కాటక రాశివారికి ఈరోజు మిశ్రమ ఫలితాలున్నాయి. వ్యాపార భాగస్వాములకు అయినా, సహోద్యోగులతో అయినా మీ వ్యక్తిగత విషయాలను పంచుకోవద్దు. విదేశాల్లో ఎగుమతి-దిగుమతి వ్యాపారం చేసేవారికి కలిసొస్తుంది. వ్యాపారులు నూతన పెట్టుబడులు పెట్టేముందు ఆలోచించడం మంచిది ఎప్పటి నుంచో ఆగిపోయిన పనులు పూర్తిచేసేస్తారు. విద్యార్థులకు కొన్ని సమస్యలు తప్పవు. కుటుంబ వాతావరణం బావుంటుంది.
సింహ రాశి
ఈ రోజు ఈ రాశివారికి ఆర్థికంగా కలిసొచ్చే రోజు అవుతుంది. కొత్త స్థలం, వాహనం, ఇల్లు, దుకాణం లాంటివి కొనుగోలు చేయాలనే మీ ఆలోచన కార్యరూపం దాల్చుతుంది. కుటుంబ సభ్యుల్లో ఒకరి వివాహానికి సంబంధించి ఆటంకాలు ఎదురైనప్పటికీ ఆ వ్యవహారం పూర్తవుతుంది. తల్లిదండ్రులకు, మీ పిల్లలకు సమయం కేటాయించండి. ఉద్యోగులు పనిపై శ్రద్ధవహించాలి. వ్యాపారులు నూతన పెట్టుబడులు పెట్టేముందు అనుభవజ్ఞుల సలహాలు తీసుకోవడం మంచిది. ఈ రాశివారికి ఎప్పటి నుంచో కొనసాగుతున్న సమస్య అనుకోకుండా పరిష్కారమవుతుంది.
కన్యా రాశి
ఈ రోజు మీకు సాధారణంగా ఉంటుంది. వివాదాలకు, అనవసర వాదనలకు దూరంగా ఉండడం మంచిది. నూతన పెట్టుబడులు పెట్టాలనే ఆలోచన ఉంటే మీ కుటుంబ సభ్యులను సంప్రదించిన తర్వాతే అడుగు ముందుకు వేయండి. ఆర్థికపరిస్థితి ఆశాజనకంగా ఉంటుంది. మీ చుట్టూ ఉంటూ మీకు నష్టం చేసేవారున్నారు జాగ్రత్తపడాలి. ఆరోగ్యం విషయంలో నిర్లక్ష్యంగా వ్యవహరించొద్దు.
తులా రాశి
ఈ రాశివారు ఉత్సాహంగా ఉంటారు. అనుకున్న పనులు పూర్తిచేస్తారు.ఎంత ధైర్యంగా ఉన్నప్పటికీ ఏదో తెలియని భయం వెంటాడుతుంది. వైవాహిక జీవితం ఆనందంగా ఉంటుంది. కుటుంబంలో ఉన్నచిన్నచిన్న సమస్యల పరిష్కారానికి బయటి వ్యక్తుల జోక్యాన్ని ప్రోత్సహించవద్దు. ఆర్థిక పరిస్థితి సాధారణంగా ఉంటుంది. ఖర్చులు నియంత్రించాల్సిన సమయం ఇది. మీ సామాజిక ప్రతిష్ఠ పెరగాలంటే కొంత ఖర్చు చేయాలి.
వృశ్చిక రాశి
ఈ రాశివారు ఈ రోజు జాగ్రత్తగా ఉండాలి. అనవసర వాదనలు ఎవ్వరితోనూ పెట్టుకోవద్దు. వివాదాలకు దూరంగా ఉండాలి. ఆసక్తి లేని సంఘటనలు మీ చుట్టూ చాలా జరుగుతాయి..మీరు కేవలం ప్రేక్షక పోషించాల్సి వస్తుంది. ఉద్యోగులు విమర్శలకు తావివ్వకుండా పనిచేసుకోవడం ఉత్తమం. వ్యాపారులకు సాధారణ ఫలితాలున్నాయి. ఆర్థిక పరిస్థితిలో పెద్దగా మార్పు ఉండదు. ఉద్యోగం మారాలి అనుకుంటే ఇదే మంచి సమయం. పిల్లల విషయంలో మీ బాధ్యతను అర్థంచేసుకోవాలి. అనారోగ్య సూచనలున్నాయి జాగ్రత్త.
ధనుస్సు రాశి
ఈ రోజు ఈ రాశివారికి మిశ్రమ ఫలితాలున్నాయి. వ్యాపారులు ఆశించిన ప్రయోజనం పొందుతారు. ఉద్యోగులు తమ పనితీరుతో ఉన్నతాధికారుల ప్రశంసలు అందకుంటారు. కొత్తగా ప్రారంభించే పనివిషయంలో జాగ్రత్తలు తీసుకోవడం అవసరం. వ్యాపార పనిపై ఎక్కడికైనా వెళ్లాల్సి వస్తే వెనకడుగు వేయవద్దు..ఈ ట్రిప్ మీకు ప్రయోజనకరంగా ఉంటుంది. ఏ విషయంలోనూ తొందరపాటు తగదు. ఆరోగ్యాన్ని అస్సలు నిర్లక్ష్యం చేయవద్దు. సృజనాత్మక ప్రయత్నం ఫలిస్తుంది.
మకర రాశి
ఈ రాశివారు అనుకోని బహుమతులు అందుకుంటారు. ఇంటా బయటా గౌరవం పెరుగుతుంది. కుటుంబ జీవిత ఆనందంగా ఉంటుంది. వ్యాపార ప్రయత్నాలు ఆహ్లాదకరంగా ఉంటాయి. చాలా కొత్త అవకాశాలు మీ తలుపుతడతాయి..ఆలోచించి నిర్ణయం తీసుకోండి. విద్యార్థుల ఉన్నత విద్యకు మార్గం సుగమం అవుతుంది.
కుంభ రాశి
ఈ రోజు కుంభరాశివారికి ఫలప్రదమైన రోజు. ఇతరుల నుంచి సహకారం తీసుకోవడంలో విజయం సాధిస్తారు. జీవనోపాధి విషయంలో పురోగతి ఉంటంది. ఉద్యోగులు, వ్యాపారులు పనిపై శ్రద్ధ వహించండి. ఆర్థిక పరిస్థితి బాగానే ఉంటుంది. సామాజిక రంగాలకు చెందిన వ్యక్తులు శత్రువులతో జాగ్రత్తగా ఉండాలి..మీప్రతిష్టను దెబ్బతీసే ప్రయత్నాలు జరుగుతున్నాయి. వ్యాపారులు లాభాలు పొందుతారు. కుటుంబంలో నెలకొన్న వివాదాలు సర్దుమణుగుతాయి.
మీన రాశి
ఈ రోజు మీకు సంతోషకరమైన రోజు. మీ పాత వ్యాపార అనుభవాల నుంచి ప్రయోజనం పొందుతారు. ఉద్యోగులు రోజంతా బిజీబిజీగా ఉంటారు. కార్యాలయంలో మీ ఆలోచనలను స్వాగతిస్తారు. సామాజిక రంగంలో మీ ఖ్యాతి విస్తరిస్తుంది. అనారోగ్య సమస్యలు తొలగిపోతాయి. ఆర్థిక పరిస్థితి బలంగా ఉంటంది. వ్యాపారంలో నూతన పెట్టుబడుల గురించి అనుభవజ్ఞుల సలహాలు తీసుకోవడం మంచిది
గమనిక: ఒక రాశిలో పేర్కొన్న ఫలితాలన్నీ ఒక్కరికే వర్తిస్తాయని భావించరాదు. మీ వ్యక్తిగత పూర్తి వివరాల కోసం అనుభవజ్ఞులైన జ్యోతిష్య శాస్త్ర పండితులను సంప్రదించగలరు. ఈ ఫలితాలను ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.
