ఏపీలో ప్రభుత్వ వాహనాలకు AP 40G సిరీస్
అమరావతిః ఏపీలో ఇకపై ప్రభుత్వ వాహనాలకు కొత్త సిరీస్ తో నెంబర్లు కేటాయించనున్నారు. అందుకోసం మోటార్ వాహనాల చట్టంలో సవరణ తీసుకురానున్నారు. ఆ మేరకు రాష్ట్ర రవాణా శాఖ నోటిఫికేషన్ జారీ చేసింది. అభ్యంతరాలు, సలహాలు, సూచనలు తెలియజేయాలని కోరింఇ. ఈ చట్ట సవరణ అనుసరించి ప్రభుత్వ వాహనాలకు AP 40G అనే సిరీస్ తో నెంబర్లు కేటాయించనున్నారు. ప్రభుత్వం కొనుగోలు చేసే వాహనాలకు మాత్రమే ఈ ప్రత్యేక సిరీస్ ను కేటాయిస్తారు. 2018 నుంచి రవాణా శాఖ అన్ని జిల్లాలకు కలిపి AP 39 సిరీస్ లో నెంబర్లు కేటాయిస్తోంది. ఇక మీద నూతన రిజిస్ట్రేషన్ సిరీస్ తీసుకురావడంతో ప్రైవేటు వాహనాలకు, ప్రభుత్వ వాహనాలకు తేడా స్పష్టంగా తెలుసుకోవచ్చు.
