2023లో దక్షిణాది దర్శకులు ఇరగదీశారు. బాక్సాఫీస్ దగ్గర భారీ హిట్స్ తో దూసుకెళ్లారు. ఒకరిని మించి ఒకరు బ్లాక్ బస్టర్ సినిమాలు తీసి బాలీవుడ్ కి కూడా కొత్త పాఠాలు నేర్పారు. కలెక్షన్ల పరంగా వావ్ అనిపించారు.
ప్రశాంత్ నీల్ – సలార్
ప్రస్తుతం బాక్సాఫీస్ ని షేక్ చేస్తోన్న సలార్ మూవీ దర్శకుడు ప్రశాంత్ నీల్. భారీ అంచనాల మధ్య వచ్చిన ఈ మూవీ మంచి టాక్ సొంతం చేసుకుంది. స్క్రీన్ పై ప్రభాస్ కటౌట్ చూసి ప్రేక్షకులు ఫిదా అయిపోయారంతే.
సందీప్ వంగా – యానిమల్
2023 ఇయర్ ఎండ్ లో మారుమోగిన పేరు సందీప్ వంగా. తెరకెక్కించినవి మూడే మూడు సినిమాలు అయినా కలెక్షన్ల పరంగా కుమ్మేశాడు. రీసెంట్ గా రణబీర్ కపూర్ -రష్మికతో తెరకెక్కించిన పాన్ ఇండియా మూవీ యానిమల్ బాక్సాఫీస్ దగ్గర వసూళ్ల దండయాత్ర కొనసాగిస్తోంది.
అట్లీ – జవాన్
2023లో ఇండస్ట్రీని షేక్ చేసిన దర్శకులలో ఒకడు కోలీవుడ్ స్టార్ డైరెక్టర్ అట్లీ. వరస హిట్లతో దూసుకుపోతున్న అట్లీ ఈ ఏడాది బాలీవుడ్ బాద్షా షారుఖాన్ తో జవాన్ సినిమా చేశాడు. ఈ సినిమా ఏకంగా 1100 కోట్లు వసూలు చేసి ఇండస్ట్రీని ఆశ్చర్యంలో ముంచెత్తింది.
దిలీప్ కుమార్ – జైలర్
జైలర్ సినిమాతో సెన్సేషనల్ బ్లాక్ బస్టర్ అందుకున్నాడు కోలీవుడ్ స్టార్ డైరెక్టర్ నెల్సన్ దిలీప్ కుమార్. సూపర్ స్టార్ రజనీకాంత్ కి లాంగ్ గ్యాప్ తర్వాత తిరుగులేని హిట్టిచ్చిన మూవీ ఇది.
లోకేష్ కనగరాజ్ – లియో
కోలీవుడ్ మరో స్టార్ డైరెక్టర్ లోకేష్ కనగరాజ్ లియో సినిమా ద్వారా భారీ సక్సెస్ అందుకున్నారు. విజయ్ తో చేసిన ఈ సినిమా 500 కోట్లు కలెక్షన్లు వసూలు చేసింది.
బాలీవుడ్ లో ముగ్గురు
బాలీవుడ్ నుంచి ముగ్గురు డైరెక్టర్లు సత్తా చాటారు. పఠాన్ , గదర్ 2 ,టైగర్ 3 టాప్ గ్రాసర్స్ లిస్ట్ లో నిలిచాయి. పఠాన్ కు సిద్దార్ద్ ఆనంద్ 1050 కోట్లు , గదర్ 2 తో అనీల్ శర్మ 691 కోట్లు ,టైగర్ 3 అలీ అబ్బాస్ జాఫర్ లు 564 కోట్లు రాబట్టారు.
అయితే నార్త్ డైరెక్టర్స్ తో పోల్చుకుంటే సౌత్ డైరెక్టర్స్ ఈ ఏడాది బాక్సాఫీస్ దగ్గర రికార్డుల వేట సాగించారనే చెప్పాలి. మరి కొత్తఏడాదిలోనూ ఇదే జోరు కొనసాగించాలని కోరుకుంటూ ఆల్ ది బెస్ట్…
