ఇండస్ట్రీలో ఎవరైనా హిట్టు కొడితే సంతోషపడతారు కానీ ఆ హీరో అభిమానులు మాత్రం ఓ హీరోయిన్ హిట్టందుకుందని బాధపడిపోతున్నారు. ఎందుకంటే ఆమె చుట్టూ ఓ సెంటిమెంట్ బలపడుతోంది. ఇప్పుడా సెంటిమెంట్ తమ హీరో మూవీకి ఎసరు పెడుతుందేమో అని భయపడుతున్నారు…
టాలీవుడ్ మొత్తం శ్రీలీల జపం చేస్తోంది. బ్యాక్ టు బ్యాక్ సినిమాలతో బిజీగా ఉన్న శ్రీలీల యంగ్ హీరోల నుంచి స్టార్ హీరోల వరకూ ఆల్మోస్ట్ అందరి సినిమాల్లో నటిస్తోంది. ధమాకా సినిమాలో తన అందం అండ్ డాన్స్ తో యంగ్ ని ఫిదా చేసిన శ్రీలీల కెరీర్ స్టార్ట్ అయిన అతి తక్కువ సమయంలోనే మహేష్ బాబు, పవన్ కళ్యాణ్, రవితేజ లాంటి స్టార్ హీరోస్ పక్కన హీరోయిన్ గా నటించే అవకాశం కొట్టేసింది. స్క్రీన్ పై ఎనర్జీగా కనిపించే ఈ బ్యూటికి సంబంధించి ఓ సెంటిమెంట్ ఇండస్ట్రీలో నడుస్తోంది..అదే ఇప్పుడు మహేష్ బాబు ఫ్యాన్స్ ని భయపెడుతోంది..
ఓ హిట్ ఓ ఫ్లాప్
బ్యాక్ టు బ్యాక్ సినిమాలు చేస్తున్న శ్రీలీల.. ప్రస్తుతానికి వరుస ఫ్లాపుల్లో ఉంది. భారీ అంచనాల మధ్య వచ్చిన స్కంద..భారీ డిజాస్టర్ కావడమే కాదు ఎన్నో రకాలుగా ట్రోల్ అయింది. ఈ మూవీ తో శ్రీలీల హ్యాట్రిక్ విజయం అందుకుంటుందని అనుకుంటే భారీ ప్లాప్ అందుకుంది. దీని తర్వాత విడుదలైన భగవంత్ కేసరితో ఫామ్ లోకి వచ్చినా..రీసెంట్ గా ఆదికేశవతో ఫ్లాప్ ను సొంతం చేసుకుంది. దీంతో కృతిశెట్టి తో శ్రీలీలను పోలుస్తున్నారు. ఉప్పెన తో హిట్ కొట్టిన కృతి..ఆ తరువాత హ్యాట్రిక్ విజయాలు అందుకుంది. ఆ తర్వాత వరుస ప్లాప్స్ పడడంతో అమ్మడికి ఇప్పుడు సినిమాలు లేవు. దీంతో శ్రీలీల కెరియర్ కూడా అలాగే అవుతుందా అని అభిమానులు ఖంగారు పడుతున్నారు. పైగా ఒక హిట్ ఒక ఫ్లాప్ బ్యూటీ ఖాతాలో పడటంతో మహేష్ బాబు ఫ్యాన్స్ టెన్షన్ పడుతున్నారు.
ఎక్స్ ట్రా ఆర్డినరీ మ్యాన్ హిట్టైతే గుంటూరుకారం డౌటేనా!
నితిన్ శ్రీలీల కాంబోలో తెరకెక్కుతున్న ఎక్స్ ట్రా ఆర్డినరీ మ్యాన్ రిలీజ్ కు రెడీ అవుతోంది. ఇప్పటికే రిలీజైన ట్రైలర్ తో సినిమాపై పాజిటివ్ వైబ్స్ క్రియేట్ అయ్యాయి. ఈ మూవీ తర్వాత నెక్ట్స్ మహేష్ బాబు తో నటిస్తున్న గుంటూరు కారం కూడా రిలీజ్ కు రెడీ అవుతోంది. దీంతో మహేష్ ఫ్యాన్స్ కంగారు పడుతున్నారు. శ్రీలీల ఖాతాలో ఓహిట్ ఓ ఫ్లాప్ పడుతోందని…ఈ లెక్కన ఎక్స్ ట్రా ఆర్డినరీ మ్యాన్ హిట్టైతే గుంటూరుకారం డౌటేనా అంటున్నారు. చూడాలి మరి ఏం జరుగుతుందో.
